1700741021

ევროკომისიას სურს საქართველომ ელექტროენერგიის ბაზარი გახსნას. ამის შესახებ გადაცემა „ბიზნესპარტნიორში“ ეკონომიკის მინისტრის მოადგილემ რომეო მიქაუტაძემ ისაუბრა.წამყვანის კითხვაზე, თუ რა შენიშვნები ჰქონდა ევროკომისარს საქართველოში ვიზიტის ფარგლებში, რომეო მიქაუტაძე ამბობს, რომ ეს ძირითადად, ბირჟის ამოქმედებას და ბაზრის გახსნას უკავშირდებოდა.„რაც შეეხება ზოგადად, შენიშვნას - ამას შენიშვნას ვერ დავარქმევდი, უფრო სურვილს, იმისა, რომ იქნებ შევძლოთ და ელექტროენერგიის ბირჟა, ბაზარი გავხსნათ. ეს იყო ერთ-ერთი მნიშვნელოვანი საკითხი, რომელზეც ვილაპარაკეთ და ჩვენც, რა თქმა უნდა, მივესალმებით ამას. ჩვენ ავუხსენით მიზეზები ჩვენს პარტნიორებს და არა მხოლოდ გუშინ - არამედ პროცესია, რომელშიც თავიდან ბოლომდე არიან ჩართულები.კითხვები ჰქონდათ იმასთან დაკავშირებით, რომ იქნებ მოვძებნოთ გარკვეული ფორმა, რომ აღნიშნული ბაზარი გაიხსნას. ბაზრის გახსნის ძირითადი დამაბრკოლებელი გარემოება ისევ და ისევ, გახლავთ დღევანდელი სიტუაცია და ვითარება, რაც შექმნილია მსოფლიოში და ჩვენი ქვეყნის გარშემო, და ის, რომ ამ მიზეზების გამო არ ჩამოყალიბდეს გარკვეული სპეკულაციური ფასები. ეს არის გადავადების მიზეზი, თუმცა, ყველა ვხვდებით, რომ ბაზრის გახსნა გრძელვადიან პერსპექტივაში არის სამართლიანი ფასის ჩამოყალიბების ერთ-ერთი მნიშვნელოვანი ფაქტორი. მაგრამ, ახლა ასეთი პერიოდია და ისინიც გვეთანხმებიან. უბრალოდ, საუბარია იმაზე, რომ კიდევ, დამატებით ვიფიქროთ, რომ სანამ გაიხსნება სრულად თავისუფალი ბაზარი, გარკვეულ ეტაპზე წინ წავიწიოთ“ - აღნიშნა ეკონომიკის მინისტრის მოადგილემ.მისივე თქმით, ბაზრის გახსნას რამდენიმე მნიშვნელოვანი მხარე აქვს - გრძელვადიან პერსპექტივაში სამართლიანი ფასის ჩამოყალიბება და ინვესტორებისთვის - სამართლიანი გარემო და გრძელვადიანი ინვესტიციის დაგეგმვის საშუალება.„მაგრამ, ამის საპირწონედ, იქიდან გამომდინარე, რომ ვერ გავხსენით ბაზარი და იყო ძალიან კონკრეტული და მნიშვნელოვანი მიზეზები ამისთვის, ჩვენ CFD მექანიზმი დავაფუძნეთ, რომლითაც უკვე გვაქვს შედეგები - იყო ამის აღიარება და არ დაიშურეს სიტყვები ამ წარმატების აღიარებისთვის ჩვენმა კოლეგებმა, რომ საკმაოდ წარმატებული იყო პირველი აუქციონი“ - განაცხადა რომეო მიქაუტაძემ „ბიზნესპარტნიორში“.ევროკავშირსა და საქართველოს შორის მაღალი დონის პირველი ენერგეტიკული დიალოგი დაიწყო. ენერგეტიკის საკითხებში ევროკომისართან კადრი სიმსონთან შეხვედრები გამართეს საქართველოს პრემიერ-მინისტრმა ირაკლი ღარიბაშვილმა და ეკონომიკისა და მდგრადი განვითარების მინისტრმა ლევან დავითაშვილმა.ევროკავშირსა და საქართველოს შორის მაღალი დონის ენერგეტიკული დიალოგის შემდეგი შეხვედრა ბრიუსელში გაიმართება.

