1700654280

სასტუმრო "ბორჯომი - ლიკანში"  საახალწლო სამზადისი დაიწყო. როგორც კომპანიაში აცხადებენ, კომპანია სტუმრებს  ტრადიციულად გამორჩეულ საღამოს ჰპირდება.„ახალ წელს ბორჯომი - ლიკანის სასტუმრო მართლაც ჯადოსნურ ადგილს ემსგავსება - დათოვლილი ტყე, საახალწლო განწყობა როგორც სასტუმროში, ასევე მის წიწვოვან პარკში  - დაუვიწყარ მოგონებებად აქცევს ამ პერიოდს. თუმცა, ეს ყველაფერი არ არის და ახალ წელს ჩვენს სტუმრებს შესაძლებლობა აქვთ დაესწრონ საახალწლო ვახშამს, სადაც ტრადიციული ქართული და უგემრიელესი სუფრის გარდა გვექნება მუსიკალური პროგრამა, გასართობი პროგრამა, ფოიერვერკის შოუ, საახალწლო ტორტის გაჭრის ცერემონია და გათამაშება, სადაც დამსწრეებს ექნებათ შესაძლებლობა მოიგონ: 1 ღამე 2 ადამიანზე საუზმით ბორჯომი ლიკანში, 150 ლარიანი ვაუჩერი რესტორან ბაგრატიონში და წყვილის მასაჟი,“-აღნიშნავენ „ბორჯომი-ლიკანში“.მათივე ინფორმაციით, საახალწლო  საღამოს გააფორმებს  თანამედროვე ფოლკ ჯგუფი „ჩვენებურები“, რომელთაც ბოლო დროს არაერთი ჰიტი გვაჩუქეს და დიჯეი LVN.„განსაკუთრებით უცხოელ სტუმრებისთვის არის ჯგუფი საინტერესო, ვინაიდან მათ შემოქმედებაში ქართული ტრადიციული ჰანგები ერწყმის თანამედროვე კულტურას. საღამოს ბოლოს გართობა დიჯეი LVN-სთან ერთად გაგრძელდება.რაც მთავარია, სტუმრებს, შესაძლებლობა ექნებათ პატარები საბავშვო კლუბში დატოვონ, სადაც ბავშვებისთვის ცალკე გასართობი პროგრამა გვექნება.“ -აცხადებენ „ბოჯომი-ლიკანში“.შეგახსენებთ, რომ „ბოჯომი-ლიკანი“ საახალწლო ვახშამზე დასწრების მსურველებს 11 დეკემბრამდე სთავაზობს 20%-იან ფასდაკლებას.

