1714233680

„ცალსახა და უდავოა, რომ ევროპა და ევროპული ღირებულებები არის ის, რისკენაც უკვე წლებია მივისწრაფვით. დარწმუნებული ვარ ჩვენი მრავალწლიანი სვლა ამ გზაზე წარმატებით დასრულდება და საქართველო გახდება ევროკავშირის ღირსეული, თანაბარუფლებიანი წევრი თავისი კულტურით, ტრადიციებით და პრინციპებით!“-ამის შესახებ ბიზნესმენი გიორგი კაპანაძე სოციალურ ქსელში წერს, რითაც ქვეყანაში მიმდინარე პოლიტიკურ მოვლენებს ეხმიანება.როგორც გიორგი კაპანაძე აღნიშნავს, პოლიტიკური რყევების თუ სპეკულაციების მიუხედავად, გარე თუ შიდა გამოწვევების მიუხედავად, ბოლო წლებში ქვეყანამ შეძლო სტაბილურობის და მშვიდობის შენარჩუნება. როგორც თითოეული მოქალაქისთვის, ისე ბიზნესისთვის სასიცოცხლოდ მნიშვნელოვანია მშვიდობიანი და სტაბილური გარემო, რაც პირდაპირ პროპორციულია საქართველოს მოქალაქეების კეთილდღეობასთან! ბიზნესმენი ასევე, „გამჭვირვალობის კანონთან“ დაკავშირებით წერს და აღნიშნავს, რომ გამჭირვალეობის საწინააღმდეგო ჭეშმარიტად ევროპულად მოაზროვნე არცერთ ადამიანს, არაფერი ექნება.„მინდა გამოვეხმაურე ბოლო ხანს ქვეყანაში მიმდინარე პროცესებს. ჩემთვის, როგორც ამ ქვეყნის მოქალაქისთვის და რიგითი ბიზნესმენისთვის სულერთი ნამდვილად არ არის, თუ როგორ ვითარდება საქართველო. ცალსახა და უდავოა, რომ ევროპა და ევროპული ღირებულებები არის ის, რისკენაც უკვე წლებია მივისწრაფვით. დარწმუნებული ვარ ჩვენი მრავალწლიანი სვლა ამ გზაზე წარმატებით დასრულდება და საქართველო გახდება ევროკავშირის ღირსეული, თანაბარუფლებიანი წევრი თავისი კულტურით, ტრადიციებით და პრინციპებით! ამ მიზნის მისაღწევად უმნიშვნელოვანესია მშვიდობა! საბედნიეროდ, ბევრი პოლიტიკური რყევების თუ სპეკულაციების მიუხედავად, გარე თუ შიდა გამოწვევების მიუხედავად, ბოლო წლებში ქვეყანამ შეძლო სტაბილურობის და მშვიდობის შენარჩუნება, მივიღეთ ევროპასთან უვიზო მიმოსვლის შესაძლებლობა, კანდიდატი ქვეყნის სტატუსი და იმედი მაქვს, მალე მოლაპარაკებების კარიც გაიღება. როგორც თითოეული მოქალაქისთვის, ისე ბიზნესისთვის სასიცოცხლოდ მნიშვნელოვანია მშვიდობიანი და სტაბილური გარემო, რაც პირდაპირ პროპორციულია საქართველოს მოქალაქეების კეთილდღეობასთან! რაც შეეხება სადაო კანონს, მე როგორც ბიზნესმენი არაერთხელ გავმხდარვარ ბინძური ცილისწამების და დაკვეთილი დეზინფორმაციის სამიზნე. სამწუხაროდ, ამ ცილისწამებების ავანგარდში იდგნენ ადამიანები, რომლებიც, ვითომდა კეთილშობილური მიზნებით, ახლა გვარწმუნებენ, რომ ქვეყანა რუსეთისკენ იხრის კურს. არადა, სწორედ რუსული პროპაგანდის სტილით ხდებოდა პირადად ჩემზე გაუგონარი ტყუილების გავრცელება, და დიახ, სწორედ ეს არის რუსული! ამ მიზანმიმართული სიცრუის კამპანიებს, რომლის მსხვერპლი არაერთი ადამიანი გახდა, საერთო არაფერი აქვს ევროპულობასთან! ბევრი ადამიანისთვის გაუგებარია, რატომ შეიძლება იყოს გამჭვირვალეობა რუსული და კამპანიური ცილისწამება ევროპული?! მე არ ვაპირებ კანონის ნიუანსებში შესვლას, თუმცა ვფიქრობ გამჭვირვალეობის საწინააღმდეგო ჭეშმარიტად ევროპულად მოაზროვნე არცერთ ადამიანს, არაფერი ექნება. სხვა დეტალები პოლიტიკოსებმა არა ქაოსის, არეულობით მუქარის და შანტაჟის ფონზე, არამედ მოლაპარაკებების მაგიდასთან უნდა განიხილონ! მე, როგორც ბიზნესმენი, რომელიც ვქმნი უამრავ სამუშაო ადგილს ქვეყანაში, დარწმუნებული ვარ, ალტერნატივა არ აქვს ევროპას! მშვიდობას! ღიაობას და გამჭვირვალეობას!“-წერს გიორგი კაპანაძე.