1700653295

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) წევრი, გიორგი ფანგანი შპს „ჯორჯიან უოთერ ენდ ფაუერის“ პირველი საოპერაციო ცენტრის გახსნას დაესწრო და კომპანიის ახალი სტრუქტურული ერთეულის ფუნქციებს გაეცნო.„მნიშვნელოვანია, რომ თბილისში გაიხსნა ევროპული სტანდარტების შესაბამისი მულტიფუნქციური ცენტრი, რომელიც იქნება დამატებითი ინსტრუმენტი, რათა ფუნდამენტურად მოწესრიგდეს წყალმომარაგების საკითხები და კომპანიის მხრიდან მოხდეს დროული რეაგირება მოქალაქეთა მიმართვიანობაზე. სემეკის მიზანი და ამოცანაა, გაუმჯობესდეს წყალმომარაგების მიწოდება და მინიმუმამდე შემცირდეს ავარიებისა თუ სხვადასხვა მიზეზით წყლის მიწოდების შეფერხების ფაქტები. ამ მიზნით, აქტიურად ვმუშაობთ კომპანიასთან. მისასალმებელია, კომპანიის ახალი მფლობელის Aqualia-ს მიდგომა და პოლიტიკა მოკლევადიან და გრძელვადიან პერიოდში საიმედო, უწყვეტ წყალმომარაგებასთან  დაკავშირებით“, - განაცხადა გიორგი ფანგანმა მულტიფუნქციური ცენტრის დათვალიერებისას.ქ. თბილისში, ანდრონიკაშვილის ქუჩაზე მდებარე მულტიფუნქციური საოპერაციო ცენტრი წყალმომარაგების სერვისების ეფექტიანი და ოპერატიული მართვის ევროპული მოდელია, რომელიც შპს „ჯორჯიან უოთერ ენდ ფაუერის“ ახალ მფლობელს, ესპანურ კომპანია Aqualia-ს 17 ქვეყანაში აქვს დანერგილი.კომპანიის ცნობით, მიმდინარე წლის ბოლომდე საოპერაციო ცენტრების გახსნა დაგეგმილია თბილისში, რამდენიმე ლოკაციაზე, ასევე ტაბახმელაში, ქ. რუსთავსა და ქ. მცხეთაში. ახალ საოპერაციო ცენტრებს ჯამში 42 საავარიო და 25 პრევენციული მონიტორინგის ჯგუფი მოემსახურება.

1700653170

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ),საჯარო სხდომაზე , სახელმწიფო ბიუჯეტის სასარგებლოდ, ჯამში 65 000 ლარით 7 კომპანია დააჯარიმა. დაჯარიმების მიზეზია კომპანიების მიერ ენერგეტიკულ საქმიანობასთან დაკავშირებით ყოველთვიური ანგარიშგების სემეკში წარმოუდგენლობა, რიგ შემთხვევებში არასწორად წარმოდგენა ან დარღვევის გამეორება.10 000 – 10 000 ლარით დაჯარიმდნენ შპს „ვოთერ ენერჯი“, შპს „ერა ჯორჯია“, შპს „ჰიდრო დეველოპმენტ კომპანი“, შპს „ჯონოული 1“, შპს „ჩირაღდანი“, შპს „გაზმშენი“, ხოლო 5 000 ლარით - შპს „თბილისის საინვესტიციო ჯგუფი“. კომპანიებს განემარტათ, რომ დარღვევის განსაზღვრულ ვადაში აღმოუფხვრელობის ან განმეორების შემთხვევაში, კვლავ დაჯარიმდებიან საქართველოს კანონის შესაბამისად.ყოველთვიური ანგარიშგების არასრულყოფილად წარმოდგენის გამო წერილობითი გაფრთხილება მიეცა 14 ენერგეტიკულ საწარმოს. ამასთანავე, მიეცათ გაფრთხილება, რომ დარღვევის აღმოუფხვრელობის ან განმეორების შემთხვევაში, სანქციის სახით განესაზღვრებათ ჯარიმა.