1700569083

ტურიზმის შესახებ კანონი დარგობრივი ეკონომიკისა და ეკონომიკური პოლიტიკის კომიტეტმა მეორე მოსმენით მიიღო, რომლის მიხედვითაც ტუროპერატორი, რომელიც საქართველოს გარეთ ტურისტულ მომსახურებებს სთავაზობს, ვალდებულია, ფინანსური უზრუნველყოფის სახით იქონიოს პაკეტების დაგეგმილი წლიური გაყიდვების არანაკლებ 7%-ისა, და ეს არ უნდა იყოს 30 000 ლარზე ნაკლები.როგორც საქართველოს გამყვანი ტურიზმის ასოციაციის თანადამფუძნებელმა, დიმიტრი ჩიკვაიძემ გადაცემა "ბიზნესპარტნიორს" განუცხადა, კანონი, რომლის მეორე მოსმენით მიღება მოხდა, ძალიან ბუნდოვანი ჩანაწერია. შესაბამისად, ამ კანონის ფარგლებში, ბიზნესებს ოპერირება გაურთულდებათ.მისივე განმარტებით, კანონში ტერმინები სწორად არ არის განმარტებული, ასევე არ ხდება ზუსტი დეფინიციის განსაზღვრა, თუ ვინ არიან მაგალითად, ტუროპერატორები,  ტურისტული სააგენტოები და ა.შ."ტერმინების ზუსტი განსაზღვრა ძალიან მნიშვნელოვანია, რადგან ტუროპერატორი არის იურიდიული კომპანია, რომელიც ჩარტერულ რეისს ქირაობს და კონკრეტული მიმართულებით რეისს ასრულებს. ავიაკომპანია თუ თანხას არ გადაიხდის, რეისი არ შესრულდება და მგზავრები შესაძლებელია ქვეყნის გარეთ ჩარჩნენ.ტურისტული კომპანია კი, რომელიც ნებისმიერი ავიაკომპანიის რეისს ყიდის, სადაც მათი მოგება არის მიზერული, ვერ იქნება პასუხისმგებელი იმ ავიაკომპანიის გაუქმებულ რეისებზე, რომელთანაც კავშირი არ აქვს. შესაბამისად, ტუროპერატორი ვალდებულია ფინანსური გარანტიები ჰქონდეს განთავსებული, რომ  მომხმარებელი ქვეყნის გარეთ არ დარჩეს და მათი რეპატრიაცია მოხდეს,"- აცხადებს ჩიკვაიძე.მისივე თქმით, ევროპის ქვეყნებში გამყვანი ტურიზმი ძალიან კარგად არის მოწესრიგებული. იქ სადაზღვევო პროდუქტი, პასუხისმგებლობის დაზღვევა არსებობს. თუმცა უნდა აღინიშნოს, რომ საქართველოში ამ პრაქტიკის მისაღებად არცერთი კომპანია მზად არ არის.ჩიკვაიძის ცნობით, როგორც არაკეთილსინდისიერი კომპანიები, ასევე არაკეთილსინდისიერი მომხმარებლები არსებობენ, რომლებმაც შეიძლება შეთავაზებული ტურის შესაბამისად დაისვენონ, თუმცა შემდეგ ტურიზმის ადმინისტრაციაში უკმაყოფილება გამოხატონ. ბიზნესს კი ბერკეტი არ აქვს, რომ სიმართლე დაამტკიცოს.აღსანიშნავია, რომ ასოციაცია და ტურიზმის ალიანსი კანონპროექტზე მუშაობისას არაერთ რეკომენდაციას გასცემდა, მაგრამ ჩიკვაიძის ცნობით, არცერთი რეკომენდაცია არ იქნა გათვალისწინებული.

1700461131

საქართველოს ტურიზმის ეროვნული ადმინისტრაციის ორგანიზებითა და "USAID საქართველოს" თანამონაწილეობით საერთაშორისო ინფლუენსერები საქართველოს ეწვივნენ. პრესტურის ფარგლებში იტალიიდან, კანადიდან და არაბთა გაერთიანებული საამიროებიდან ბრენდინ კელი ლოგანი, მეგან ელიზაბეთ ორურკი, ნიკოლო ლეონე, რაშიდა სასუ და იუსიზ კადჰოდი საქართველოს ტურისტულ პოტენციალს ეცნობიან.ინფლუენსერებს ღვინის მუზეუმში შეხვდა ტურიზმის ეროვნული ადმინისტრაციის ხელმძღვანელი მაია ომიაძე.„საქართველოს ტურიზმის ეროვნული ადმინისტრაციისა და "USAID საქართველოს" თანაპარტნიორებით საქართველოს ეწვივნენ ბლოგერები და  ინფლუენსერები სხვადასხვა ქვეყნიდან. ტურის ფარგლებში ინფლუენსერებმა  თბილისი, დაშბაში კანიონი, ფარავნის ტბა, ფოკა, საღამოს ტბა, ვარძია, ბორჯომი, კახისის ტბა, ბორჯომ-ხარაგაულის ეროვნული პარკი, წინანდალი, ყვარელი, სტეფანწმინდა, გუდაური და ანანური მოინახულეს, გაეცნენ საქართველოს ისტორიას, ეწვივნენ სათავგადასავლო ტურისტულ ადგილებს, დააგემოვნეს ქართული ღვინო და გაეცნენ გასტრონომიას“,-განაცხადა მაია ომიაძემ.„ჩემზე დიდი შთაბეჭდილება მოახდინა თუ როგორი მრავალფეროვანია საქართველო  ბუნებით, მთებით, არქიტექტურით, ციხე-კოშკებით. თითოეულ ადგილას სადაც არ უნდა წახვიდე უამრავ სანახაობას აღმოაჩენ“,-ამბობს ტურის მონაწილე მეგან ელიზაბეთ ორურკი.„როდესაც ვმოგზაურობ ყოველთვის ვიძახი, რომ იტალიელის გაკვირვება ადვილი არ არის, საქართველოში კი ნამდვილად გაოცებული დავრჩი, პირველ რიგში ეს არის ხალხის სტუმართმოყვარეობა, ღვინო, სამზარეულო და რა თქმა უნდა მთები. ყველას ვურჩევ მოინახულოს თბილისი, გაეცნოს ქალაქი, მაგრამ განსაკუთრებით მაგარია საქართველოს მთებში მოგზაურობა და ამ მიმართულებით ყაზბეგს გამოვარჩევდი“,-აცხადებს ინფლუენსერი ნიკოლო ლეონე.ტურის მონაწილეები ქართული კულტურის, ტურისტული პროდუქტების, ბუნების, კურორტების, ქართული სამზარეულოსა და ღვინის შესახებ პოსტებს, ბლოგებს, ვიდეორგოლებსა და სთორებს მოამზადებენ, რომელსაც სხვადასხვა სოციალურ ქსელში ასიათასობით გამომწერი იხილავს.პრესტურის მიზანია ევროპაში, ჩრდილოეთ ამერიკასა და სპარსეთის ყურის ქვეყნებში საქართველოს ცნობადობის გაზრდა და ტურისტული ნაკადების მოზიდვა.