1714224261

საქართველო პოზიციონირებს, როგორც ევროპისა და აზიის გზაჯვარედინზე მყოფი სახელმწიფო. ასე რომ, ჩვენი ეკონომიკური პოლიტიკის ერთ-ერთი საყრდენი არის ქვეყანაში სატრანზიტო პოტენციალის გაძლიერება, - აღნიშნა ფინანსთა მინისტრმა, ლაშა ხუციშვილმა.მისი თქმით, დღეს ქვეყანაში ხორციელდება საერთაშორისო მნიშვნელობის მქონე პროექტები, რომელთა მიზანია რეგიონული თანამშრომლობის განვითარება. „ჩქაროსნული მაგისტრალები, სადაც ჩვენ საერთაშორისო საფინანსო ინსტიტუტების დახმარებით, მილიარდობით დოლარის ინვესტიციას ვახორციელებთ, ასევე რკინიგზა, ახალი პორტები და ყველა ინფრასტრუქტურული პროექტი ემსახურება ქვეყანაში სატრანზიტო პოტენციალის გაზრდას. ყოველივე ეს არის იმ მრავლობითი ინიციატივის ნაწილი, რომელიც რეგიონულ თანამშრომლობას გულისხმობს, მათ შორისაა შუა დერეფანი, აბრეშუმის გზა და სხვა ინიციატივები, რომელთა მთავარი მიზანი რეგიონული  თანამშრომლობის გაზრდაა. დღეს ქვეყანა დიდ სარგებელს იღებს ამ ტიპის ინიციატივებიდან და ვფიქრობთ, რომ ჩვენ გავაგრძელებთ ინვესტიციებს ამ ტიპის პროექტებში. ასე ვიტყოდი: ერთ-ერთი მთავარი და მნიშვნელოვანი პროექტი, რომელიც არის ფლაგმანი საქართველოსა და ევროკავშირის თანამშრომლობის კონტექსტში, არის შავი ზღვის წყალქვეშა ენერგოკაბელი, რომელიც უკვე ევროკავშირის საინვესტიციო გეგმის ფლაგმანურ პროექტად იქცა. ეს პროექტი შემდეგ მიზანს ემსახურება: გვქონდეს პირდაპირი კავშირი ევროკავშირთან და ეს არის დიდი შესაძლებლობა ქვეყნისთვის, რათა განახორციელოს განახლებადი ენერგიის ექსპორტი ევროკავშირში, რადგან თუ თქვენ ნახავთ ელექტროენერგიის გენერაციის კომპონენტებს საქართველოში - 80-ზე მეტი მწვანე და განახლებადია და ძირითადად, ჰიდრო და ქარის ენერგომატარებლებიდან მოდის“, - აღნიშნა ფინანსთა მინისტრმა, ლაშა ხუციშვილმა.აღნიშნული დისკუსია აზიის განვითარების ბანკის პერიოდული გამოცემა „ADB Insight“-ის ორგანიზებით გაიმართა და მასში მონაწილეობენ ADB-ის პრეზიდენტი მასა ასაკავა, EBRD-ის პრეზიდენტი ოდილ რენო-ბასო. დისკუსიას უძღვებოდა ნიშა პილაი, რომელიც წლების განმავლობაში BBC World News-ის ერთ-ერთი ყველაზე ცნობადი სახე და Asia Today-ის წამყვანი იყო. დისკუსია წინ უსწრებდა აზიის განვითარების ბანკის 57-ე წლიურ შეხვედრას, რომელიც თბილისში 2-5 მაისს იმართება.