1700540760

საქართველო იძენს უფრო მეტ მნიშვნელობას ევროპულ ენერგეტიკულ ოჯახში. პირველი ენერგეტიკული დიალოგის გახსნა იმაზე მეტყველებს, რომ ჩვენ, დღეის მდგომარეობით საკმაოდ დიდი მოცულობის სამუშაო გვაქვს გაწეული ევროკავშირის კანონმდებლობის ჰარმონიზების და ასევე, სხვადასხვა რეგლამენტების გადმოტანის მიმართულებით - ამის შესახებ გადაცემა „ბიზნესპარტნიორში“ ეკონომიკის მინისტრის მოადგილემ რომეო მიქაუტაძემ განაცხადა.მისი თქმით, ამან გააჩინა საშუალება იმისა, რომ უფრო მაღალ დონეზე და უფრო ხაზგასმულად წარმართულიყო ევროკავშირი-საქართველოს შორის დიალოგის რეჟიმი. ეს კი, გულისხმობს ენერგეტიკულ დიპლომატიაში მონაწილეობას როგორც რეგიონული, ასევე საერთაშორისო მასშტაბით.„გუშინდელი დღე ადასტურებს იმას, რომ ამ ეტაპამდე მნიშვნელოვანი შრომაა გაწეული ქვეყნის და ევროკავშირის მიერ. ეს მთავრობის მიერ გაწეული პრაგმატული, ეროვნულ ინტერესებზე ორიენტირებული პოლიტიკის შედეგია.შეხვედრები იყო ძალიან პოზიტიური და განწყობაც. ეს განწყობა ერთ დღეში არ შექმნილა. ამის უკან საკმაოდ ბევრი ადამიანის დაუღალავი შრომა დგას. უკვე ძალიან ბევრი ნაბიჯია გადადგმული იგივე ენერგოეფექტურობის, მშენებლობის, ეკო ეტიკეტირების კუთხით. ძალიან ბევრი კანონი თუ კანონქვემდებარე აქტი ჩავუშვით ოპერირებაში და ეს მოქმედებს“ - ამბობს რომეო მიქაუტაძე ევროკომისარ კადრი სიმსონის საქართველოში ვიზიტის შედეგების შეფასებისას.ევროკავშირსა და საქართველოს შორის მაღალი დონის პირველი ენერგეტიკული დიალოგი დაიწყო. ენერგეტიკის საკითხებში ევროკომისართან კადრი სიმსონთან შეხვედრები გამართეს საქართველოს პრემიერ-მინისტრმა ირაკლი ღარიბაშვილმა და ეკონომიკისა და მდგრადი განვითარების მინისტრმა ლევან დავითაშვილმა.ევროკავშირსა და საქართველოს შორის მაღალი დონის ენერგეტიკული დიალოგის შემდეგი შეხვედრა ბრიუსელში გაიმართება.

