1714138860

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6760 ლარი გახდა. კურსი, რომელიც დღეს მოქმედებდა, 2.6859 ლარი იყო. დოლარის ცვლილებამ ეროვნულ ვალუტასთან მიმართებაში 0.0099 ლარი შეადგინა.რაც შეეხება ევროს, მისი კურსი 2.8713 ლარია. დღეს მოქმედი კურსი 2.8804 ლარს შეადგენდა.  ევროს ცვლილებამ 0.0091 ლარი შეადგინა.

1714133437

საქართველოს ბანკის Ads Manager, უნივერსალური პლატფორმა ბიზნეს შეთავაზებების შექმნისა და გასავრცელებლად, ქართული საგანმანათლებლო დაწესებულების სასწავლო პროგრამაში მოხვდა. ამიერიდან, ციფრული ინდუსტრიის აკადემია მის ერთ-ერთ ყველაზე მოთხოვნად სასწავლო კურსზე - „ციფრული მარკეტინგის ტექნიკები და ანალიზი“ მონაწილეებს Ads Manager-ს გააცნობს და მის გამოყენებას შეასწავლის. კურსზე დარეგისტრირებული პირები საქართველოს ბანკის პლატფორმას ისეთი გლობალური ბრენდების ციფრულ რესურსებთან ერთად შეისწავლიან, როგორებიცაა Google Analytics, Google Tag Manager და სხვები.Ads Manager საქართველოს ბანკის Business Manager-ის ნაწილია და მისი მეშვეობით ბიზნესებს აქვთ შესაძლებლობა, გაეცნონ საკუთარი მომხმარებლების შესახებ ანალიტიკურ ინფორმაციას, დააკვირდნენ მათ ქცევასა და ინტერესებს, შეთავაზებების შექმნით კი უპასუხონ მათ საჭიროებებსა და სურვილებს.  პლატფორმა მონაცემებზე დაფუძნებული გადაწყვეტილებების მიღების შესაძლებლობას იძლევა, რაც ბიზნესებს ბაზარზე კონკურენტული უპირატესობის მოპოვებაში ეხმარება.„ციფრული ინდუსტრიის აკადემიისთვის მნიშვნელოვანია, რომ სტუდენტებს მიაწოდოს ინფორმაცია უახლეს ტრენდებსა და ტენდენციების შესახებ. მას შემდეგ, რაც ბაზარზე გამოჩნდა საქართველოს ბანკის Ads Manager-ი, როგორც ახალი შეთავაზების განსათავსებელი  პლატფორმა, გადავწყვიტეთ ის ციფრული მარკეტინგის ტექნიკებისა და ანალიზის კურსზე დაგვემატებინა. საქართველოს ბანკის პლატფორმა, რამდენიმე კომპონენტის გათვალისწინებით, ძალიან საინტერესო და საჭიროა დღევანდელი მარკეტერებისთვის. პირველ რიგში, საინტერესოა აუდიტორიის მოცულობა - Ads მენეჯერის დახმარებით შეგვიძლია 1 400 000-ზე მეტ ციფრულად აქტიურ მომხმარებელს მივწვდეთ - მობილბანკში, sCoolApp-სა და Offers.bog.ge-ზე, ამავდროულად მივიღოთ დეტალური დემოგრაფიული ინფორმაცია და დამატებით გავაანალიზოთ მათი ციფრული ქცევა. ეს გაცილებით ხელსაყრელს ხდის სამიზნე აუდიტორიისთვის შესაფერისი შეთავაზების შექმნას“, - აცხადებს ეკატერინე თავხელიძე, ციფრული ინდუსტრიის აკადემიის საოპერაციო გუნდის ხელმძღვანელი.„საქართველოს ბანკი არ ჩერდება და მუდმივად ავითარებს ციფრულ პროდუქტებსა და სერვისებს, რომლებიც ბიზნესების უნიკალურ საჭიროებებს პასუხობს. Ads Manager ამის ერთ-ერთი მაგალითია. მისი მეშვეობით ბიზნესი საქართველოს ბანკის ციფრული არხებით მომხმარებლებს უკავშირდება, გეგმავს შეთავაზებას და აცნობს ფასდაკლების, ქეშბექის ან სხვა ტიპის შესაძლებლობას. ჩვენთვის განსაკუთრებით სასიხარულოა, რომ ციფრული ინდუსტრიის აკადემია საქართველოს ბანკის Ads Manager-ს საერთაშორისო პლატფორმებთან ერთად აცნობს კურსის მონაწილეებს. ვიმედოვნებთ, რომ ეს ცოდნა ბიზნესებს გაყიდვების სტიმულირებასა და ლოიალური მომხმარებლების შეძენაში დაეხმარებათ“, - აცხადებს გიორგი კინწურაშვილი, საქართველოს ბანკის ციფრული საბანკო ეკოსისტემის სამსახურის უფროსი.აღსანიშნავია, რომ კურსის მონაწილეები გაეცნობიან საქართველოს ბანკის Ads Manager-ის ფუნქციონალს, ტარგეტირებასა და კონტენტის გაიდლაინებს, ასევე ანალიტიკის, რეპორტინგისა და ოპტიმიზაციის შესაძლებლობებს. ამასთან, კურსის ფარგლებში სტუდენტებს საშუალება ექნებათ, ტექნიკურად გატესტონ და პრაქტიკაში შეისწავლონ ეს ხელსაწყო. შესაბამისად, კურსის დასრულების შემდეგ, ისინი შეძლებენ, დამოუკიდებლად იმუშაონ საქართველოს ბანკის Ads Manager-ში, შექმნან შეთავაზებები, გააანალიზონ შედეგები და გაუშვან ოპტიმიზებული რეკლამები.კურსზე დამატებითი ინფორმაციის მისაღებად დაესწარით უფასო მასტერკლასს „ABCᴅᴀᴛᴀ - ანუ რა მართავს ციფრულ მარკეტინგს?“, რომელიც 28 აპრილს, 13:30 სთ-ზე, ტერმინალში (ირაკლი აბაშიძის #34) გაიმართება. მასტერკლასზე სპიკერები, ელენე ბიბილეიშვილი, Hapttic-ის აღმასრულებელი დირექტორი და თორნიკე სამადაშვილი, საქართველოს ბანკის Digital Banking Ecosystem -ის ხელმძღვანელი,  ისაუბრებენ ტექნოლოგიების გამოყენების როლზე ციფრულ მარკეტინგში და მიმოიხილავენ  საქართველოს ბანკის Ads Manager-ს.ღონისძიების შესახებ დამატებითი ინფორმაცია იხილეთ ამ ბმულზე, რეგისტრაციისთვის კი ესტუმრეთ ამ ბმულს.Ads Manager-ის შესახებ გაიგეთ მეტი საქართველოს ბანკის ვებგვერდიდან.

