logo
Loading data...
1716205847
"ვგეგმავთ, რომ ექსპორტზე  ძირითადად, აშშ-ს ბაზარზე გადავერთოთ" - ღვარძელაშვილის მარანი

ბიოღვინოს მწარმოებელი კომპანიის “ღვარძელაშვილის მარნის“ დამფუძნებელი გიორგი ღვარძელაშვილი ‘’ბიზნესპარტნიორთან“ აცხადებს, რომ მომდევნო წლიდან ღვინოს ძირითადად აშშ-ში გაიტანს. ამის მიზეზი ქვევრის ღვინის მიმართ მაღალი ინტერესია, რაც ამერიკულ ბაზარს გამოარჩევს.როგორც მეწარმე განმარტავს, ამ დროისთვის აშშ-ს წილი გაყიდვებში 25%-ის ფარგლებშია. შესაბამისად, მარანი შეეცდება ძირითადი აქცენტი სწორედ ამ ბაზარზე მიმართოს. ამ დროისთვის კომპანია ექსპორტს აშშ-სა და ევროპის ქვეყნებში აწარმოებს, მათ შორისაა  გერმანია, ავსტრალია, ინგლისი,  საფრანგეთი და სხვა.რაც შეეხებს ევროპაში ექსპორტს, 2024 წლის პირველ კვარტალში, წინა წლის ანალოგიურ პერიოდთან შედარებით, კლებაა დაახლოებით 50-10%-ის ფარგლებში, რასაც გიორგი ღვარძელაშვილი გეოპოლიტიკურ ვითარებას უკავშირებს.კომპანია წლიურად 5 000 ბოთლს აწარმოებს, სხვადასხვა ჯიშის ყურძნისგან, როგორიცაა საფერავი, ჟღია და ბუერა. ‘’გასულ წლებში ევროპიდან დიდი მოთხოვნა იყო, მაგრამ 2022 წლის შემდეგ მდგომარეობა ამ კუთხით აშკარად გაუარესებულია. მიზეზად გეოპოლიტიკურ გარემოს მივიჩნევ, სხვა მიზეზს ნამდვილად ვერ ვხედავ, თუ რატომ უჭირს მაღალი სეგმენტის ღვინოს გაყიდვები ევროპულ ბაზრებზე. სამაგიეროდ, ზრდა გვაქვს აშშ-ში და ვგეგმავთ, რომ სწორედ ამ მიმართულებით გავაქტიურდეთ. ევროპელი მომხმარებლისთვის კი პროდუქტს ადგილზე, ტურისტების მეშვეობით გავყიდით. თავის დროზე ჟღიას ჯიშის ყურძნის წარმოებამ საქართველოსა და ევროპაში დიდი მოწონება დაიმსახურა და როგორც ევროპაში, ასევე აშშ-შიც ძალიან პოპულარული გახდა.  ჟღიას ყურძნისგან ღვინოს საქართველოში სულ ოთხი ადამიანი ვაწარმოებთ. ეს არის წითელი  ყურძნის უნიკალური ჯიში, რომლის შესახებაც აქამდე საქართველოს მოსახლეობის ნახევარმა არ იცოდა“, - აცხადებს გიორგი ღვარძელაშვილი.ბრენდი ადგილობრივ ბაზარზე  მხოლოდ ორ ბარ-რესტორანში იყიდება. როგორც გიორგი ღვარძელაშვილი აღნიშნავს, ქართულ ბაზარზე ღვინის რეალიზაცია არ უღირს, რადგან სასტუმროებსა და რესტორნებში გადახდის არახელსაყრელი პირობებია.ცნობისთვის, ’’ღვარძელაშვილის მარნის“  ვენახი თელავის რაიონის სოფელ  კონდოლში, 5 ჰექტარ მიწის ფართობზეა გაშენებული. კომპანია ღვინოს 2014 წლიდან აწარმოებს, ხოლო ექსპორტზე 2018 წლიდან გადის.

