გამოფენების ცენტრ "ექსპოჯორჯია"-ში სოფლის მეურნეობის, კვების მრეწველობის, გადამამუშავებელი და შემფუთველი ტექნოლოგიების 23-ე საერთაშორისო გამოფენა – Agro/Food/Drink/Tech/Expo 2025 გაიმართა. სოფლის მეურნეობის, კვების მრეწველობისა და ტექნოლოგიური ინოვაციების ლიდერებმა საკუთარი წარმოების პროდუქტი და მომსახურება წარმოადგინეს.
ინდუსტრიის პროფესიონალებს და პოტენციურ შემსყიდველებს. დარგის წარმომადგენლებს შესაძლებლობა მიეცათ, ესარგებლათ არსებული პლატფორმით კონტაქტების დასამყარებლად და ურთიერთთანამშრომლობისათვის.
“ამ კომპანიებსითვის ძალიან მნიშვნელოვანია, როგორც არსებული ბიზნესის განვითარება, ასე საქართველოს ბაზრის ათვისება. არიან ისეთი კომპანიები, რომლებიც ახლა დგამენ პირველ ნაბიჯებს და არიან ისეთებიც, რომლებიც ფიქრობენ შემოსვლას ქართულ ბაზარზე.
ძალიან სასარგებლო რამ ხდება, ამდენი დაინტერესებული მხრის თავმოყრით, განსხვავებული წარმოებების სინერგიაა, რომლებიც მზად არიან ახალი საქმე წამოიწყონ, ასევე ძალიან მნიშნელოვანი კომპონენტია გამოფენაზე გამოცდილებისა და ცოდნის გაზიარება, რომელიც ყველა ჩვენს გამოფენას ახლავს თან”, - განაცხადა გამოფენის დირექტორმა რესან ქიქავამ.
მიმდინარე წელს გამოფენაში მონაწილეობას 50-მდე კომპანია იღებდა. გამოფენა მიზნად ისახავდა მათთვის მიეცა შესაძლებლობა კავშირი დაემყარებინათ დარგის წევრებთან და დაესახათ სამომავლო პერსპექტივები.
გამოფენაზე პროდუქტი და მომსახურება წარმოადგინა თანამედროვე სასოფლო-სამუეურნეო ტექნიკის, სასათბურე და სარწყავი სისტემების იმპორტიორებმა, სარგავი და სათესლე მასალის გამავრცელებელმა კომანიებმა, უახლესი ტიპის სასუქებისა და მცენარეთა მოვლის საშუალებების მწარმოებლებმა.
“ჩვენთვის არა მხოლოდ ადგილობრივი აგრო სექტორი, არამედ საერთაშორისო კავშირებიც ძალიან მნიშნელოვანია. ამ გამოფენის ფარგლებში არაერთ კომპანიასთან დავამყარეთ კავშირი, რომელიც საერთაშორისო დარგობრივ განვითარებაში მნიშვნელოვანი წვლილი შეაქვთ”, - განაცხადა კომპანია "აგრო-ნოვას" წარმომადგენელმა მიხეილ გაბუნიამ.
საერთაშორისო კომპანიებიდან რამდენიმე ბრენდი საქართველოში პირველად იყო წარმოდგენილი, მათ შორის საწარმოო აღჭურვილობის დამამზადებელი, ლოჯისტიკისა და მსხვილი ტექნოლოგიების იმპორტიორი.
“ჩვენ დღეს უკვე გვაქვს 20-მდე კომპანიის კონტაქტი, რომელიც საქართველოს სოფლის მერნეობისა და კვების მწარმოებლებს მოიცავს. ჩვენ გერმანიაში ვაწარმოებთ კონტეინერებსა და სურსათის წარმოებისთვის აუცილებელ აღჭურვილობას. აღმოსავლეთ ევროპის ქვეყნებში რამდენიმე ქვეყანაში ვართ წარმოდგენილი. საქართველოში ეს ჩვენი პირველი გამოფენაა, ამ დღეებმა ხელი შეუწყო ჩვენს ზრდას, საქართველოში წარმომადგენლობის გახსნა სწორედ ამ ზრდის ნიშანი იქნება”, - განაცხადა მაიკლ სიბერტმა, გერმანული აღჭურვილობის მწარმოებელი კომპანიის წარმომადგენელმა.
გამოფენაზე დასწრება თავისუფალი იყო, სტუმრები მას არა მხოლოდ თბილისიდან, არამედ რეგიონებიდანაც ესწრებოდნენ. მათ დაათვალიერეს მსხვილი ფერმერული ტექნიკა, მეურნეობის აღჭურვილობები, შესაფუთი და ლოჯისტიკისთვის განკუთვნილი მასალები. გამოფენა რიგით 24-ედ შედგა. ორგანიზატორების თქმით, ის მომავალ წელსაც დაიგეგმება.