1700473382

ევროკავშირი-საქართვლოსთვის შავი ზღვის წყალქვეშა კაბელი არის ერთ-ერთი უმნიშვნელოვანესი საკითხი. ევროკომისარმა ხაზგასმით აღნიშნა, რომ ამ პროექტის განხორციელების პროცესში დახმარება აუცილებლად იქნება, როგორც ტექნიკური, ასევე, ფინანსური - ამის შესახებ გადაცემაში „ბიზნესპარტნიორი“ ეკონომიკის მინისტრის მოადგილემ რომეო მიქაუტაძემ ისაუბრა.მისივე თქმით, ეკონომიკის სამინისტრომ პროექტის შესახებ ევროკომისრის მიერ მიწვეულ ევროპულ ბანკებს პრეზენტაცია წარუდგინა.„ევროკომისარმა შეხვედრაზე მოიწვია ევროპის ბანკები, რომელთაც, ჩვენ წარვუდგინეთ პრეზენტაცია - თუ რა სიახლეები გვაქვს პროექტის კვლევაში და წარვუდგინეთ ახალი ინფორმაცია, გარემოებები, რომელიც ამასთან დაკავშირებით გვაქვს. ცალსახაა, რომ ევროკომისია, ევროკავშირი ხედავს საქართველოს, როგორც რეგიონს, სადაც არის განახლებადი, აუთვისებელი, მწვანე ენერგიის წყარო და აუცილებელია ამის ათვისება. პირველ რიგში, ეს არის ჩვენი ეროვნული ინტერესი და ორმხრივად პროდუქტიული საკითხი, სადაც ევროკავშირი საქართველოს უყურებს როგორც მნიშვნელოვან პარტნიორს, რომ მოხდეს ამ რესურსის ათვისება და მერე მისი ექსპორტირება ევროპაში“ - აღნიშნა რომეო მიქაუტაძემ.რაც შეეხება ევროპული ბანკებისთვის პროექტის წარდგენას, მისივე თქმით, ეს პირველად არ მომხდარა.„გარკვეული ცვლილებებია მსოფლიოში და კიდევ ერთხელ, ყველამ დაინახა ენერგოდამოუკიდებლობის და დივერსიფიცირების, საკუთარი რესურსის საჭიროება. დღევანდელი მსოფლიოც იქით მიემართება, რომ მწვანე გარდაქმნა მოხდეს და შემცირდეს ზეწოლა ტრადიციულ რესურსებზე, ნავთობზე - ჩანაცვლდეს მწვანე ენერგიით. ამ მიმართულებაში, საქართველოს უმნიშვნელოვანესი როლი გააჩნია ევროპისთვის. ჩვენ ამისთვის მზად ვართ. ის ჰარმონიზება, რაც მიმდინარეობს კიდევ ერთხელ ხაზს უსვამს, თუ რა მნიშვნელოვნად ვუდგებით ამ საკითხს“ - აცხადებს რომეო მიქაუტაძე.