1715930884

სასაკლაოებში მსხვილფეხა რქოსანი პირუტყვის დაკვლის საფასური გაიზარდა

2024 წლის I კვარტალში საქართველოში 121 ერთეული ცხოველთა და ფრინველთა სასაკლაო ფუნქციონირებდა, მათგან 18.2 პროცენტი მდებარეობს კახეთის რეგიონში, 15.7 პროცენტი ქვემო ქართლის რეგიონში, 14.9 პროცენტი - შიდა ქართლის რეგიონში, 13.2 პროცენტი - იმერეთის რეგიონში, 11.6 პროცენტი - სამეგრელო-ზემო სვანეთის რეგიონში, 9.1 პროცენტი მცხეთა-მთიანეთის რეგიონში, ხოლო 17.4 პროცენტი - სხვა რეგიონებშია განთავსებული. ამის შესახებ ინფორმაციას "საქსტატი" ავრცელებს.გამოკვლევის შედეგების მიხედვით, 2024 წლის I კვარტალში სასაკლაოებში დაიკლა 100.1 ათასი სული პირუტყვი, საიდანაც 36.8 პროცენტი - მსხვილფეხა რქოსანი პირუტყვი, 56.1 პროცენტი - ღორი, ხოლო 4.0 პროცენტი ცხვარი და თხა იყო. დანარჩენი პირუტყვის წილი (არ მოიცავს ფრინველს) 3.0 პროცენტს შეადგენს. გარდა ამისა, საანგარიშო პერიოდის განმავლობაში სასაკლაოებში დაკლული ფრინველის რაოდენობა 2 989.3 ათასი ერთეულით განისაზღვრა.სასაკლაოების მიერ 2024 წლის I კვარტალში 14.1 ათასი ტონა ხორცი იქნა წარმოებული (იგულისხმება დაკლული წონა, ფრინველის ხორცის ჩათვლით), საიდანაც 30.9 პროცენტი მოდის მსხვილფეხა რქოსანი პირუტყვის ხორცზე, 40.2 პროცენტი - ფრინველის ხორცზე, 28.2 პროცენტი - ღორის ხორცზე, 0.6 პროცენტი - ცხვრისა და თხის ხორცზე, ხოლო დანარჩენს უმნიშვნელო წილი უკავია.საანგარიშო პერიოდში მომსახურება გაეწია 10.1 ათას პირს, საიდანაც 37.6 პროცენტი შინამეურნეობების (ოჯახური მეურნეობები) სახით იყვნენ წარმოდგენილნი. სასაკლაოებში დასაქმებულთა საშუალო თვიურმა რაოდენობამ 1 061 კაცი შეადგინა. ერთეული პირუტყვის დაკვლაზე მომსახურების საშუალო ფასი შეადგენს: მსხვილფეხა რქოსანი პირუტყვის დაკვლის საფასური - 36.5 ლარი, ცხვრის ან თხის დაკვლის საფასური - 15.8 ლარი, ხოლო ღორის დაკვლის საფასური - 30.7 ლარი.2023 წლის I კვარტალში ერთეული პირუტყვის დაკვლაზე მომსახურების საშუალო ფასი შეადგენდა მსხვილფეხარქოსანი პირუტყვის დაკვლის შემთხვევაში - 33.8 ლარს, ცხვრის ან თხის დაკვლის საფასური - 13.8ლარს, ხოლო ღორის დაკვლის საფასური - 28.9 ლარს.

1715930580

"საქსტატი" სასაკლაოების, ელევატორების და სამაცივრე მეურნეობების გამოკვლევის შედეგებს აქვეყნებს