1700209735

ეკონომიკისა და მდგრადი განვითარების მინისტრის მოადგილე მარიამ ქვრივიშვილმა და  ტურიზმის ეროვნული ადმინისტრაციის ხელმძღვანელმა მაია ომიაძემ ტურიზმის ინდუსტრიის წარმომადგენლებს ტურიზმისა და სამოქალაქო ავიაციის სექტორებში 2023 წლის სამი კვარტლის შედეგები, აგრეთვე მიმდინარე პროექტები და სამომავლოდ დაგეგმილი აქტივობები გააცნეს.შეხვედრაში მონაწილეობდნენ სასტუმროების, ტურისტული კომპანიების, ასოციაციების, აგრეთვე საგარეო საქმეთა სამინისტროს წარმომადგენლები. შეხვედრაზე განსაკუთრებული აქცენტი გაკეთდა საკურორტო ზონების განვითარებასა და სამთო-სათხილამურო კურორტების ინფრასტრუქტურის გაძლიერებაზე.მინისტრის მოადგილის ინფორმაციით, 2024 წელს ქვეყანაში მნიშვნელოვანი ღონისძიებები გაიმართება, რომელთა შორის აღსანიშნია სათხილამურო მსოფლიო თასები და 2024 წლის ტურიზმის მსოფლიო დღის მასპინძლობა.„დარწმუნებული ვარ, რომ საერთო ძალისხმევით, ჩვენი ქვეყნის ტურიზმის ინდუსტრია კვლავ ერთ-ერთი სწრაფად მზარდი იქნება მსოფლიოში, შემოვიტანთ უფრო მეტ შემოსავალს ტურიზმის ინდუსტრიიდან ქვეყნის ეკონომიკაში. კერძო სექტორთან მჭიდრო თანამშრომლობით ქვეყანაში შეიქმნება კიდევ უფრო მეტი სამუშაო ადგილი,  რომელიც დადებითად აისახება ჩვენი ქვეყნის მცირე და საშუალო მეწარმეების გაძლიერებაზე“,-განაცხადა შეხვედრაზე მარიამ ქვრივიშვილმა.შეხვედრაზე აღინიშნა, რომ 2024 წელს ტურიზმის ეროვნული ადმინისტრაცია აქტიურ კამპანიას იწყებს ღვინისა და ქართული სამზარეულოს პოპულარიზაციისათვის.  ასევე იგეგმება ინფლუენსერების აქტივაციის პროექტი, რომლის ფარგლებშიც სოციალური ქსელებით ინფლუენსერები გააზიარებენ თავიანთ გამოცდილებას საქართველოს შესახებ.აღინიშნა, რომ საქართველოს ტურიზმის ადმინისტრაცია გეგმავს მარკეტინგული საქმიანობის გააქტიურებას ევროკავშირის, სკანდინავიის, ყურის ქვეყნების, აშშ - ის, ჩინეთის, ინდოეთისა და იაპონიის  ტურისტულ ბაზარზე. გარდა ამისა, მომავალ წელს ტურიზმის ეროვნული ადმინისტრაცია 21 ტურისტულ გამოფენაში მიიღებს მონაწილეობას, მოაწყობს ციფრულ მარკეტინგულ კამპანიებს, უმასპინძლებს საერთაშორისო მედიის წარმომადგენლებსა და ბლოგერებს, გაიმართება გაცნობითი ტურები საერთაშორისო ტურისტული კომპანიებისთვის. საქმიანი ტურიზმის პოპულარიზაციის მიზნით გაიმართება 10 ღონისძიება, მათ შორის საქართველოში ჩატარდება მასშტაბური ფორუმი M&I თბილისში.  საქართველო 2024 წელს იქნება მსოფლიო ტურიზმის დღის მასპინძელი ქვეყანა.