1700455620

ეკონომიკური ზრდის პარალელურად, საქართველოს ნახშირბადის ემისიები არ მცირდება. ამის შესახებ „ბიზნესპარტნიორთან“ მსოფლიო ბანკის ევროპისა და ცენტრალური აზიის ინფრასტრუქტურის რეგიონული დირექტორი ჩარლზ ჯეი კორმიერი საუბრობს. მისი თქმით, საქართველომ უნდა დააჩქაროს მწვანე ტრანსფორმაცია.„საქართველო არის ქვეყანა, რომელსაც ჰქონდა მნიშვნელოვანი ეკონომიკური ზრდა ბოლო რამდენიმე ათწლეულის განმავლობაში. ეს დიდი წარმატებაა, მაგრამ ამის ბნელი მხარე არის ის, რომ ემისიები ერთ სულ მოსახლეზე ერთ-ერთი უმაღლესია მსოფლიოში. ამ მაჩვენებელს კი ერთდონიანი ხაზი აქვს, რაც იმას ნიშნავს, რომ ზრდის პარალელურად, არ გაქვთ შესაძლებლობა დააჩქაროთ მწვანე ტრანსფორმაცია. მე ვფიქრობ, ახლა ამისთვის უდიდესი შესაძლებლობებია, ჩვენ აქ ვართ, რათა დავეხმაროთ საქართველოს წინ წავიდეს, და ამავდროულად, განახორციელოს პროგრამები მწვანე ტრანსფორმაციის მიზნის მისაღწევად“ - აცხადებს ჩარლზ ჯეი კორმიერი.მისივე თქმით, საწვავზე მომუშავე მანქანებს ძალიან დიდი გავლენა აქვს კლიმატზე. ამიტომ, აუცილებელია ქვეყნებმა შეამცირონ საკუთარი ემისიები გლობალურად.„ბოლო რამდენიმე წელში ჩვენ ვნახეთ, რომ ინტენსიური ხასიათი მიიღო გვალვამ, ტყის ხანძრებმა, ბუნებრივმა კატასტროფებმა, რომელიც კლიმატის ცვლილებასთანაა დაკავშირებული. ჩვენ არსებითად, მხოლოდ ორი ათწლეულია, რაც დავიწყეთ ემისიების შემცირებაზე მუშაობა და მიზნად დავისახეთ რომ 2050 წლისთვის ნულამდე დავიყვანოთ ეს მაჩვენებელი, თუ ჩვენ გვინდა შევინარჩუნოთ უსაფრთხო გარემო და პლანეტა. ამ კონტექსტში, მსოფლიო ბანკი, რა თქმა უნდა, დაინტერესებულია დაეხმაროს ქვეყნებს თავიანთი მიზნების შესრულებაში და ნულოვანი ემისიის მიღწევაში. სწორედ ამიტომ, ჩვენ გვაქვს უდიდესი როლი რომ დავნერგოთ მწვანე, მდგრადი და ინკლუზიური ინფრასტრუქტურა“ - ამბობს მსოფლიო ბანკის რეგიონული დირექტორი.მისივე თქმით, სატრანსპორტო ინფრასტრუქტურა და სატრანსპორტო სისტემები ყველაზე სწრაფად მზარდი მეთანის სექტორებია. სწორედ ამიტომ, მსოფლიო ბანკს სურს ამ ემისიების შემცირებაში დიდი როლი შეასრულოს.„ბუნებრივ კატასტროფებს ხშირად გავლენა აქვს ინფრასტრუქტურაზე, ამიტომ ინფრასტრუქტურა მოწყობილი უნდა იყოს მომავალში არასტაბილური კლიმატის გათვალისწინებით.ამ ინფრასტრუქტურის ინკლუზიურობა ძალიან მნიშვნელოვანია, რადგან ჩვენ არ გვინდა ადამიანები ამ პროცესების მიღმა დავტოვოთ. ამ სისტემებში იხარჯება უზარმაზარი ინვესტიციები, და ჩნდება კითხვა - როგორ უნდა უზრუნველვყოთ, რომ ადამიანებმა შეძლონ და ამ ხარჯებს შეწვდნენ? მაგალითად, საქართველოში მოსახლეობის 30% არის იმ ვითარებაში, რასაც ჩვენ ენერგეტიკულ სიღარიბეს ვუწოდებთ. ეს იმას ნიშნავს, რომ ისინი ხარჯავენ თავიანთი ყოველთვიური შემოსავლის 10%-ზე მეტს ენერგიაზე. ამიტომ, საჭიროა გარკვეული ნაბიჯების გადადგმა მათ მხარდასაჭერად, რათა შეძლონ მწვანე ტრანსფორმაციის პროცესში საკუთარი ხარჯების დაფარვა. ასე რომ, მსოფლიო ბანკი საკმაოდ დაინტერესებულია დაეხმაროს ქვეყნებს ამის გაკეთებაში“ - ამბობს მსოფლიო ბანკის ევროპისა და ცენტრალური აზიის ინფრასტრუქტურის რეგიონული დირექტორი ბიზნესპარტნიორთან.