2024 წლის I კვარტალში საქართველოში 121 ერთეული ცხოველთა და ფრინველთა სასაკლაო ფუნქციონირებდა, მათგან 18.2 პროცენტი მდებარეობს კახეთის რეგიონში, 15.7 პროცენტი ქვემო ქართლის რეგიონში, 14.9 პროცენტი - შიდა ქართლის რეგიონში, 13.2 პროცენტი - იმერეთის რეგიონში, 11.6 პროცენტი - სამეგრელო-ზემო სვანეთის რეგიონში, 9.1 პროცენტი მცხეთა-მთიანეთის რეგიონში, ხოლო 17.4 პროცენტი - სხვა რეგიონებშია განთავსებული. ამის შესახებ ინფორმაციას "საქსტატი" ავრცელებს.გამოკვლევის შედეგების მიხედვით, 2024 წლის I კვარტალში სასაკლაოებში დაიკლა 100.1 ათასი სული პირუტყვი, საიდანაც 36.8 პროცენტი - მსხვილფეხა რქოსანი პირუტყვი, 56.1 პროცენტი - ღორი, ხოლო 4.0 პროცენტი ცხვარი და თხა იყო. დანარჩენი პირუტყვის წილი (არ მოიცავს ფრინველს) 3.0 პროცენტს შეადგენს. გარდა ამისა, საანგარიშო პერიოდის განმავლობაში სასაკლაოებში დაკლული ფრინველის რაოდენობა 2 989.3 ათასი ერთეულით განისაზღვრა.სასაკლაოების მიერ 2024 წლის I კვარტალში 14.1 ათასი ტონა ხორცი იქნა წარმოებული (იგულისხმება დაკლული წონა, ფრინველის ხორცის ჩათვლით), საიდანაც 30.9 პროცენტი მოდის მსხვილფეხა რქოსანი პირუტყვის ხორცზე, 40.2 პროცენტი - ფრინველის ხორცზე, 28.2 პროცენტი - ღორის ხორცზე, 0.6 პროცენტი - ცხვრისა და თხის ხორცზე, ხოლო დანარჩენს უმნიშვნელო წილი უკავია.საანგარიშო პერიოდში მომსახურება გაეწია 10.1 ათას პირს, საიდანაც 37.6 პროცენტი შინამეურნეობების (ოჯახური მეურნეობები) სახით იყვნენ წარმოდგენილნი. სასაკლაოებში დასაქმებულთა საშუალო თვიურმა რაოდენობამ 1 061 კაცი შეადგინა. ერთეული პირუტყვის დაკვლაზე მომსახურების საშუალო ფასი შეადგენს: მსხვილფეხა რქოსანი პირუტყვის დაკვლის საფასური - 36.5 ლარი, ცხვრის ან თხის დაკვლის საფასური - 15.8 ლარი, ხოლო ღორის დაკვლის საფასური - 30.7 ლარი.2024 წლის I კვარტალში საქართველოში 228 ერთეული სამაცივრე მეურნეობა ფუნქციონირებდა, რომელთა უმრავლესობაც (62.7 პროცენტი) შიდა ქართლის რეგიონშია განთავსებული. მოქმედი სამაცივრე მეურნეობები ასევე განთავსებულია ქ. თბილისში (16.2 პროცენტი), ქვემო ქართლის რეგიონში (5.7 პროცენტი), იმერეთის რეგიონში (4.4 პროცენტი), სამეგრელო-ზემო სვანეთის რეგიონში (3.9 პროცენტი), აჭარის ა.რ.-ში (3.5 პროცენტი), მცხეთა-მთიანეთის რეგიონში (1.3 პროცენტი), კახეთის რეგიონში (1.3 პროცენტი), სამცხე-ჯავახეთის რეგიონში (0.4 პროცენტი) და რაჭა-ლეჩხუმი და ქვემო სვანეთის რეგიონში (0.4 პროცენტი).2024 წლის I კვარტალში მომსახურება გაეწია 324 მომხმარებელს. მწარმოებელთა და გადამყიდველთა რაოდენობამ, რომელთაგანაც შესყიდულ იქნა პროდუქცია შემდგომი რეალიზაციის მიზნით - 980 ერთეული შეადგინა, ხოლო სამაცივრეებში დასაქმებულთა საშუალო თვიური რაოდენობა 1 339 კაცით განისაზღვრა.2024 წლის I კვარტალის განმავლობაში მაცივრებში შენახული (განთავსებული) იყო 89.7 ათასი ტონა პროდუქცია, მათ შორის 40.8 პროცენტი - ქათმის ხორცი (გაყინულის ჩათვლით), 14.8 პროცენტი - ხილი და ბოსტნეული, 16.1 პროცენტი - ხორცი და ხორცპროდუქტები (ნახევარფაბრიკატების ჩათვლით, ქათმის ხორცის გარდა), 16.7 პროცენტი - თევზეული, ხოლო დანარჩენ პროდუქციას უმნიშვნელო წილი ჰქონდა.2024 წლის I კვარტალში სამაცივრე მეურნეობებში შენახული პროდუქციის მთლიანი მოცულობიდან 21.0 პროცენტს - საკუთარი წარმოების, 20.4 პროცენტს - შემდგომი რეალიზაციის მიზნით შესყიდული, ხოლო 58.7 პროცენტს მომსახურების სახით შენახული პროდუქციის მოცულობა შეადგენდა. ამავე პერიოდში, მომსახურების სახით მიღებულმა შემოსავალმა 6.0 მლნ. ლარი შეადგინა.2024 წლის I კვარტალში სამაცივრე მეურნეობების მიერ გაყიდულია 125.6 მლნ. ლარის ღირებულების (27.1 ათასი ტონა) პროდუქცია, საიდანაც, ღირებულებით გამოსახულებაში, იმპორტირებულმა პროდუქციამ შეადგინა 23.6 პროცენტი, საკუთარი წარმოების პროდუქციამ - 23.4 პროცენტი, ხოლო შესყიდულმა (ადგილობრივი) პროდუქციამ - 53.0 პროცენტი. ამასთან, საანგარიშო პერიოდში, სამაცივრეების მიერ გაყიდული საკუთარი წარმოების პროდუქციის მთლიანი მოცულობის 48.9 პროცენტი მოდიოდა ქათმის ხორცზე. ამავე პერიოდში, სამაცივრე მეურნეობების მიერ გაყიდული იმპორტირებული პროდუქციის მთლიან ღირებულებაში მნიშვნელოვანი წილი ქათმის ხორცზე (გაყინულის ჩათვლით) (34.2 პროცენტი), პირუტყვის ხორცსა და ხორცპროდუქტებზე (ნახევარფაბრიკატების ჩათვლით) (34.7 პროცენტი) და თევზეულზე (9.7 პროცენტი) მოდის.საანგარიშო პერიოდში, სამაცივრე მეურნეობების მიერ საზღვარგარეთის ქვეყნებში გაყიდული პროდუქციის ღირებულებამ 4.0 მლნ. ლარი შეადგინა, რაც ამავე პერიოდში გაყიდული პროდუქციის მთლიანი ღირებულების 3.2 პროცენტს შეადგენს. ძირითადად რეალიზებულია ქათმის ხორცი, თევზეული, ხილი და ბოსტნეული. გამოკვლევის შედეგების მიხედვით, კამერების საშუალო დღიური დატვირთვა (პროცენტულად კამერების ჯამური ტევადობიდან) იანვარში შეადგენდა 56.6 პროცენტს, თებერვალში - 50.9 პროცენტს, ხოლო მარტში - 50.2 პროცენტს.2024 წლის I კვარტალში საქართველოში 32 ელევატორი ფუნქციონირებდა, რომელთა უმრავლესობაც ქვემო ქართლის (31.3 პროცენტი) და სამეგრელო-ზემო სვანეთის (15.6 პროცენტი) რეგიონებში იყო განთავსებული. ელევატორების 12.5 პროცენტი ფუნქციონირებს კახეთის, 12.5 პროცენტი ქ. თბილისში, 9.4 პროცენტი - შიდა ქართლის რეგიონში, 9.4 პროცენტი - იმერეთის რეგიონში, 6.3 პროცენტი - გურიის რეგიონში და 3.1 პროცენტი - აჭარის ა.რ.-ში.2024 წლის I კვარტალის განმავლობაში მომსახურება გაეწია 21 მომხმარებელს. მწარმოებელთა და გადამყიდველთა რაოდენობამ, რომელთაგანაც შესყიდულ იქნა პროდუქცია შემდგომი რეალიზაციის მიზნით,75 ერთეული შეადგინა, ხოლო ელევატორებში დასაქმებულთა საშუალო თვიური რაოდენობა 436 კაცით განისაზღვრა.2024 წლის I კვარტალში, ელევატორებში შენახული (განთავსებული) იყო 104.7 ათასი ტონა პროდუქცია, რომლის 46.6 პროცენტს წარმოადგენდა ხორბალი. საანგარიშო პერიოდში, ელევატორებში განთავსებული პროდუქციის მთლიანი მოცულობის 59.8 პროცენტს ელევატორების მიერ შემდგომი რეალიზაციის მიზნით შესყიდული პროდუქცია შეადგენდა. 2024 წლის I კვარტალში, ელევატორების მიერ გაყიდულია 63.2 მლნ. ლარის ღირებულების 57.3 ათასი ტონა პროდუქცია, საიდანაც 47.4 პროცენტი იყო იმპორტირებული პროდუქცია.ელევატორების მიერ საკუთარი წარმოების პროდუქციაში, როგორც მოცულობის, ისე ღირებულების მიხედვით, ჭარბობდა ხორბლის ფქვილი, რომელზედაც მოდიოდა ელევატორების მიერ გაყიდული საკუთარი წარმოების პროდუქციის 79.3 პროცენტი.გამოკვლევის შედეგების მიხედვით, ელევატორების საცავების საშუალო დღიური დატვირთვა (პროცენტულად საცავების ჯამური ტევადობიდან) იანვარში შეადგენდა 57.9 პროცენტს, თებერვალში - 56.2 პროცენტს, ხოლო მარტში - 53.5 პროცენტს.