1700059620

პერსპექტივები საქართველოსა და არაბთა გაერთიანებულ საამიროებს შორის ავიაციის მიმართულებით, პოლიტიკური გავლენა რეგიონზე და FlyDubai-ს გეგმები ჩვენს ქვეყანაში ფრენების სიხშირის ზრდასთან დაკავშირებით.აღნიშნული თემების შესახებ „ბიზნესპარტნიორი“ FlyDubai-ს ვიცე-პრეზიდენტს, ჯეიჰან ეფენდის ესაუბრა, რომელიც საქართველოში “თბილისის აბრეშუმის გზის ფორუმის” ფარგლებში იმყოფებოდა. ზოგადად, როგორია ფრენების აღდგენის ტემპი და როგორია ეს მაჩვენებელი ახლო აღმოსავლეთსა და კავკასიის რეგიონში?  დიდი მადლობა მოწვევისთვის...  დუბაის აქვს უნიკალური ტურისტული მიმართულებები ღია საზღვრებით, პანდემიის პერიოდშიც დუბაი იყო გამონაკლისი, რომელიც ღია იყო ტურიზმისთვის. ამ პერიოდში, საქართველოში განხორციელებულმა ფრენებმა, თბილისი-დუბაის მიმართულებით, თითქმის 70%-იანი აღდგენა აჩვენა, 2021 წლის ბოლოს კი სრული დატვირთვით ვმუშაობდით. რაც შეეხება 2023 წელს,  პანდემიამდელი პერიოდის მაჩვენებლებს 45%-ით გადააჭარბა. რამდენად საინტერესოა საქართველო როგორ ტურისტული ბაზარი და რა პოტენციალი აქვს საქართველოს ავიაციის მიმართულებით?  FlyDubai-ს შეიძლება ითქვას, რომ უნიკალური ურთიერთობა აქვს საქართველოსთან, ჩვენ დავიწყეთ ფრენები 2011 წელს, როდესაც საქართველო ფაქტობრივად ტურისტული თვალსაზრისით უცნობი მიმართულება იყო. ამ დროს ყოველწლიურად საქართველოსა და  არაბთა გაერთიანებულ საამიროებს შორის მგზავრთა რაოდენობა 10 000 იყო. ახლა კი 3-4 ფრენას ვასრულებთ დღეში დუბაი-თბილისის მიმართულებით, ასევე გვაქვს ფრენები ბათუმი-დუბაის მიმართულებით. ვფიქრობ, მთავრობა ფოკუსირებულია ტურიზმის განვითარებაზე, დღესდღეობით, თბილისი არის უქმეებისთვის საუკეთესო მიმართულება. ამ ყველაფერს ხელი შეუწყო ასევე სავიზო რეჟიმთან დაკავშირებულმა გამარტივებულმა რეგულაციებმაც. როგორია თქვენი სამომავლო მიზნები, თუ აპირებთ ფრენების სიხშირის გაზრდას ან ფრენების დაწყებას ქუთაისის საერთაშორისო აეროპორტიდან?  2023 წელს,2022 წელთან შედარებით თითქმის 60%-იანი ზრდა გვქონდა , ზაფხულის სეზონზე ვასრულებდით ფრენებს კვირაში 5-ჯერ თბილისის მიმართულებით, ხოლო ბათუმში 3-ჯერ. წელს ვგეგმავთ გავზარდოთ სიხშირე კონკრეტულად ბათუმში, მათ შორის ზამთრის სეზონზე, რადგან სექტემბერ-ოქტომბერში დიდი მოთხოვნა დავინახეთ.