2026 წლის ბიუჯეტის პროექტის საბოლოო ვერსიაში ეკონომიკისა და მდგრადი განვითარების სამინისტროსათვის გათვალისწინებულია 928,6 მლნ ლარი. ამის შესახებ ინფორმაციას ფინანსთა სამინისტრო ავრცელებს.
გამოყოფილი თანხის ფარგლებში გათვალისწინებულია:
•მეწარმეობის განვითარება - 232,7 მლნ ლარი;
•ტურიზმის განვითარების ხელშეწყობა - 65,1 მლნ ლარი;
•საქართველოში ინოვაციებისა და ტექნოლოგიების განვითარება - 156,4 მლნ ლარი;
•ტრანსპორტის სფეროში საერთაშორისო ხელშეკრულებებით ნაკისრი ვალდებულებების დაფარვა და ტრანსპორტირების ხარჯების სუბსიდირება - 27 მლნ ლარი;
•ელექტროგადამცემი ხაზების მშენებლობა-რეაბილიტაცია - 222,0 მლნ ლარი, მათ შორის, 25,0 მლნ ლარი გათვალისწინებულია შავი ზღვის წყალქვეშა ელექტროგადამცემი ხაზის მშენებლობისთვის საჭირო გეოლოგიური კვლევებისთვის;
•ენერგიის დამაგროვებელი მოწყობილობის პროექტი (ADB) – 35,0 მლნ ლარი;
•ანაკლიის ღრმაწყლოვანი პორტისთვის საჭირო წყლის ინფრასტრუქტურის მშენებლობისთვის - 50,0 მლნ ლარი.