1715929677

მსხვილფეხა რქოსანი პირუტყვის სულადობა 2.6%-ით შემცირდა

წინასწარი მონაცემებით, 2024 წლის I კვარტალის ბოლოსათვის მსხვილფეხა რქოსანი პირუტყვის სულადობა წინა წლის შესაბამის მაჩვენებელთან შედარებით 2.6 პროცენტით შემცირდა და 905.2 ათასი სული შეადგინა. ამის შესახებ ინფორმაციას "საქსტატი" ავრცელებს.მონაცემების თანახმად, ფურისა და ფურკამეჩის ჯამური რაოდენობა 414.0 ათასი სულით განისაზღვრა, რაც წინა წლის შესაბამისი მაჩვენებელს 7.6 პროცენტით ჩამორჩება. ღორის რაოდენობა 155.4 ათასი სულით განისაზღვრა, რაც 2.6 პროცენტით ნაკლებია წინა წლის შესაბამის მაჩვენებელზე. ფრინველის რაოდენობა წინა წლის ანალოგიურ მაჩვენებელთან შედარებით 16.8 პროცენტით შემცირდა და 7.7 მილიონი ფრთა შეადგინა.წინასწარი მონაცემებით, 2024 წლის I კვარტალში რძის წარმოებამ 112.3 მილიონი ლიტრი შეადგინა, რაც წინა წლის ანალოგიურ მაჩვენებელზე 6.2 პროცენტით მეტია. ხორცის წარმოებამ 18.7 ათასი ტონა შეადგინა, რაც 2023 წლის შესაბამის პერიოდის მაჩვენებელზე 3.3 პროცენტით მეტია. საანგარიშო პერიოდის განმავლობაში წარმოებულია 168.3 მილიონი კვერცხი, რაც წინა წლის ანალოგიურ მაჩვენებელს 0.9 პროცენტით ჩამორჩება.