ზოგადად, საქართველოში ფრენები არ გულისხმობს მხოლოდ არაბთა გაერთიანებულ საამიროებიდან მგზავრთა ნაკადს, არამედ ეს აკავშირებს საქართველოს გალფის სივრცესთან, სამხრეთ-აღმოსავლეთ აზიასთან, აფრიკასთან და ავსტრალიასთან, რადგან როგორც იცით, დუბაის საერთაშორისო აეროპორტში მგზავრთა მაჩვენებელი ყოველწლიურად 87 მილიონზე მეტია. რაც შეეხება გეგმებს, ამ ეტაპზე, განვიხილავთ ქუთაისის საერთაშორისო ეროპორტს, სადაც ვფიქრობთ, რომ ფრენებს 2024 წლიდან დავიწყებთ. როგორ ხედავთ სამხრეთ კავკასიასა და ცენტრალურ აზიაში ბოლო დროს განვითარებულ მოვლენებს, რომლებიც გავლენას ახდენენ რეგიონზე?  ტურიზმისა და ავიაციის სექტორზე პოლიტიკური მოვლენები რა თქმა უნდა მოქმედებს, თუმცა დუბაი რჩება სტაბილურ მიმართულებად და სულ უფრო მეტ მომხმარებელს იზიდავს. რაც ახლა სამხრეთ კავკასიის რეგიონში ხდება, ვგულისხმობ აზერბაიჯანსა და სომხეთში განვითარებულ მოვლენებს გავლენა აქვს მეზობელ ქვეყნებზე, თუმცა  საქართველოს ამ შემთხვევაში ორმაგი როლის შესრულება შეუძლია, როგორც ტრანსპორტირების ჰაბს და ცენტრს, სადაც ქვეყნებს მოლაპარაკების საშუალება ექნებათ.  ჩვენ გვჯერა, რომ საქართველოს შეუძლია მიიღოს სარგებელი, იყოს ღია და ლიბერალური, ამასთან იყოს ფოკუსირებული ინფრასტრუქტურის გაუმჯობესებაზე. ძალიან მნიშვნელოვანი საკითხია გარემოს დაბინძურება, როგორ მუშაობს და რას აკეთებს თქვენი კომპანია ამ პრობლემის მოგვარებისთვის?  ინვესტიციები ტექნოლოგიებში - ეს არის ერთ-ერთი მნიშვნელოვანი მიმართულება, რაზეც მუდმივად ვმუშაობთ, გვყავს ახალი თაობის ფლოტი, რომელიც 20%-ით ეკონომიურია, რაც მნიშვნელოვანი ფაქტორია გარემოს დაცვისთვის. ავიაციის ინდუსტრიას ყოველთვის ჰქონდა გავლენა გარემოზე და ვფიქრობ ახალი ძრავები, თვითმფრინავები და ამ ყველაფერში ინვესტიციების განხორციელება, საბოლოო ჯამში, შეამცირებს გარემოზე ზემოქმედებას. ადამიანებს სჭირდებათ მოგზაურობა, სიახლეების აღმოჩენა და შესაბამისად, სექტორში ამ მხრივ მუდმივად მზარდი მაჩვენებელია. სტეიკჰოლდერები უნდა დარწმუნდნენ, რომ ტექნოლოგიები და ინფრასტრუქუტრა მორგებული იქნება დიდ ნაკადებზე.მაგალითად, ჩვენს აეროპორტში მგზავრი ყველა პროცესის გავლისას, Cheekin-დან დაწყებული ბორტზე ასვლით დამთავრებული, ყველა ეტაპზე, სკანერის საშუალებით ამცირებს ლოდინის დროს, რაც ტრანზიტისთვისაა საჭირო.