1714133009

საბანკო სექტორში განთავსებული არასაბანკო დეპოზიტების მოცულობამ 2024 წლის მარტის ბოლოსათვის 51.81 მლრდ ლარი შეადგინა, რაც 1.31 მლრდ ლარით, ანუ 2.60%-ით მეტია წინა თვის ბოლოს არსებულ მაჩვენებელზე (გაცვლითი კურსის ეფექტის გარეშე 1.98%-ით მეტი),- ინფორმაციას საქართველოს ეროვნული ბანკი აქვეყნებს. მარეგულირებლის ინფორმაციით, მარტში, წინა თვესთან შედარებით, ადგილი ჰქონდა ვადიანი დეპოზიტების ზრდას 706.91 მლნ ლარით, ანუ 3.35%-ით (გაცვლითი კურსის ეფექტის გარეშე 2.78%-ით გაიზარდა), ხოლო მოთხოვნამდე დეპოზიტები 607.05 მლნ ლარით, ანუ 2.07%-ით გაიზარდა (გაცვლითი კურსის ეფექტის გარეშე გაიზარდა 1.41%-ით). საბანკო სექტორში განთავსებული არასაბანკო დეპოზიტების მოცულობამ 2024 წლის მარტის ბოლოსათვის 51.81 მლრდ ლარი შეადგინა, რაც 1.31 მლრდ ლარით, ანუ 2.60%-ით მეტია წინა თვის ბოლოს არსებულ მაჩვენებელზე (გაცვლითი კურსის ეფექტის გარეშე 1.98%-ით მეტი). მარტში, წინა თვესთან შედარებით, ადგილი ჰქონდა ვადიანი დეპოზიტების ზრდას 706.91 მლნ ლარით, ანუ 3.35%-ით (გაცვლითი კურსის ეფექტის გარეშე 2.78%-ით გაიზარდა), ხოლო მოთხოვნამდე დეპოზიტები 607.05 მლნ ლარით, ანუ 2.07%-ით გაიზარდა (გაცვლითი კურსის ეფექტის გარეშე გაიზარდა 1.41%-ით). დეპოზიტების ლარიზაციის კოეფიციენტმა 2024 წლის მარტის ბოლოსათვის 50.33 პროცენტი შეადგინა. წინა თვის ბოლო მდგომარეობასთან შედარებით, დეპოზიტების ლარიზაცია გაიზარდა 0.17 პროცენტული პუნქტით (გაცვლითი კურსის ეფექტის გამორიცხვით გაიზარდა 0.48 პროცენტული პუნქტით). მარტში ვადიან დეპოზიტებზე საშუალო წლიურმა შეწონილმა საბაზრო საპროცენტო განაკვეთმა 7.25% შეადგინა, მათ შორის ეროვნული ვალუტით განთავსებულ დეპოზიტებზე 9.56%, ხოლო უცხოური ვალუტით განთავსებულ დეპოზიტებზე 1.97%. უცხოური ვალუტით განთავსებულ დეპოზიტებში აშშ დოლარის წილმა 78.67%, ხოლო ევროს წილმა 19.60% შეადგინა.

