2024 წლის აგვისტოს ბოლოს, საქართველოს კომერციული ბანკების მთლიანი აქტივები 88.4 მლრდ ლარს შეადგენს. ამის შესახებ საქართველოს ეროვნული ბანკის მიერ გავრცელებული ინფორმაციიდან ირკვევა.
სებ-ის ცნობით, აგვისტოს მდგომარეობით, საქართველოს საბანკო სექტორი 17 კომერციული ბანკითაა წარმოდგენილი; მათ შორის 13 - საწესდებო კაპიტალში უცხოური კაპიტალის მონაწილეობით. საბანკო სექტორის კაპიტალი 13.0 მლრდ ლარია, რაც კომერციული ბანკების მთლიანი აქტივების 14.7 პროცენტია.