1715858244

"წელს პირველად კანადის ბაზარზე  გავალთ" - ფაფრის ველი

კახეთში მდებარე ბიო-ორგანული მეღვინეობა "ფაფრის ველი" საექსპორტო არეალს აფართოებს. როგორც კომპანიის ხელმძღვანელი შალვა ქურდაძე ‘’ბიზნესპარტნიორთან“ აცხადებს, "ფაფრის ველის" ღვინოები და ჭაჭა  ევროპისა და აზიის კონტინენტზე - 20-მდე ქვეყანაში გადის. ამ ეტაპზე კი იგეგმება ექსპორტი კანადაში, რაზეც პარტნიორებთან შეთანხმება  უკვე მიღწეულია.ქურდაძის ინფორმაციით, ბიოღვინო სპეციფიკიდან გამომდინარე, რადგან მასიური წარმოება არ არის, შედარებით ნაკლები რაოდენობით იწარმოება, თუმცა მაღალი ხარისხი განვითარებული ქვეყნების ბაზარზე გზას გასვლას უადვილებს."ფაფრის ველის“ ბრენდით 5 დასახელების ღვინო და ჭაჭა იწარმოება. ქურდაძის ინფორმაციით, კომპანიას სწორება ძირითადად ევროპაზე აქვს, თუმცა წელს როგორი პერსპექტივა ექნება ექსპორტს, დამოკიდებულია პოლიტიკურ პროცესები რა შედეგით დასრულდება და რა მიღწევა ექნება ქვეყანას ევროინტეგრაციის გზაზე.„ფაფრის ველის“  წლიური წარმადობა 30 ათასი ბოთლია,  რომელიც ექსპორტზე  იაპონიაში, სამხრეთ კორეაში, ჰონკონგში, სინგაპურში, აშშ-ში და ევროპის რამდენიმე ქვეყანაში გადის.როგორც შალვა ქურდაძე აღნიშნავს, ეს არის საქართველოში ერთ-ერთი პირველი ოფიციალური ორგანული ბიომეურნეობა.რაც შეეხება პრემიუმ ხარისხის ღვინის პოტენციალს უცხოურ ბაზრებზე, შალვა ქურდაძის ინფორმაციით, თუკი საქართველოს ამ სეგმენტში სურს თავის დამკვიდრება, ქვევრის ღვინის შესაძლებლობა განსაკუთრებით დიდია, რაც მაქსიმალურად უნდა იქნეს გათვალისწინებული.‘’ჩვენ არ ვართ დიდი წარმოება, თუმცა ყველა რესურსი გვაქვს იმისთვის, რომ განვითარებული ქვეყნების ბაზრებზე დავიმკვიდროთ ნიშა, რასაც ჯერჯერობით წარმატებით ვახერხებთ. გლობალურ ბაზრებზე აქტიურად ვყიდით ღვინოს, პრინციპულად ვთქვით უარი რუსეთზე და ასეც გავაგრძელებთ. წელს პირველი პარტია გავაგზავნეთ ავსტრიაში და ვემზადებით კანადაში ექსპორტისთვის, რაც ახალი ბაზრებია. ჩვენი ღვინო გადის ბიო ლოგოთი, რაც ყველა ბაზარზე გვიხსნის გზას, ორგანული პროდუქტის მიმართ მოთხოვნა მზარდია. სამომავლო პერსპექტივაზე საუბარი ამ ეტაპზე მიჭირს, არც კონკრეტულ პროექტზე ვიმუშავებთ, სანამ მიმდინარე პროცესები არ ჩაწყნარდება და საბოლოოდ არ გამოიკვეთება, რა გზით მიდის ქვეყანა, რა შეიცვლება ბიზნესისთვის და რა პოტენციალი გვექნება ევროპულ ბაზრებზე. პროგნოზი ჯერ ძალიან მიჭირს“, - აცხადებს შალვა ქურდაძე ‘’ბიზნესპარტნიორთან“.ცნობისთვის, ‘’ფაფრის ველი“ ბაზარზე 2004 წელს დაფუძნდა. კომპანია საფერავისა და რქაწითელის ჯიშის ყურძნის ვენახს და მარანს გურჯაანის მუნიციპალიტეტში, სოფელ ახაშენში ფლობს. ვენახი 10 ჰექტარ ფართობზეა გაშენებული.

1715756580

"ქარვისფერი და ქვევრის ღვინოების დაგემოვნება განსაკუთრებით ემოციური იყო" - კანადელი სომელიე

ქართული ღვინის ბაზრების დივერსიფიკაციის მიზნით, ღვინის ეროვნული სააგენტოს მხარდაჭერით,  კანადიდან ღვინის პროფესიონალების 17-კაციანი ჯგუფი საქართველოს სტუმრობდა.ვიზიტის ფარგლებში, სტუმრები კახეთში ღვინის მწარმოებელ კომპანიებს და საოჯახო მარნებს ესტუმრნენ, ასევე, გაეცნენ ქვევრის დამზადების ტექნოლოგიას. თბილისში სპეციალურად მათთვის 20-მდე სხვადასხვა კომპანიის ღვინოების დეგუსტაცია გაიმართა.ჯგუფის წევრების მხრიდან მაღალია ინტერესი, მოიძიონ ახალი პარტნიორები საქართველოში, რაც პირდაპირ გავლენას იქონიებს კანადის ბაზარზე ქართული ღვინის ცნობადობისა და ექსპორტის ზრდაზე.„ეს ჩემი პირველი ვიზიტია საქართველოში, ნამდვილად ლამაზ  ქვეყანაში, რომელიც ასევე ცნობილია ღვინით, განსაკუთრებით კი, ნატურალური ღვინოებით. ქარვისფერი და ქვევრის ღვინის დაგემოვნება  იყო  განსაკუთრებული, ძალიან ემოციური გამოცდილება. ჩვენ ლამაზ ადგილებს ვეწვიეთ, დავაგემოვნეთ ტრადიციული სამზარეულოც. ძალიან გასაოცარია ასეთი ლხინი. ჩვენ დავაგემოვნეთ ღვინოები, რომლებიც ქარვისფერი ღვინის საუკეთესო ნიმუშებია მსოფლიოში“, - აღნიშნა ჯგუფის წევრმა, სომელიე ალექს მაკმაჰონმა.ღვინის ეროვნული სააგენტოს საქმიანობის ერთ-ერთ ძირითად მიმართულებას საერთაშორისო ბაზრებზე ქართული ღვინის პოპულარიზაცია და ცნობადობის ამაღლება წარმოადგენს. სააგენტო ქართული ღვინის პოპულარიზაციის ხელშეწყობის ფარგლებში, 2013 წლიდან, ბაზრების დივერსიფიცირების მიზნით, მიზანმიმართულ სარეკლამო-მარკეტინგულ კამპანიებს ახორციელებს.