1700058637

2024 წლის ბიუჯეტის პროექტის განხილვისას, ფინანსთა მინისტრმა, ლაშა ხუციშვილმა ისაუბრა ტურიზმის ხელშეწყობისთვის დაგეგმილ ღონისძებებზე.მისი თქმით, მომავალ წელს ტურიზმის ხელშეწყობისათვის, გათვალისწინებულია 236 მლნ ლარი, მათ შორის, 191 მლნ ლარი მოხმარდება ტურისტული ინფრასტრუქტურის მშენებლობას, რომელიც გათვალისწინებულია ახალი 5 წლიანი პროგრამის ფარგლებში, რომლის მთლიანი ღირებულება შეადგენს 1 მილიარდ ლარს. როგორც ლაშა ხუციშვილმა აღნიშნა, 2024 წელს ამ პროგრამის ფარგლებში, გათვალისწინებულია: ბორჯომის, ქუთაისის, წყალტუბოს, თელავის, ბათუმის,  მესტიის, მცხეთის, ზუგდიდისა და ყაზბეგის მუნიციპალიტეტებში ცენტრალური უბნების განახლების, ტურისტულად მიმზიდველი სივრცეების შექმნისა და განვითარების ღონისძიებების დაფინანსების გაგრძელება, ჯამურად, 161 მლნ ლარის ოდენობით. მისი თქმით, 2024 წელს, გათვალისწინებულია მიმდინარე წელს დაწყებული გუდაურის ახალი საბაგირო გზის მშენებლობის დასრულება ჯამური 66 მლნ ლარის ღირებულებით. ასევე, 2 ახალი 2.2 კმ-იანი საბაგიროს დასრულებისთვის 2024 წელს გათვალისწინებულია 30 მლნ ლარი.

1700042400

"ქვეყანაში Mice ტურიზმზე მოთხოვნა ნაკლებია, ხოლო მიწოდება დიდი,"- ამის შესახებ გადაცემა "ბიზნესი რუსთავი 2-თან" სასტუმრო Golden Tulip Design Tbilisi-ის გენერალურმა მენეჯერმა, ელენე ოთარაშვილმა განაცხადა.მისი ინფორმაციით, Mice ტურიზმზე, იგივე საქმიან ტურიზმზე პანდემიამ ყველაზე დიდი გავლენა მოახდინა. პანდემიის შემდგომ პერიოდში კი, სხვა ქვეყნებთან შედარებით სექტორის აღდგენის პროცესი საქართველოში უფრო ნელა მიმდინარეობს."წინა წლებთან შედარებით, Mice ტურიზმის მიმართულებით ინფრასტრუქტურულად უკეთ ვართ მოწყობილი. მაგალითად, ქვეყანაში ახალი საერთაშორისო სასტუმროები გაიხსნა, ტექნიკურად უკეთ ვართ აღჭურვილი და სექტორის მიმართ  მეტი ცოდნაც დაგროვდა. შესაბამისად, სექტორის განვითარების კუთხით, საქართველოს დიდი პოტენციალი აქვს.აღსანიშნავია, რომ დიდი კორპორაციები საქართველოში ჩამოსვლისგან ჯერ კიდევ თავს იკავებენ, რადგან  მიიჩნევენ, რომ ჩვენს რეგიონში არასტაბილური მდგომარეობაა,"- აცხადებს ოთარაშვილი.რაც შეეხება ტექნოლოგიების როლს, სასტუმრო Golden Tulip Design Tbilisi-ის გენერალური მენეჯერი განმარტავს, რომ ტექნოლოგიური ინოვაციებს  Mice ტურიზმში დიდი მნიშვნელობა აქვს. ეს იქნება აუდიო-ვიზუალური აპარატურა თუ სხვა აღჭურვილობები.