1714211820

statista.com-ის მონაცემებით, 2020 წელს მსოფლიოს ველნეს ინდუსტრიის მოცულობამ 4,3 ტრილიონი დოლარი შეადგინა, 2022-ში - 5,61 ტრილიონი, 2025 წლისთვის ეს ციფრი 7 ტრილიონ ამერიკულ დოლარამდე ავა, 2027 წლისთვის კი 8,47 ტრილიონს მიაღწევს.2022 წლის მაჩვენებლით, ველნეს-ინდუსტრიის მონაცემები, სეგმენტების მიხედვით ასეთი იყო: თავის მოვლა და სილამაზე - ტრილიონ დოლარზე მეტი; ასევე ტრილიონ დოლარს აჭარბებდა ჯანსაღ კვებასა და წონის კლებაზე დახარჯული თანხები. შემდეგ მოდის ფიზიკური აქტივობა (927 მილიარდი), საზოგადოებრივი ჯანდაცვისა და პრევენციულ მედიცინის სერვისებში კი მსოფლიოს მოსახლეობამ 600 მილიარდი დახარჯა. შემდეგ მოდის ტრადიციული მედიცინა, ველნეს ტურიზმი, სპა და ა.შ.ველნესის კონცეფცია ნიშნავს ფიზიკური და სულიერი მდგომარეობის შენარჩუნებას. ეს სფერო განსაკუთრებით აქტუალურია თანამედროვე ცხოვრების ტემპის, სტრესისა და ეკოლოგიური პირობების გათვალისწინებით.ადამიანებს სულ უფო ხშირად უჩნდებათ ნორმალური ფიზიკური და ფსიქიკური მდგომარეობის შენარჩუნების სურვილი. მათ აქვთ მოთხოვნილება მოიყვანონ თავიანთი ფიზიკური და სულიერი მდგომარეობა ჰარმონიაში,  გაიხანგრძლივონ ახალგაზრდობა, შეაჩერონ დაბერება და ჰქონდეთ ხარისხიანი ცხოვრება რაც შეიძლება დიდი ხნის განმავლობაში.  დღეს მსოფლიოში უამრავი ადამიანი ცდილობს ველნეს ინდუსტრიის პროდუქტებისა და მომსახურების გამოყენებას.ველნეს ინდუსტრია მოიცავს აქტიური, სრულყოფილი ცხოვრების წესს; კვებას ინდივიდუალური რაციონით; კლიმატოთერაპიას, ბალნეო-მედიცინას, სამკურნალო ბალახებს და აბაზანებს, ღვინოთერაპიას, ტალახით მკურნალობას, მაგნიტური ქვიშას, ზღვის აბაზანებს, მცენარეულ ფლვონოიდებს (ანტიოქსიდანტებს) და წყალმცენარეებს; ასევე ინდივიდუალურად შერჩეულ ფიზიკურ დატვირთვას: ცურვას, სამთო-სათხილამურო სპორტს, სამკურნალო ფიზკულტურას, მასაჟს, ცხენით სეირნობას და ა. შ. ასევე კანის სწორ მოვლას. jandacva.ge 