1715755544

"იაპონიის ბაზარზე გაყიდვები ორ წელიწადში 40%-ით გავზარდეთ" - ველინო

ქართველი ბიომეღვინეებისთვის იაპონიის ბაზარი მზარდია და ჩვენს შესაძლებლობებს მაქსიმალურად გამოვიყენებთ, - ამის შესახებ ,,ბიზნესპარტნიორთან“ კომპანია ‘’ველინოს“ დამფუძნებელმა და დირექტორმა ბექა ჯიმშელაძემ განაცხადა. მისი ინფორმაციით, კომპანიამ ორ წელიწადში იაპონიის ბაზარზე 40%-იანი ზრდა შეძლო და ეს მაჩვენებელი მომდევნო წლების განმავლობაში უფრო გაუმჯობესდება.საგარეჯოს მუნიციპალიტეტში მდებარე ღვინის საწარმო "ველინო“  11 საოჯახო მარანს შორის ერთ-ერთია, რომელიც  იაპონიის დედაქალაქ ტოკიოში გამართულ გამოფენაში RAW Wine Tokyo მონაწილეობდა.ბექა ჯიმშელაძის განცხადებით, იაპონიის ბაზარზე ბიოღვინოს მიმართ დიდი ინტერესია, რაც ქართველი მეღვინეების  საექსპორტო შესაძლებლობებს ზრდის. მოთხოვნა კი ძირითადად ტრადიციული წარმოების ბიოღვინოს მიმართაა,  რითაც ქართულმა ღვინომ იაპონური მხარის  ყურადღება მიიქცია."ღვინის წარმოება იაპონიისთვის კულტის დონეზეა, განსხვავებული მიდგომაა, რაც ორგანული ღვინოს მწარმოებლებს ამ ქვეყნის ბაზარზე გზას უხსნის. თვითონ ქვეყანაც განსხვავებული კულტურით გამოირჩევა, სადაც ღვინის სმის უნიკალური კულტურაა და ტრადიციულ, ორგანულ პროდუქციას ყველაზე მეტი ყურადღება ექცევა. ამ თვალსაზრისით, ჩვენთვის იაპონია ძალიან საინტერესო ბაზარია. მაქსიმალურად ვცდილობთ, რომ აღნიშნული მიმართულება კარგად ავითვისოთ.  ტოკიოში მოწყობილი გამოფენა და ქართული ღვინოების წარდგენა ამ მხრივ გარკვეულ დადებით გავლენას მოახდენს“, - აცხადებს ბექა ჯიმშელაძე ‘’ბიზნესპარტნიორთან“."ველინოს“ ღვინო ამ ეტაპზე მსოფლიოს 13-მდე ქვეყანაში იყიდება, მათ შორის, აშშ-ში, კანადაში, იაპონიაში, ავსტრალიაში, ნორვეგიაში, გერმანიაში და სხვა. დაწყებულია მოლაპარაკება და უახლოეს პერიოდში საექსპორტო ქვეყნებს საფრანგეთიც დაემატება.კომპანია 5 დასახელების ღვინოს აწარმოებს, როგორიცაა "რქაწითელი", "საფერავი", "მწვანე", ,,ქისი’’  და ,,თავკვერი’’.წარმოების წლიური მაჩვენებელი 17 000 ბოთლია. ამასთან, კომპანია ღვინის მარანს  აფართოებს და გეგმავს, რომ არსებული მაჩვენებელი 40 000 ბოთლამდე  გაზარდოს, რაც ეტაპობრივად, მომდევნო 5-6 წლის განმავლობაში განხორციელდება.  თუმცა, რა ინვესტიცია განხორციელდება მარნის გაფართოებაში, ამას კომპანიის დამფუძნებელი  არ აკონკრეტებს.ცნობისთვის, ბიო მეღვინეობა  „ველინო“ ბაზარზე 2016 წლიდან გამოჩნდა. კომპანია საგარეჯოში, სოფელ კაკაბეთში 7 ჰექტარამდე ვენახს ფლობს.

