1712561816

2024 წლის 28 მაისს, თბილისში გიორგი ტუხაშვილის სახელობის სტარაპ დაჯილდოება გაიმართება, გიორგის სახელის უკვდავსაყოფად და იმ სიკეთისთვის, რასაც გიორგი სამყაროს უკეთესობისკენ შეცვლისთვის აკეთებდა!გიორგი ტუხაშვილის დაღუპვის გამო, 2024 წელი საქართველოს სტარტაპ ეკოსისტემისთვის ტრაგიკულად დაიწყო. გიორგი  წარმატებული ქართული სტარტაპის - Kernel-ის თანადამფუძნებელი, სტარტაპ გრაინდის დირექტორი, კრისტალის ახალგაზრდა მეწარმეთა სკოლის პროგრამის ხელმძღვანელი იყო და, ზოგადად, ის გახლდათ ქართული სტარტაპ ეკოსისტემის მშენებელი. მისი დაკარგვა განუზომლად დიდი დანაკლისია ოჯახისთვის, მეგობრებისთვის და მთელი საქართველოსთვის.ყოველივე ამის ფონზე, გიორგის მეგობრებს დღეს გაორმაგებული პასუხისმგებლობა ეკისრებათ, რათა გაგრძელდეს იმ დიდი მიზნებისთვის ბრძოლა, რისთვისაც გიორგი იბრძოდა. მათ სჯერათ, რომ ძალისხმევა არ უნდა დაიშურონ მისი მაგალითის მომავალი თაობებისთვის გასაცნობად. ასევე, მიიჩნევენ, რომ მათივე ზრუნვის საგანია გიორგის მიერ დაწყებული სტარტაპ ეკოსისტემასთან დაკავშირებული საქმეების ბოლომდე მიყვანა და, ამავდროულად, გიორგის ოჯახის მხარდაჭერა.ვინ იყო გიორგი ტუხაშვილი?გიორგი მყარი ღირებულებების მატარებელი, განსაკუთრებულად პოზიტიური და ენერგიული ადამიანი იყო, რომელმაც მრავალი ადამიანის სიყვარული დაიმსახურა. ის იყო თვითგანვითარებაზე ორიენტირებული ადამიანი, რომელიც მუდმივად ცდილობდა საკუთარი პოტენციალის მაქსიმუმისთვის მიეღწია. გიორგი, როგორც  სტაპრტაპ საზოგადოების აზრის ლიდერი, იყო უანგარო სიკეთისმყოფელი, მხარეთა დამაკავშირებელი, შრომისმოყვარე და თავმდაბალი პიროვნება. ამას გარდა, ის იყო ოთხი შვილის მამა, ერთგული მეუღე, ათლეტი, ჯანსაღი ცხოვრების წესის მაგალითის მიმცემი და პროგრესული ქრისტიანი. გიორგის მეგობრებს სურთ, მისი ღირებულებების წინ წამოწევით, გააგრძელონ და განავითარონ  მის მიერ დატოვებული  მემკვიდრეობა. ამ მიზნით, ისინი აანონსებენ გიორგის ტუხაშვილის სახელობის სტარტაპ დაჯილდოების დაწყებას. რას გულისხმობს გიორგი ტუხაშვილის სახელობის სტარტაპ დაჯილდოება?წელს, დაჯილდოებას ექნება 8 ნომინაცია, რომელიც ღია იქნება ყველასთვის როგორც საკუთარი თავის, ასევე, სხვების ნომინირებისთვის. ნომინაციებში წარმოდგენილი იქნება კატეგორიები, რომელიც წარმოაჩენს გიორგის ღირებულებებს და იმას, თუ რისთვის იბრძოდა ის. დეტალური ინფორმაცია ნომინაციების შესახებ მალე გახდება ცნობილი და ხელმისაწვდომი იქნება აპლიკაციის განაცხადში. იქნება როგორც ინდივიდუალური, ასევე ორგანიზაციებისთვის განკუთვნილი ნომინაციები. შემოსული განაცხადების საფუძველზე, ნომინაციის გამარჯვებულებს გამოავლენს ჟიური.