1714210228

განათლების კოალიციასა და ლიბერთის შორის სტრატეგიული პარტნიორობის ფარგლებში მასწავლებლის ეროვნული ჯილდოს პრემია „ჩვენი ვეფხისტყაოსანი“ დაწესდა.პრემიაზე განაცხადების მიღება მასწავლებლის ეროვნული ჯილდოს ვებგვერდზე www.tprize.ge 26 აპრილიდან 30 მაისის ჩათვლით იქნება შესაძლებელი.კონკურსის პირველ ეტაპზე აპლიკაციები ტექნიკურად შემოწმდება, მეორე ეტაპისთვის გამოვლინდებიან ფინალისტები და მათგან სამი პრემიის მფლობელი, 5 ოქტომბერს, მასწავლებლის ეროვნული ჯილდოს გადაცემის ცერემონიაზე დაჯილდოვდება.პრემიის მფლობელებს ფულადი ჯილდოს სახით ლიბერთისგან 2000 – 2000 ლარი გადაეცემა, დანარჩენი ფინალისტებები კი სამახსოვრო სიგელებს და ვეფხისტყაოსნის სასუვენირო გამოცემას მიიღებენ.კონკურსანტთა შერჩევის პროცესს 5 წევრისგან დაკომპლექტებული ჟიური წარმართავს. ჟიურის შემადგენლობაში არიან: ალექსანდრე ლორთქიფანიძე-მწერალი; თეონა ბექიშვილი-თბილისის ივანე ჯავახიშვილის უნივერსიტეტის ფსიქოლოგიისა და განათლების ფაკულტეტის პედაგოგი; ლევან გელაშვილი - ფილოლოგიის დოქტორი; ოქტაი ქაზუმოვი - ფილოლოგი, მთარგმნელი და ნატა ლომოური-ისტორიკოსი, კულტურის მენეჯერი.“ძალიან მნიშვნელოვნად მიგვაჩნია ხელი შევუწყოთ ამ ნაწარმოების სწავლა-სწავლების შემდგომ გააზრებას და მის განვითარებას. ეს პრემია მიზნად ისახავს ერთი მხრივ მოვახდინოთ ამ საკითხის აქტუალიზება, ბიძგი მივცეთ ამ მიმართულებით სხვადასხვა ინიციატივებს, ჩავრთოთ და დავაკავშიროთ სხვადასხვა აქტორები.თუმცა რა თქმა უნდა ჯილდოს მისიიდან გამომდინარე მთავარი მიზანი გახლავთ წავახალისოთ ჩვენი მასწავლებლები, დავეხმაროთ მათ საკუთარი პრაქტიკის განვითარებასა და გაზიარებაში.”-ირინა ხანთაძე, განათლების კოალიციის გამგეობის თავმჯდომარე.,,გვიხარია რომ ლიბერთისა და განათლების კოალიციას შორის შედგა თანამშრომლობა და დავაწესეთ პრემია „ჩვენი ვეფხისტყაოსანი“. შეუძლებელია ვეფხისტყაოსანი შაბლონურად, ერთი სტანდარტით ისწავლებოდეს, მნიშვნელოვანია მასწავლებლის ინდივიდუალური მიდგომა, საკუთარი ხედვა და დამოკიდებულება. ვფიქრობთ, ამ მხრივ პრემია „ჩემი ვეფხისტყაოსანი“ შესანიშნავი სტიმულია ჩვენი მასწავლებლებისათვის გამოიჩინონ მეტი ინდივიდუალურობა და ინიციატივა ამ უაღრესად მნიშვნელოვან პროცესში. ლიბერთის კორპორაციული პასუხისმგებლობის მთელი რესურსი განათლებისკენ არის მიმართული, ამიტომაც ამ დიდ საქმეში ჩვენ დიდი სიხარულით და ენთუზიაზმით ვერთვებით“.-თამარ ზაქარიაძე, ლიბერთის კორპორაციული პასუხისმგებლობის მიმართულების ხელმძღვანელი.მასწავლებლის ეროვნული ჯილდო, პრემიის მფლობელ პედაგოგებს წარუდგენს და გააცნობს საზოგადოებას და უზრუნველყოფს გამორჩეული პრაქტიკების გავრცელებას მასწავლებელთა ფართო წრეებში.