1700455532

მეორე ე.წ. CFD აუქციონი ნოემბრის ბოლოს გამოცხადდება. მანამდე კი, საკითხზე, ენერგეტიკის კერძო სექტორთან ეკონომიკის სამინისტრო შეხვედრას გამართავს.„პირდაპირი უცხოური ინვესტიცია 2022 წელთან შედარებით ენერგეტიკის დარგში გაორმაგებულია. 100 მლნ არის ევროკავშირიდან. ეს ნიშნავს იმას, რომ CFD მექანიზმი მუშაობს და ამას გრძნობს კერძო სექტორი. ვაპირებთ, რომ მომდევნო აუქციონი ნოემბრის ბოლის გამოვაცხადოთ. ვიდრე ეს მოხდება, ჩვენ კიდევ ერთი შეხვედრა გვაქვს კერძო სექტორთან. უბრალოდ, გვინდა ძირითად ხედვებზე ჩამოვყალიბდეთ - თუ რა ტექნოლოგიებში რამდენ მეგავატს ვაცხადებთ და ა.შ. რათა ეს მათთვის არ იყოს უცხო და მოემზადოს სექტორი. ამის შემდეგ გამოვაცხადებთ მეორე აუქციონს. ჩვენ მიგვაჩნია, რომ ახლა ბაზარი მზად არის იმისთვის რომ ორმაგი - 600 მგვტ-ის სიმძლავრე გამოვიტანოთ აუქციონზე და დარწმუნებული ვარ, მიუხედავად გაორმაგებული მოცულობისა, აღნიშნული აუქციონიც საკმაოდ გამჭვირვალედ ჩატარდება და კონკურენცია იქნება საკმაოდ მაღალი“ - განაცხადა გადაცემაში „ბიზნესპარტნიორი“ ეკონომიკის მინისტრის მოადგილემ რომეო მიქაუტაძემ. კითხვაზე, ხომ არ კარგავს ენერგეტიკის სექტორი მიმზიდველობას მსხვილი ჰიდროსადგურების შეჩერებული პროექტების ფონზე, ეკონომიკის მინისტრის მოადგილე აცხადებს, რომ საქართველოს ენერგეტიკულმა სექტორმა შეიძინა კიდევ უფრო მეტი მნიშვნელობა, ვიდრე ოდესმე.„დღესდღეობით, ენერგეტიკას არამხოლოდ საქართველოში, არამედ, მსოფლიოში აქვს ისეთი მნიშვნელობა შეძენილი, როგორიც არასდროს.ჩვენ ტექნოლოგიური გარღვევის ეპოქაში ვართ, სადაც ელექტრომობილები და ელექტროხელსაწყოები სულ უფრო მრავლდება და გარდა ამისა, მსოფლიოში სახეზეა მწვანე გარდაქმნა, რომელიც ტრენდული და აუცილებელია. ამ ფონზე საქართველოს აქვს საკმაოდ დიდი რესურსი. ინვესტიციების გაორმაგება აჩვენებს, რომ სწორ გზაზე ვდგავართ. აუქციონები, უნივერსიტეტებთან მემორანდუმები, ახალგაზრდების დაინტერესება და სხვა საქმეები გვაფიქრებინებს იმას, რომ ქართულ ენერგეტიკას საკმაოდ წარმატებული მომავალი ელის, რაც საბოლოო ჯამში, თითოეულ ჩვენგანზე აისახება. ეს ნიშნავს ეკონომიკურ განვითარებას და ჩვენს რეგიონში სტრატეგიულად მნიშვნელოვან მოთამაშედ ქცევას“ - აღნიშნა რომეო მიქაუტაძემ.

1700218997

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე, დავით ნარმანია და სემეკის წევრები ენერგეტიკული გაერთიანების (Energy Community) ხელმძღვანელს, არტურ ლორკოვსკის შეხვდნენ.მხარეებმა განიხილეს ენერგეტიკის სექტორში ნაკისრი ვალდებულებების შესრულების მაჩვენებლები, იმსჯელეს სამომავლო გეგმებსა და ენერგეტიკული ბაზრის ლიბერალიზაციის პროცესზე, ევროკავშირის კანონმდებლობის აღსრულების ეფექტიან მექანიზმებზე.სემეკის თავმჯდომარის, დავით ნარმანიას განცხადებით, სემეკის მიერ შესრულებულია კანონმდებლობითა და ევროპული დირექტივებით ნაკისრი ვალდებულებები, ბაზრის ლიბერალიზაციის ხელშეწყობის მიზნით კომისიას 30-ზე მეტი ნორმატიული აქტი აქვს შემუშავებული. აღნიშნული სამართლებრივი ბაზა წარმოადგენს მყარ ფუნდამენტს ენერგეტიკული ბაზრის განვითარებისთვის.შეხვედრას ესწრებოდნენ სემეკის იურიდიული და საერთაშორისო დეპარტამენტების ხელმძღვანელი პირები, ენერგეტიკული გაერთიანების ოფიციალური წარმომადგენელი საქართველოში, სალომე ჯანელიძე.