1714132647

კომერციული ბანკების მიერ გაცემული სესხების მოცულობა (ბანკთაშორისი სესხების გარდა), 2024 წლის მარტში, წინა თვესთან შედარებით 1.54 მლრდ ლარით (2.94%-ით) გაიზარდა (გაცვლითი კურსის ეფექტის გარეშე, 2.40%-ით გაიზარდა) და მარტის ბოლოს 53.78 მლრდ ლარი შეადგინა,  - ინფორმაციას საქართველოს ეროვნული ბანკი აქვეყნებს. ამავე პერიოდში ეროვნული ვალუტით გაცემული სესხების მოცულობა 562.23 მლნ ლარით (1.93%-ით) , ხოლო უცხოური ვალუტით გაცემული სესხების მოცულობა 974.63 მლნ ლარით (4.22%-ით) გაიზარდა (გაცვლითი კურსის ეფექტის გარეშე, გაიზარდა 2.99%-ით). რეზიდენტი იურიდიული პირებისათვის 2024 წლის მარტის ბოლოს, კომერციულ ბანკებს ეროვნული ვალუტით გაცემული ჰქონდათ 8.84 მლრდ ლარის (წინა თვესთან შედარებით 2.27%-ით მეტი), ხოლო უცხოური ვალუტით 15.21 მლრდ ლარის (წინა თვესთან შედარებით 5.19%-ით მეტი) მოცულობის სესხი (გაცვლითი კურსის ეფექტის გარეშე, 3.95%-ით მეტი). 2024 წლის მარტის განმავლობაში 2.00%-ით, ანუ 547.91 მლნ ლარით გაიზარდა რეზიდენტი შინამეურნეობების სექტორის დაკრედიტების მოცულობა და მარტის ბოლოსათვის 27.93 მლრდ ლარი შეადგინა. 2024 წლის მარტის ბოლოსათვის, მთლიანი სესხების ლარიზაციის კოეფიციენტმა 55.20 პროცენტი შეადგინა. წინა თვის ბოლო მდგომარეობასთან შედარებით, შემცირდა 0.55 პროცენტული პუნქტით (გაცვლითი კურსის ეფექტის გამორიცხვით, შემცირდა 0.26 პროცენტული პუნქტით).