1714204800

კორპორატიული კულტურა გაიზარდა, კომპანიები მზად არიან თანამშრომლების კვებისთვის გადაიხადონ, - ამის შესახებ ფურშეტისა და საოფისე კვების კომპანია „დელიკატოს“ დამფუძნებელმა დავით ზაქარაიამ „ბიზნესპარტნიორთან“ განაცხადა.მისივე ინფორმაციით, ადრე კომპანიების მხრიდან აღნიშნულ სერვისზე ნაკლები მოთხოვნა იყო.„იურიდიული კომპანიები უკვეთავენ ლანჩ მენიუებს. ამ ეტაპზე, დაახლოებით, 30-მდე კომპანია სარგებლობს აღნიშნული სერვისით. ზოგს მუდმივი კონტრაქტი აქვს გაფორმებული, ზოგს დროებითი“, - აღნიშნა დავით ზაქარაიამ.გარდა ამისა, როგორც კომპანიის დამფუძნებელი აღნიშნავს, საზოგადოების ცნობიერება ფურშეტების მიმართაც შეიცვალა.დავით ზაქარაიას ინფორმაციით, ფურშეტებზე მოთხოვნა ყოველწლიურად, დაახლოებით, 10-15%-ით იზრდება.„ადრე ფურშეტების შესახებ დაბალი ცნობიერება იყო და ახლა უკვე ეს კულტურა დამკვიდრდა და ჩვეულებრივ მოვლენად აღიქმება. ქორწილებიც კეთდება ფურშეტით და სხვა ტიპის ღონისძიებებიც. დამკვეთები არიან იურიდიული პირებიც და ფიზიკური პირებიც, მაგრამ ძირითადი მომხმარებლები უფრო, იურიდიული პირები არიან, რადგან მათთვის ასეთი მომსახურება უფრო კომფორტულია. შეიძლება ითქვას, რომ ბაზარი დაახლოებით, ერთნაირად იზრდება, თუმცა ჩვენი შეკვეთების 80% იურიდიულ პირებზე მოდის, ხოლო 20% ფიზიკურ პირებზე. კომპანიები ყველაზე ხშირად პრეზენტაციებისთვის გვიკვეთავენ ხოლმე, ხოლო ფიზიკური პირები ქორწილებისთვის, დაბადების დღეებისთვის, ბანკეტებისთვის და ა.შ.“, - აცხადებს დავით ზაქარაია.ცნობისთვის, კომპანია „დელიკატო“ ბაზარზე 2005 წელს გამოჩნდა. წარმოება თბილისში, ყიფშიძის ქუჩაზე მდებარეობს. კომპანიაში ამჟამად, 30-მდე თანამშრომელია, თუმცა ღონისძიებების შესაბამისად, დასაქმებულათა რაოდენობა იზრდება.„დელიკატო“ თბილისში 2 კაფეს ტიპის ობიექტს ფლობს და მიმდინარე წელს, დამატებით 5 ფილიალით გაფართოებას გეგმავს.

1714197600

"სნეპ ფიტნესი" 2024 წელს თბილისში 2 ფილიალის დაამატებას გეგმავს. ქსელის დირექტორი, სოფო სოლოღაშვილი "ბიზნესპარტნიორთან" აცხადებს, რომ თითოეულის ინვესტიცია, დაახლოებით, 1.5 მლნ ლარი იქნება.მისივე ინფორმაციით, ერთი ფილიალი სექტემბერში გაიხსნება, ხოლო მეორესთან დაკავშირებით მოლაპარაკებები მიმდინარეობს.„დიდ დიღომში მირიან მეფის ქუჩაზე გაიხსნება ერთი ფილიალი. ამ ეტაპზე სარემონტო სამუშაოები მიმდინარეობს. რაც შეეხება მეორე ფილიალს, ლოკაცია უკვე შერჩეულია და გარკვეული მოლაპარაკებები მიმდინარეობს, - აღნიშნავს სოლოღაშვილი. მისი განცხადებით, გასულ წელთან შედარებით მომხმარებელთა რაოდენობა დარბაზებში გაზრდილი არ არის. "წინა წელს რუსეთ-უკრაინის ომის გამო, მიგრანტებით დარბაზების აბსოლუტური გადავსება მოხდა. მაგ პერიოდში ჩვენ 1-თვიანი აბონიმენტების გაყიდვა შევაჩერეთ. შესაბამისად, წინა წლის ზრდის ფონზე ვერ ვიტყვი, რომ გაზრდილია, თუმცა ტრენდი შენარჩუნებულია. ჩვენი მომხმარებლების დაახლოებით, 15-20% უცხოელები არიან", - აცხადებს სოფო  სოლოღაშვილი.ცნობისთვის, ამ ეტაპზე, „სნეფ ფიტნესს“ საქართველოს მასშტაბით 4 ფილიალი აქვს.