1700212549

USAID-ის ენერგეტიკული მომავლის უზრუნველყოფის პროგრამამ წელს უკვე მეორედ კერძო სექტორისთვის ენერგეტიკული საპილოტე პროექტების კონკურსი გამოაცხადა, რომლის მიზანია კერძო სექტორის ინვესტიციების წილის გაზრდა ადგილობრივი განახლებადი ენერგიის წარმოებაში, ასევე კერძო სექტორის წახალისება და დახმარება ინოვაციური იდეების განვითარებასა და ენერგოეფექტური ღონისძიებების გატარებაში.როგორც usaid-ის ენერგეტიკული მომავლის უზრუნველყოფის პროგრამის ხელმძღვანელის მოადგილე, ივანე პირველი გადაცემა "ბიზნესი რუსთავი 2-თან" აცხადებს, პროგრამის სიცოცხლისუნარიანობის ფარგლებში, ჯამში 30 საპილოტე პროექტი უნდა განხორციელდეს.მისი ინფორმაციით,  პირველ ეტაპზე მიმდინარე წლის  მაისში, კონკურსის ფარგლებში 5 პროექტი შეირჩა, რომელიც მიმდინარეა და წლის ბოლომდე დასრულდება. მეორე ეტაპზე, მიმდინარე წელს 12 საპილოტე პროექტი დაიწყება და 2024 წლის დეკემბრამდე დასრულდება. ხოლო, დარჩენილი 12 პროექტი 2 წლის შემდეგ უნდა დასრულდეს."პირველ საკონკურსო ეტაპზე,  ჯამში 132 საპილოტე პროექტი შემოვიდა, საიდანაც მხოლოდ 5-მა პროექტმა გაიმარჯვა. აქედან  2  თბილისში მდებარეობს, 1 -  ურეკში, 1 - ლეჩხუმში, კერძოდ ცაგერის მუნიციპალიტეტში და ერთიც - გარდაბნის მუნიციპალიტეტში.ერთ-ერთი პროექტი უკვე დასრულებულია, ქსელში ჩართულია და მწვანე ენერგიას გამოიმუშავებს. მისი დადგმული სიმძლავრე კი, 500 კილოვატია.მისი საცალო და ლოგისტიკური ცენტრი ორხევში მდებარეობს და პროექტი წარმატებით ხორციელდება.რაც შეეხება კრიტერიუმებს, პირველ რიგში, პროექტი განახლებადი ენერგიით გენერაციას და ბიზნეს საწარმოს მომარაგებას უნდა გულისხმობდეს, ან ენერგოდამზოგავი ტექნოლოგიები უნდა იყოს. მეორე ნაწილში, პროექტი კერძო სექტორის ინიციატივა უნდა იყოს და მისი თანამონაწილეობა, სულ მცირე 50%-ს უნდა შეადგენდეს.მესამე კრიტერიუმის შემთხვევაში, თუ პროექტის ხანგრძლივობა 2 წელზე მეტია, მას არ განვიხილავთ. ანუ პროექტი ექსპლუატაციაში ორი წლის ვადაში უნდა გაეშვას. ამის მიზეზი კი ისაა, რომ ჩვენი პროგრამა 2026 წლის მაისში სრულდება,"- აცხადებს პირველი.აღსანიშნავია, რომ USAID პროექტის ჯამური ღირებულების 50%-ს აფინანსებს, რომელიც $100 000-ს არ აღემატება. ამ ეტაპზე კი 9 საპილოტე პროექტია გამოცხადებული, რომელზეც 1 წლიანი ორიენტირია აღებული. usaid-ის ენერგეტიკული მომავლის უზრუნველყოფის პროგრამის ხელმძღვანელის მოადგილის ცნობით, პროექტის მთავარი ქვაკუთხედი ენერგეტიკული უსაფრთხოების განვითარება და ადგილობრივი რესურსების  ათვისებაა. მეორე ნაწილში, განახლებადი ენერგიების ათვისების ხელშეწყობა მოიაზრება.მესამე ნაწილში, ევროკავშირის ენერგეტიკული მარეგულირებლის საქართველოში დანერგვა და ბაზრების გაფართოებაა, ხოლო მეოთხე მიმართულებაა, კიბერ უსაფრთხოების გაუმჯობესება საქართველოში.