1714130679

დიდი ხანია,ან რაც საქართველოს ბანკისთვის AI სტრატეგიული მიმართულებაა და ამ მხრივ ფინანსური ინსტიტუტი განვითარებას აქტიურად განაგრძობს. სწორედ ამ მიზნით, საქართველოს ბანკმა და საქართველოს AI-ის ასოციაცია — GAIA-მ პარტნიორობა დაიწყეს, რომლის ფარგლებშიც, ერთობლივი პროექტები და ღონისძიებები იგეგმება. GAIA-ს მიზანია, ადამიანებსა და ბიზნესებს AI-ის საუკეთესოდ გამოყენებაში ხელი შეუწყოს და ქართული AI-ის და მონაცემთა მეცნიერების განვითარებას მხარი დაუჭიროს.საქართველოს ბანკისა და GAIA-ს პირველი პროექტი ქართულის, როგორც მცირე რესურსიანის ენის, AI-ის მიმართულებით განვითარებას ისახავს მიზნად. მცირე რესურსიანი ენების AI-ის განვითარების საერთაშორისო კონფერენცია 27 აპრილს ჩატარდება, სადაც ენის მოდელების სპეციალისტები დამსწრეებს თავიანთ გამოცდილებას გაუზიარებენ. კონფერენციისა და GAIA-სთან პარტნიორობის შესახებ საქართველოს ბანკის Chief analytics officer მიხეილ ნადარეიშვილი გვესაუბრა.როგორ დაიწყეს თანამშრომლობა საქართველოს ბანკმა და GAIA-მ?GAIA-მ დაფუძნებისას მოგვმართა ჩვენ, როგორც ორგანიზაციას, რომელსაც ბაზარზე ერთ-ერთი ყველაზე დიდი AI მიმართულება აქვს. ჩვენ სიამოვნებით ჩავერთეთ ამ წამოწყებაში, წარმოდგენილი ვართ GAIA-ს სამეთვალყურეო საბჭოსა და სხვადასხვა პროექტში და აქტიურად ვთანამშრომლობთ.რატომ უჭერს მხარს საქართველოს ბანკი GAIA-ს და ზოგადად ამ მიმართულებას?AI-ს ნახტომისებური განვითარება ბოლო წლებში ითვლება მეოთხე ინდუსტრიული რევოლუციის ნაწილად და მისი საშუალებით მოხდება ძალიან ბევრი მიმართულებით ცხოვრების დონის ამაღლება. საქართველოს ბანკს უკვე წლებია, აქვს სტრატეგიული მიზანი — მაქსიმალურად გამოიყენოს მონაცემები AI ოპერაციული ეფექტურობის გასაუმჯობესებლად და კლიენტებისთვის უკეთესი გამოცდილების შესაქმნელად. GAIA-სთან თანამშრომლობა ჩვენთვის ამ სტრატეგიის ნაწილია. ასოციაციას აქვს ხედვა იმის შესახებ, თუ როგორ უნდა განვითარდეს AI საქართველოში და აქტიურად ცდილობს, წვლილი შეიტანოს როგორც AI ცნობადობის ამაღლებაში ორგანიზაციებსა და საგანმანათლებლო დაწესებულებებში, ასევე საჯარო სექტორში.რას აკეთებს საქართველოს ბანკი AI მიმართულებით? საქართველოს ბანკში გვაქვს 50-ზე მეტი AI მოდელი, რომლებიც ბანკის ყველა მიმართულების პროცესებშია ინტეგრირებული. ამ მოდელების საშუალებით ჩვენ შეგვიძლია, მაგალითად, სრულად ავტომატურად, წამებში დავამუშაოთ კლიენტების სასესხო განაცხადები და გავცეთ სესხები, შევთავაზოთ კლიენტებს მათზე მორგებული პროდუქტები ჩვენი mBank-ის საშუალებით, მოვემსახუროთ მათ სრულიად ავტომატურად ჩვენს ჩეტში ჩეტბოტის საშუალებით და ა.შ.რა მნიშვნელობისაა ეს პარტნიორობა და რამდენ ხანს გაგრძელდება? როგორც უკვე ვახსენე, საქართველოს ბანკისთვის AI სტრატეგიული მიმართულებაა, რომელსაც მომდევნო წლებში სულ უფრო და უფრო მეტად განვავითარებთ. ამ მიმართულებით ჩვენთვის ძალიან მნიშვნელოვანია ბაზარზე სხვა ორგანიზაციებთან და AI-თი დაინტერესებულ ადამიანებთან ურთიერთობა, საჯარო სექტორთან დიალოგი AI რეგულაციებისადმი ეფექტური მიდგომების შესამუშავებლად და ზოგადად AI ცნობიერების ამაღლება. ჩვენ ვაფასებთ GAIA-ს წვლილს ამ მიმართულებით და გვინდა, მხარი დავუჭიროთ მას.ენის მოდელებზე რა გამოწვევებია ინდუსტრიაში და რა მიზანი აქვს კონფერენციის ფარგლებში შეხვედრებს?მას შემდეგ, რაც ენის მოდელებში რევოლუციური წინსვლა მოხდა და ბაზარზე გამოჩნდა დიდი შესაძლებლობების მქონე AI ჩეტბოტები, გააქტიურდა დისკუსია იმის შესახებ, რომ ქართულ ენასაც სჭირდება ენის მოდელების განვითარება, რომლებიც სხვა გამოყენებებთან ერთად, ქართულენოვანი ჩეტბოტის შექმნის საშუალებას მოგვცემს.ჩვენი ენა, მასზე მოლაპარაკე ადამიანების (და შესაბამისად, ამ ენაზე შექმნილი წერილობითი მასალის) სიმცირის გამო ითვლება ე.წ. “მცირე რესურსიან” ენად. ეს ქმნის პრობლემას ქართული ჩეტბოტის შექმნისთვის, რადგანაც მიმდინარე ენის მოდელებს ძალიან დიდი მოცულობის წერილობითი მასალა სჭირდებათ ისეთი დახვეწილი ჩეტბოტების განსავითარებლად, რომლებსაც ჩვენ ინგლისური ენისთვის ვხედავთ.თუმცა კვლევები ძალიან აქტიურად მიმდინარეობს და იქმნება მოდელირების ისეთი მიდგომები, რომელთა საშუალებითაც შეიძლება მცირე რესურსიანი ენებისთვის მძლავრი ენის მოდელის შექმნა. ამ შეხვედრების მიზანია, ერთმანეთს გავუზიაროთ ცოდნა და გამოცდილება, რათა ყველამ ერთად უფრო სწრაფად შევძლოთ წინსვლა ამ მიმართულებით.