1714144020

იაპონური ავტომწარმოებლები Nissan და Mazda ჩინეთის კონკურენტულ ავტობაზარზე დაბრუნებას გეგმავენ.Mazda-ს აღმასრულებელი დირექტორი მასაჰირო მორო ამბობს, რომ ეძებენ ჩინურ ბაზარზე გზებს, მაგრამ, ამასთან, ეს უნდა იყოს მდგრადი ტემპით დაბრუნება.„ჩინეთი ახლა სუპერ კონკურენტუნარიანი ბაზარია. აქ 130-ზე მეტი ბრენდია კონკურენციაში. Mazda-სთვის წარმატების გასაღები არის ის, რომ შევძლოთ უფრო ჭკვიანი ტექნოლოგიების მიწოდება, ელექტრიფიკაცია, რაც აერთიანებს Mazda-ს უნიკალურ ღირებულებებს. მომხმარებლები ნახავენ, რომ Mazda არის ძალიან დიდი ბრენდი და მოუნდებათ მისი ყიდვა“ ,- ამბობს მასაჰირო მორო.პეკინში გამართულ ჩინეთის უდიდეს ავტო შოუზე იაპონურმა ავტომობილების მწარმოებლებმა Nissan-მა და Mazda-მ თავიანთი უახლესი ელექტრო მანქანები (EV) წარმოადგინეს.იაპონური ავტომობილების კომპანიები სულ რამდენიმე წლის წინ, ჩინეთში ერთ-ერთი ყველაზე ცნობილი უცხოური ბრენდი იყვნენ. თუმცა, ბოლო წლებში ისინი მომხმარებლების გარეშე დარჩნენ - მას შემდეგ, რაც ადგილობრივმა მწარმოებლებმა, BYD-ის ხელმძღვანელობით, ბაზრის წილი პროგრამული უზრუნველყოფით დატვირთული ელექტრო მანქანებით მიიტაცეს.ახლა, უცხოელი ავტომწარმოებლები იბრძვიან, რათა აჩვენონ, რომ შეუძლიათ აქტუალობის შენარჩუნება ამ ბაზარზე და ელექტრომობილებზე გადასვლის ზეწოლის ფონზე, ცდილობენ კონკურენტულობის შენარჩუნებას.

1714142640

საქართველოს ეროვნული ბანკის პრეზიდენტის მოვალეობის შემსრულებელი ნათია თურნავა აშშ-ის საერთაშორისო განვითარების სააგენტოს (USAID) წარმომადგენლებს შეხვდა.შეხვედრაზე მხარეებმა კრიტიკული ინფრასტრუქტურის დიჯიტალიზაციისა და მედეგობის პროექტის (CIDR) დანერგვის დეტალებსა და მიმდინარე/დაგეგმილი აქტივობების შესახებ იმსჯელეს.CIDR-ის რეგიონული პროექტი, რომელსაც DAI (Development Alternatives, Inc.) USAID-თვის ახორციელებს ახალი პროგრამაა, რომელიც მიზნად ისახავს ფინანსური ინსტიტუტების კიბერუსაფრთხოების გაძლიერებას.ნათია თურნავამ შეხვედრაზე ფინანსურ სექტორში ციფრული ტრანსფორმაციის პარალელურად კიბერუსაფრთხოების საფრთხეებზე გაამახვილა ყურადღება და აღნიშნა, რომ საქართველოს ეროვნული ბანკი უწყვეტ რეჟიმში აკვირდება მიმდინარე ტენდენციებს და მონიტორინგის საფუძველზე ახდენს კიბერსაფრთხეების პრევენციას."მივესალმებით ახალი პროგრამის დაწყებას, რომელიც მიზნად ისახავს ფინანსური ინსტიტუტების კიბერუსაფრთხოების გაძლიერებას. ციფრული ტრანსფორმაციის კვალდაკვალ კიბერუსაფრთხოება სულ უფრო მნიშვნელოვანი ხდება და ფინანსური სექტორისთვის ერთ-ერთი ყველაზე დიდ საფრთხეს წარმოადგენს.  ეროვნული ბანკი მუდმივად აკვირდება საბანკო სექტორში მიმდინარე ტენდენციებს და ახორციელებს შესაბამის მონიტორინგს, რათა ცალკეულ საფინანსო ინსტიტუტსა თუ სექტორზე კიბერშეტევის შემთხვევაში უზრუნველყოფილი იყოს დროული რეაგირება და შესაბამისი ინფორმაციის დაინტერესებული მხარეებისთვის დაუყოვნებლივ  გაზიარება. ამასთან, განსაკუთრებული ყურადღებაა საჭირო იმისათვის, რომ გვქონდეს ბიზნესის უწყვეტობისა და მზადყოფნის ეფექტური გეგმა შესაძლო ფართომასშტაბიანი კიბერინციდენტის შემთხვევაში", - განაცხადა ნათია თურნავამ.სებ-ის სპეციალიზებული რისკების დეპარტამენტმა CIDR-ის პროექტის გუნდთან კოორდინაციით შესაბამისი პროგრამები და აქტივობები დაგეგმა.საქართველოს ეროვნულ ბანკში გამართულ შეხვედრას USAID/საქართველოს ციფრული განვითარებისა და კიბერუსაფრთხოების უფროსი მრჩეველი მიქაელ ბეიკერი და კრიტიკული ინფრასტრუქტურის დიჯიტალიზაციისა და მედეგობის პროექტის (CIDR) დირექტორი საქართველოში ქრისტინე ნაჭყებია, PMCG-ის წარმომადგენლები შალვა ხუციშვილი და გიორგი იაშვილი ესწრებოდნენ.