1715689112

Agronnect: ფერმერებმა უნდა გაიაზრონ აგროდაზღვევის მნიშვნელობა და მისი სარგებელი

"ფერმერები სკეპტიკურად უყურებენ სადაზღვევო ნაწილს. მნიშვნელოვანია სწორად გაიაზრონ თუ რა სარგებელი შეიძლება მოუტანოს მათ დაზღვევის მექანიზმმა, კონკრეტულ კრიტიკულ სიტუაციაში. ასევე, აუცილებელია რეგიონების მიხედვით დაზღვევის სხვადასხვა მიმართულებები გავრცელდეს, რადგან მაგალითისთვის, აღმოსავლეთის კლიმატი ძალიან განსხვავდება დასავლეთში არსებულ პირობებთან“,- ამის შესახებ "ბიზნესპარტნიორთან" ინტერვიუში Agronnect-ის პროექტის მენეჯერი დიანა ბერია აცხადებს.მისივე თქმით, აგროდაზღვევაში განხორციელებული ცვლილებების მიზანი პროგრამაში კიდევ უფრო მეტი ფერმერის ჩართვაა."პირობების ცვლილება, ყველა კომპონენტში, მათ შორის იქნება ეს შეტყობინების დროის გაზრდა, რომელზეც ასე აქტიურად საუბრობდნენ ფერმერები, ეს ძალიან კარგია, ისევე როგორც ფართობების ზრდა. საბოლოო ჯამში ყველა ამ პირობის დადებითი მიმართულებით შეცვლამ უნდა იმოქმედოს ფერმერების გადაწყვეტილებაზე. წლების განმავლობაში და ახლაც ფერმერებს სკეპტიკური დამოკიდებულება აქვთ სადაზღვევო სერვისებთან. მთავარია რომ ეს მიდგომა შეიცვალოს.“-აცხადებს დიანა ბერია.შეგახსენებთ, რომ საქართველოს მთავრობის სხდომაზე მიღებული გადაწყვეტილებით, აგროდაზღვევის სახელმწიფო პროგრამაში ცვლილებები განხორციელდა.კონკრეტულად: გაიზარდა დასაზღვევი სასოფლო-სამეურნეო ნაკვეთის ფართობი - ნაცვლად 10 ჰექტრისა, ფერმერები შეძლებენ არაუმეტეს 20 ჰექტარის დაზღვევას, მარცვლეული კულტურის შემთხვევაში კი ფართობი 50-დან 100 ჰექტარამდე გაიზარდა. შემცირდა ზარალის შეფასების ვადები და 21 დღის ნაცვლად 15 დღით განისაზღვრა. იცვლება ტარიფებიც კერძოდ, ფიქსირებული სადაზღვევო ტარიფის ნაცვლად, იქნება სადაზღვევო ტარიფის ქვედა და ზედა ზღვარი, რაც სადაზღვევო კომპანიებს საშუალებას მისცემს მომხმარებელს შესთავაზონ რისკზე დაფუძნებული ტარიფი და, მეორე მხრივ, ფერმერები შეძლებენ სადაზღვევო პრემიის ოდენობის მიხედვით შეარჩიონ სადაზღვევო კომპანიები. სადაზღვევო შემთხვევის დარეგულირების ნაწილში იცვლება დამზღვევის მიერ მზღვეველისთვის სატელეფონო შეტყობინების ვადა და ნაცვლად 24 საათისა, განისაზღვრება 72 საათით. ცნობისთვის, აგროდაზღვევის პროგრამის ფარგლებში პოლისი ფარავს ისეთ სადაზღვევო რისკებს, როგორებიცაა სეტყვა, წყალდიდობა, ქარიშხალი და საშემოდგომო ყინვა. ყინვა (მხოლოდ ციტრუსოვანი კულტურებისთვის - 1 სექტემბრიდან 30 ნოემბრის ჩათვლით პერიოდში). თითოეული დამზღვევი სადაზღვევო პოლისის პრემიის 70%-იან თანადაფინანსებას მიიღებს პროგრამით გათვალისწინებულ ყველა კულტურაზე.გარდა ამისა, ეს არის ინსტრუმენტი, რომლითაც უფრო პროგნოზირებადი ხდება სოფლის მეურნეობა და დაინტერესებული პირებისთვის მეტად მიმზიდველს ხდის დარგში ინვესტირებას. შეგახსენებთ, რომ გასულ წელს დაზღვეული მეურნეობების ფართობმა 17 000 ჰექტარი შეადგინა, წელს კი სექტორი ამ მაჩვენებლის საგრძნობლად ზრდას ელის.

1715671140

ტოკიოში 11 საოჯახო მარნის ღვინის წარდგენა გაიმართა

ღვინის ეროვნული სააგენტოს მხარდაჭერით, ღვინის  მწარმოებელი 11 საოჯახო მარანი იაპონიის დედაქალაქ ტოკიოში გამართულ გამოფენაში ,RAW Wine Tokyo მონაწილეობდა.გამოფენის ,,RAW Wine Tokyo” სტუმრები ქართული მარნების: „კასრელი ვაინერი“, „იორა“, „ნადელები“, „გაბრიელის ღვინო“, „ექიმის ბიო მარანი“, „მანავი ვაინს“, „ანდრიას ღვინო“, „ველინო“, „დორემი“, „ბაღდათი  ისთეითი და „ანბანი“ ღვინოებს გაეცნენ, ასევე მიიღეს ინფორმაცია ქართული ღვინის წარმოების უძველეს ტრადიციებსა და კულტურის შესახებ.გამოფენაზე „RAW Wine”  (The Artisan Wine Fair) მაღალი ხარისხის ბუნებრივი, ორგანული და ბიოდინამიკური ღვინოების მწარმოებლები იკრიბებიან. გამოფენის ორგანიზატორია ცნობილი ღვინის ექსპერტი საფრანგეთიდან იზაბელ ლეგერონი.ტოკიოში გამართულ გამოფენას  იაპონიაში საქართველოს საგანგებო და სრულუფლებიანი ელჩი თეიმურაზ ლეჟავა დაესწრო.აღსანიშნავია, რომ, იაპონია ქართული ღვინის ერთ-ერთი სტრატეგიული საექსპორტო ბაზარია. ღვინის ეროვნული სააგენტოს მხარდაჭერით, იაპონურ ბაზარზე ქართული ღვინის პირველი მასშტაბური წარდგენა 2014 წელს მოხდა. მას შემდეგ, სახელმწიფოს მხარდაჭერით,  ქართული ღვინის კომპანიები მუდმივად მონაწილეობენ პრესტიჟულ საერთაშორისო გამოფენებში Foodex Japan და Wine and Gourmet Japan, ტარდება ქართული ღვინის წარდგენა-დეგუსტაციები იაპონიის სხვადასხვა ქალაქში, იაპონელი ღვინის პროფესიონალებისა და მედიის წარმომადგენლებისთვის ეწყობა ღვინის  ტურები საქართველოს ყველა რეგიონში.