1714130366

„საგადასახადო კოდექსში“ ცვლილებების შეტანა არ გამოიწვევს პროცესების შეცვლას საფინანსო სისტემაში, ვინაიდან სახსრების წარმომავლობისა და კომპანიის სადამფუძნებლო სტრუქტურის შესწავლა მოხდება იმავე მაღალი სტანდარტით, რაც აქამდე ხდებოდა, - ამის შესახებ საქართველოს ეროვნული ბანკის ფულის გათეთრების ინსპექტირებისა და ზედამხედველობის დეპარტამენტის უფროსის მოადგილემ სოფო ასანაძემ განაცხადა. მისივე თქმით, ცვლილებები არ არეგულირებს საბანკო გადარიცხვებს, რადგანაც ჩარიცხვა გადარიცხვის ოპერაციები ცალკე გადასახადებით არ იბეგრება. „საერთაშორისო სტანდარტების, საუკეთესო პრაქტიკისა და ეროვნული ბანკის მითითებების შესაბამისად, კომერციული ბანკები დღემდე აქტიურად სწავლობენ მსგავსი ტიპის ოპერაციებს. ამიტომ აღნიშნული არ გამოიწვევს პროცესების შეცვლას, ვინაიდან სახსრების წარმომავლობისა და კომპანიის სადამფუძნებლო სტრუქტურის შესწავლა მოხდება იმავე მაღალი სტანდარტით, რაც აქამდე ხდებოდა. დამატებით, ეროვნული ბანკი თავის მანდატის ფარგლებში, მუდმივად სწავლობს როგორც ფულის გათეთრების, ასევე სანქციების რეჟიმებთან შესაბამისობის კუთხით არსებულ კონტროლის მექანიზმებს და სხვადასხვა გეოგრაფიულ არეალებთან დაკავშირებულ ტრანზაქციებს“, - აღნიშნა სოფო ასანიძემ.მისივე ინფორმაციით, ევროპის საბჭოს ექსპერტთა კომიტეტის, Moneywall-ის მიერ დადებითად არის შეფასებული ეროვნული ბანკის ფულის გათეთრების საზედამხედველო პროცესი და პრაქტიკა ფულის გათეთრებისა და ტერორიზმის დაფინანსების აღკვეთის კუთხით და ასევე დადებითად არის შეფასებული კომერციული ბანკების შიდა კონტროლის პრაქტიკა.