1714139700

"როდესაც გადაწყვეტილების მიღების პროცესში ქალი ერთვება პრიორიტეტების გადალაგება ხდება ხოლმე", - ამის შესახებ ბოლნისის მუნიციპალიტეტის საკრებულოს წევრმა, გენდერული საბჭოს თავმჯდომარის მოადგილემ ფერიდე ტვილდიანმა გადაცემა „ბიზნესპარტნიორში“ განაცხადა.მისივე თქმით, ბოლნისის მუნიციპალიტეტის გენდერული საბჭოს ძირითადი მიმართულება სოფლად მცხოვრები ქალების გადაწყვეტილების მიღების პროცესში გააქტიურების ხელშეწყობაა და ამ მიმართულებით ინტერესი არის."ჩვენ აქტიურად ვხვდებით მოქალაქეებს და განსაკუთრებით ქალებს იმისათვის, რომ პირდაპირ მათგან გავიგოთ ის საჭიროებები, რომლებიც მათ აქვთ. ჩვენი მოსახლეობის უდიდესი ნაწილი ეთნიკურად აზერბაიჯანელი მოსახლეობით არის დასახლებული და ჩვენ აქ ყველა სოფლებში შევდივართ იმისათვის, რომ უშუალოდ ქალებისგან მოვითხოვოთ საჭიროებები.ამ ბოლო პერიოდში ქალებს თავიანთი წარმოება აქვთ და საკმაოდ ბევრია ამ მიმართულებით. გენდერული საბჭო გარდა იმისა, რომ პრობლემებს ვიკვლევთ, ასევე ვიკვლევთ ადამიანებს და ქალებს, რომლებიც არიან წარმატებულები და ჩვენ ვცდილობთ ეს ადამიანები წარმოვაჩინოთ, რადგან სხვა ქალებისთვის ეს იყოს მოტივაცია. 2022 წელს ჩვენმა მუნიციპალიტეტმა მივიღეთ გადაწყვეტილება, საერთო კრებების დებულებაში შევიტანეთ ცვლილება, რომელიც ეხება იმას, რომ კრება არ იქნება ლეგიტიმური თუ მას არ დაწყება განსხვავებული სქესის 30%. ერთ-ერთ სოფელში კრებაზე მამაკაცთა უმრავლესობა ე.წ. თავშეყრის ადგილებს ითხოვდნენ, თუმცა როდესაც ქალები ჩაერთნენ გადაწყვეტილების მიღების პროცესში სრულიად შეცვალეს ეს მოთხოვნა და გარე განათებების დასრულება მოითხოვეს. ქალები ძირითადად ორიენტირებულები არან არა მხოლოდ საკუთარ საჭიროებებზე, არამედ  იმაზე, რომ მათი შვილებისთვის და მათთვის გადაადგილება უსაფრთხო იყოს", - აცხადებს ფერიდე ტვილდიანი.