1715589300

წელს პირველად, ქართულ ბაზარზე ადგილობრივი წარმოების ფისტა მასიურად გამოჩნდება

წელს პირველად, ქართულ ბაზარზე ადგილობრივი წარმოების ფისტა მასიურად გამოჩნდება. იგეგმება პროდუქციის ექსპორტიც. საქართველოს ფისტას ასოციაციაში ამბობენ, რომ ფერმერები 2024 წელს კარგ მოსავალს ელიან, რაც ზრდის შესაძლებლობებს, რომ ქართულმა ფისტამ იმპორტირებული პროდუქტი ჩაანაცვლოს.როგორც „ბიზნესპარტნიორს“  საქართველოს ფისტას ასოციაციის თავმჯდომარე  ოთარ ანგურიძე აცხადებს, რამდენიმე ათეული ტონა ფისტა და ჩანაცვლებული იმპორტი - ეს ის მოლოდინია, რომელიც წელს ფისტას მწარმოებელ ფერმერებს აქვთ.„წლიდან წლამდე ქვეყანაში ფისტას, როგორც კაკლოვანი კულტურის ცნობადობა და მასზე მოთხოვნა იზრდება, შედეგად მზარდია, ამ კულტურის გაშენებით დაინტერესებული ფერმერების რიცხვი და თავად, ფისტას ბაღების რაოდენობაც. სხვადასხვა კვლევის შედეგად, გამოიკვეთა, რომ საქართველოში ფისტას წარმოებისთვის ძალიან კარგი პირობებია, როგორც ნიადაგის, ისე კლიმატური პირობების თვალსაზრისით, შესაბამისად, წარმოებული პროდუქტიც მაღალი ხარისხისაა. რაც შეეხება უშუალოდ მიმდინარე წლის მოსავალს, 2024 წელს გაორმაგებული რაოდენობის პროდუქციას ველოდებით, ეს ყველაფერი კი ქმნის მოლოდინს, რომ ქვეყანა არა თუ იმპორტირებული პროდუქტის ჩანაცვლებას, არამედ ფისტას ექსპორტზე გატანასაც შეძლებს. წელს იქნება პირველი წელი, როდესაც ქართული ფისტა ქსელურ მარკეტებში მასიურად გამოჩნდება“, - აღნიშნავს ოთარ ანგურიძე.თავად ფერმერების პროგნოზითაც, მომდევნო 2-3 წლის ვადაში, შესაძლებელი იქნება იმპორტირებული პროდუქციის 80%-ით ჩანაცვლება.რაც შეეხება ქართული ფისტას ექსპორტს, როგორც საქართველოს ფისტას ასოციაციის თავმჯდომარე, ისე ფერმერები ელიან, რომ მცირე რაოდენობით აღნიშნული პროდუქციის ექსპორტი მიმდინარე წელსვე განხორციელდება. საქართველოს ფისტას ასოციაციაში პოტენციურ საექსპორტო ბაზრებად ევროკავშირის ქვეყნებს ასახელებენ,  ამბობენ, რომ აქ მოსახლეობა მაღალ მსყიდველუნარიანია. გარდა ამისა, სექტორში ფიქრობენ, რომ ევროპაში ექსპორტს ხელს შეუწყობს ევროკავშირთან ღრმა და ყოვლის მომცველი თავისუფალი სავაჭრო სივრცის შესახებ შეთანხმებაც. დარგის წარმომადგენლები აცხადებენ, რომ  საქართველოს ეკონომიკას ფისტას ინდუსტრიის განვითარებით დიდი სარგებლის ნახვა შეუძლია, რადგან ფისტა მაღალ ბიუჯეტურ პროდუქტებში გადის. საერთაშორისო ბაზრებზე ამჟამად, 1 კგ ფისტას ფასი 10 დოლარიდან იწყება და ხარისხის მიხედვით, ეს ფასი მზარდია. ღირებულების სტაბილურ ზრდას ფისტაზე წლიდან წლამდე 20-25%-ით გაზრდილი მოთხოვნაც განაპირობებს.აღსანიშნავია, რომ დღეისათვის, მსოფლიოში ფისტას უმსხვილესი მწარმოებელი ამერიკის შეერთებული შტატებია, მეორე და მესამე პოზიციაზე კი - ირანი და თურქეთი არიან. ფისტას ასოციაციაში სჯერათ, რომ ქართულ ფისტას ხარისხიდან გამომდინარე, აქვს რესურსი ამ ქვეყნებში წარმოებულ პროდუქციას სათანადო კონკურენცია გაუწიოს.შეგახსენებთ, საქართველოში ფისტას წარმოებას სულ 7-8 წლის ისტორია აქვს. ამჟამად, ქვეყანაში ფისტას ბაღები 1000-ზე მეტ ჰექტარზეა გაშენებული და ეს ფართობები ყოველწლიურად იზრდება. დარგის ექსპერტების შეფასებით, საქართველოში ფისტას წარმოებისთვის განსაკუთრებით კარგი ნიადაგი და კლიმატური პირობები შემდეგ სამ რეგიონშია - კახეთი, ქვემო ქართლი და შიდა ქართლი.

info@bp.ge

+995595334912

გამოგვყევით