1714129500

საქართველოს საბანკო ასოციაციის თავმჯდომარე ალექსანდრე ძნელაძის განცხადებით, საგადასახადო კოდექსში ცვლილებები ეროვნული ბანკის მიდგომას ფულის გათეთრების თვალსაზრისით, არ ცვლის.როგორც მან გადაცემა „ბიზნესპარტნიორში“ განაცხადა, დღეს რაიმე საკითხთან მიმართებით კონკრეტულ რისკებზე საუბარი ნაადრევია.„მთლიანად საფინანსო სისტემა არის საერთაშორისო საფინანსო სისტემის ნაწილი და როგორც ახორციელებდა ფულის გათეთრების წინააღმდეგ კონტროლს ასევე, დღესაც ახორციელებს და მომავალშიც განახორციელებს აღნიშნული ფუნქციის შესრულებას. საგადასახადო კოდექსში ცვლილებები არ ცვლის არც ეროვნული ბანკის მიდგომას ამ თვალსაზრისით. კიდევ უფრო მეტი სიზუსტისთვის - არა მხოლოდ ეროვნული ბანკის, არამედ არ ცვლის საერთაშორისო სისტემის დამოკიდებულებას ტრანზაქციებთან მიმართებაში. ცალსახად შემიძლია ვთქვა, რომ პრინციპულად დღეს რაიმე საკითხთან მიმართებაში კონკრეტულ რისკებზე საუბარი მინიმუმ ნაადრევია და იდენტიფიცირებული არ არის“, - აცხადებს ძნელაძე.ცნობისთვის, საქართველოს პარლამენტმა ოფშორული ზონებიდან აქტივების გადმოტანის საგადასახადო შეღავათები  19 აპრილს მიიღო. აღნიშნულთან დაკავშირებით გუშინ ეროვნულმა ბანკმა  განცხადებაც გაავრცელა,სადაც განმარტა, რომ  „საგადასახადო კოდექსში“ ცვლილებების შეტანა არ ეხება და არ არეგულირებს საბანკო ტრანზაქციებს. საერთაშორისო სტანდარტების, საუკეთესო პრაქტიკისა და ეროვნული ბანკის მითითებების შესაბამისად, საქართველოს საბანკო სისტემის მხრიდან მსგავსი ტიპის ტრანზაქციები დღესაც მკაცრ შემოწმებას გადის და მომავალშიც ასე გაგრძელდება.განცხადების თანახმად, საქართველოს ეროვნული ბანკის მოთხოვნით, ქართულ კომერციულ ბანკებს დანერგილი აქვთ ანგარიშგების, გამჭვირვალობის უმაღლესი სტანდარტები.

1714126288

1 მაისს, AD BLACK SEA-ის ორგანიზებით და თიბისის მხარდაჭერით, დიზაინის საერთაშორისო ფესტივალი გაიმართება. ფესტივალი დიზაინის რამდენიმე  მიმართულებას გააერთიანებს: გრაფიკული დიზაინი, UX/UI , ილუსტრაციები და სხვა. ბილეთის შეძენა  და პროგრამის გაცნობა შეგიძლიათ ვებგვერდზე - https://adblacksea.com/attend/agenda.თიბისის სადებეტო Visa ბარათით ბილეთის შეძენისას, მომხმარებლებს გადახდილი თანხის 20% მომენტალურად  უკან დაიბრუნდებათ.ფესტივალი მოიცავს სხვადასხვა ლექცია-სემინარს, პანელურ დისკუსიასა და ვორკშოპს, რომლებსაც სფეროს წამყვანი ადგილობრივი და უცხოელი დიზაინერები და ილუსტრატორები გაუძღვებიან. ღონისძიების ფარგლებში, სტუმრები გაეცნობიან ინდუსტრიაში არსებულ ტენდენციებს და საშუალება ექნებათ დაესწრონ მსოფლიოში სფეროს წამყვანი სპეციალისტების სემინარებს. ფესტივალის საპატიო სტუმარი იქნება ავსტრიელი დიზაინერი სტეფან საგმაისტერი, რომელსაც კარიერის განმავლობაში უმუშავია ისეთ ცნობილ პროექტებზე, როგორებიცაა – როლინგ სტოუნსის ალბომის ყდა, HBO, გუგენჰაიმის მუზეუმი და სხვა.დიზაინ ფესტივალზე, პანელურ დისკუსიას თიბისის დიზაინის და UX მიმართულების ლიდერი - გიგი ჯანელიძე გაუძღვება, რომელიც ისაუბრებს თიბისი ჯგუფის გამოცდილებაზე: რა როლს ასრულებს დიზაინი ბიზნესის სტრატეგიის ჭრილში, როგორ შეიძლება დიზაინი იყოს ინოვაციის და ადამიანზე ორიენტირებული პროდუქტის შექმნის საფუძველი.პანელური დისკუსიის მონაწილეები იქნებიან:  გივი დაუთაშვილი (თიბისი დაზღვევა), ირაკლი სიმონიშვილი (თიბისი უზბეკეთი/Space int), ლაკო ჟაჟანიძე (თინეთი), თაკო ლორია (თიბისი უზბეკეთი/Space Int). 