1700037695

შვეიცარიის ტურიზმის დაჯილდოებაზე თბილისმა სპეციალური ჯილდო მიიღო, ნომინაციაში - "დანიშნულების ადგილი, რომელიც უნდა აღმოაჩინო", - ამის შესახებ თბილისის მერმა კახა კალაძემ დედაქალაქის მთავრობის სხდომაზე ისაუბრა.მისივე თქმით, მოპოვებული წარმატება ხელს შეუწყობს თბილისის უნიკალური ტურისტული პოტენციალის პოპულარიზაციას."ქალაქ ლუგანოში, შვეიცარიის ტურიზმის დაჯილდოებაზე (Swiss Tourism Awards), თბილისმა მიიღო სპეციალური ჯილდო ნომინაციაში - "დანიშნულების ადგილი, რომელიც უნდა აღმოაჩინო“. აღნიშნული დაჯილდოება ტურიზმისა და მასპინძლობის სფეროში ერთ-ერთი პრესტიჟული მოვლენაა, რომელიც ყოველწლიურად იმართება და მისი მიზანი იმ ქალაქებისა თუ მიმართულებების აღიარებაა, რომლებიც ხელს უწყობენ მდგრადი ტურიზმის განვითარებას და ინარჩუნებენ საკუთარ მატერიალურ თუ არამატერიალურ კულტურას.მოპოვებული ჯილდო კიდევ ერთხელ შეუწყობს ხელს თბილისის, როგორც ტურისტულად უსაფრთხო და მიმზიდველი ქალაქის პოზიციონირებასა და მისი უნიკალური პოტენციალის პოპულარიზაციას", - განაცხადა კახა კალაძემ.მისივე თქმით, გარდა ამისა, დიდი ბრიტანეთის ერთ-ერთი უმსხვილესი სამოგზაურო მედიაკომპანიის - "ვანდელასთის" (Wanderlust) მიერ გამართულ ცერემონიაზე თბილისი ნომინირებულ იქნა "ევროპის ყველაზე სასურველი ქალაქის" ჯილდოზე."მე, როგორც ამ ქალაქის მერს და ამ ქალაქში მცხოვრებს, ძალიან მიხარია ის ფაქტი, რომ თბილისი ასე წარმატებით ეცნობა მსოფლიოს. დარწმუნებული ვარ, ჩვენს ქალაქს ბევრი ადამიანი ესტუმრება. ვცდილობთ, ჩვენი ქალაქი იყოს კიდევ უფრო მოწესრიგებული, გამართული საზოგადოებრივი ტრანსპორტით", - განაცხადა კახაკალაძემ.

1700036817

საქართველოს ტურიზმის ეროვნული ადმინისტრაცია მსოფლიოში ერთ-ერთი ყველაზე რეიტინგული გამოცემის Forbes USA ჟურნალისტს რაჰიმ რაბიმოვს მასპინძლობს.პრესტურის ფარგლებში გამოცემის წარმომადგენელი საქართველოს ტურისტული პოტენციალის შესახებ ვრცელ სტატიას Artisanal Heritage of Georgia ამზადებს.ტურის ფარგლებში Forbes-ის ჟურნალისტმა თბილისის ისტორიული უბნები, ქუთაისი, საჩხერე, ხარაგაული, ბაღდათი მოინახულა, გაეცნო ტურისტულ ღირსშესანიშნაობებს. იმერეთში მოგზაურობის შემდეგ რაჰიმ რაბიმოვი აჭარას ეწვია, სადაც ბათუმი, გონიო, აჭარისწყალი და დანდალო მოინახულა. Forbes-ის ჟურნალისტი სტატიას საქართველოს ტურისტული ადგილების, ქართული კულტურის, კულინარიასა და ღვინის შესახებ ამზადებს.