1714120581

საერთაშორისო გამოცემა The Digital Banker-მა საქართველოს ბანკი საუკეთესო ციფრული სამომხმარებლო გამოცდილების (Digital CX) მქონე ბანკად დაასახელა საქართველოში.„ეგრევე“ - მომენტალური გადარიცხვა, თამაში, სასაჩუქრე ბარათები, ბიზნესსა და სამომხმარებლო მობილბანკში „სთორების“ ახალი სივრცე, ბიზნეს დეპოზიტები, ბიზნეს შეთავაზებები, ბიზნეს და გადახდების მენეჯერი, API მენეჯერი, - ეს საქართველოს ბანკის მიერ 2023 წელს განხორციელებული ინიციატივების მხოლოდ ნაწილია, რის გამოც ფინანსურმა ინსტიტუტმა საერთაშორისო აღიარება დაიმსახურა.საქართველოს ბანკის გუნდის მიზანი მომხმარებლისთვის განსაკუთრებული საბანკო გამოცდილების შეთავაზებაა. ამისათვის, ფინანსური ინსტიტუტი მომხმარებელს აძლევს შესაძლებლობას, ისარგებლონ 24/7-ზე მხარდაჭერით, რაც ბანკის გუნდს ეხმარება, მუდმივად ეცნობოდნენ მომხმარებლის საჭიროებებსა და მოთხოვნებს, შედეგად კი შექმნან მათ უკუკავშირზე დაფუძნებული სერვისები და გააუმჯობესონ არსებული პროდუქტები. „Digital CX-ის ჯილდო ისეთი წამყვანი ფინანსური ორგანიზაციების გამოვლენას ემსახურება, რომლებიც მუდმივად განვითარებად ციფრულ ეკოსისტემაში ქმნიან ისეთ ფინანსურ და საბანკო პროდუქტებსა და სერვისებს, რომლებიც მომავალი 5-10 წლის განმავლობაში მომხმარებლისთვის რელევანტური იქნება“, - აღნიშნავენ The Digital Banker-ის რედაქციაში. 2024 წლის ჯილდოს ფარგლებში მონაწილეობა 900-მდე ფინანსურმა ორგანიზაციამ მიიღო. აპლიკანტებს კი გამომცემლობის რედაქციასთან ერთად KPMG-ის, EY-ის, PWC-ის, Deloitte-ის, Forrester-ის წარმომადგენლები და სხვა, მსოფლიოში აღიარებული ექსპერტები რაოდენობრივ და თვისობრივ მონაცემებზე დაყრდნობით აფასებდნენ.„საქართველოს ბანკი, როგორც ტექნოლოგიური ბანკი, მიზნად ისახავს მომხმარებელს შესთავაზოს თანამედროვე, მათ ყოველდღიურ საჭიროებებზე მორგებული სერვისები და პროდუქტები. სწორედ ამიტომ, ჩვენ აქტიურად ვმუშაობთ, რათა ჩვენს ფიზიკურ მომხმარებლებსა თუ ბიზნესებს შევთავაზოთ მათზე მორგებული გამოცდილება. იქნება ეს შეთავაზებების სივრცის მობილბანკში დამატება, სასაჩუქრე ბარათების შექმნა, QR-ის მეშვეობით თანხის განაღდების პროცედურის გამარტივება, sCoolApp-ში Chat GPT-ს ინტეგრაცია თუ სხვა. The Digital Banker-ისგან მოპოვებული აღიარება ჩვენი გუნდის ძალისხმევის დაფასებაა, რომელიც გვაძლევს მოტივაციას, არ გავჩერდეთ, გავაუმჯობესოთ არსებული და შევქმნათ ახალი, კიდევ უფრო მეტად ინოვაციური საბანკო გამოცდილება ჩვენი მომხმარებლისათვის“, - აღნიშნავენ საქართველოს ბანკის გუნდში. ინფორმაციისთვის, Digital CX ჯილდო გლობალური პროგრამაა, რომელიც მიზნად ისახავს გამოავლინოს ისეთი ფინანსური ინსტიტუტები, რომლებიც მუდმივად ცვალებად ციფრულ ეკოსისტემაში მომხმარებლისთვის მათ ინდივიდუალურ საჭიროებებზე მორგებულ ციფრულ გამოცდილებას ქმნიან.