დაჯილდოების მიზანი იქნება: გაზიარებული ღირებულებების პოპულარიზაცია: ვაღიაროთ ინდივიდები და სტარტაპები, რომლებიც განასახიერებენ ისეთ  ღირებულებებს, როგორიცაა სიკეთე, ლიდერობა, ინოვაცია და სოციალური პასუხისმგებლობა. Ყოველივე ამით, შთავაგონოთ მომავალი თაობები, გააგრძელონ ღირებულებებზე დაფუძნებული საქმიანობა. ტექნოლოგიური მეწარმეობის წახალისება: დაჯილდოება წარმატებულ ტექნოლოგიურ სტარტაპებს წარმოაჩენს, რაც ხელს შეუწყობს და წაახალისებს მათ შემდგომ ზრდას და განვითარებას. სტარტაპ საზოგადოების გაერთიანება: ჯილდოები მიზნად დაისახავს ისეთი ადამიანების წარმოჩენას, რომელთა საქმიანობაც საჭირო ადამიანების ერთმანეთთან დაკავშირებას და ურთიერთთანამშრომლობას გულისხმობს, ჩვენს ენერგიულ სამეწარმეო საზოგადოებაში. კრიტიკული დანაკლისის შევსება ეკოსისტემაში: საქართველოს სტარტაპ ეკოსისტემას ჰყავს არაჩვეულებრივი ადამიანები, რომელთა საქმიანობაც აღნიშვნის ღირსია. ჩვენ დავაგვიანეთ გიორგის აღიარება, მაგრამ გვსურს არ დავაგვიანოთ სხვა შემთხვევებში. გვჯერა, ყველა სიკეთის მკეთებელი იმსახურებს აღიარებას და მადლიერებას საზოგადოებისგან!  დაჯილდოება დაკავშირებული იქნება მნიშვნელოვან პრიზებთან, როგორიცაა: სამოგზაურო გრანტი საერთაშორისო სტარტაპ ღონისძიებაში მონაწილეობისთვის, გრძელვადიანი მენტორინგი, სასწავლო სტიპენდია სამეწარმეო ან ტექნიკური კურსის გასავლელად და სხვა.როგორ შეგიძლიათ ჩაერთოთ?მეგობრების ღრმა რწმენით, ამ ინიციატივის წარმატება დამოკიდებულია საზოგადოების მხარდაჭერაზე, რადგან ეს არის მოხალისეობრივი ინიციატივა. ჯილდოს ორგანიზატორები მოუწოდენენ ორგანიზაციებს, ჩაერთონ და დაუჭირონ მხარი, რათა დაჯილდოვებამ ყოველწლიური ხასიათი მიიღოს.  გიორგის მეგობრების ღრმა რწმენით, ერთობლივი თანამშრომლობით, ჩვენ შეგვიძლია, უზრუნველვყოთ გიორგის მემკვიდრეობის გააგრძელება საქართველოს სტარტაპ ეკოსისტემის მშენებლობისთვის. ეს დაჯილდოება იქნება მუდმივი შეხსენება მომავალი თაობებისთვის, რომ ჩვენ ყველას გვაქვს ძალა, შევცვალოთ სამყარო უკეთესობისკენ. 

1712290680

"სტარტაპ საქართველო" ინოვაციური პროექტების დაფინანსებას აახლებს - პროექტის მაქსიმალური ბიუჯეტი 100 000 ლარია და განაცხადების მიღება უკვე დაიწყო, - ამის შესახებ "სტარტაპ საქართველოს" დირექტორმა გიორგი ლომიძემ გადაცემა "ბიზნესპარტნიორში" განაცხადა.მისივე ინფორმაციით, აღნიშნული პროექტის მიმართ სტარტაპერების მხრიდან დაინტერესება საკმაოდ მაღალია. "ჩვენი პრიორიტეტია, რომ ისეთ დამწყებ ბიზნესებს შევუწყოთ ხელი, რომელიც ექსპორტის პოტენციალს გააჩენს ქვეყანაში და იმპორტის ჩანაცვლების შესაძლებლობაზე იმუშავებენ და ბაზრის ჩავარდნას აღმოფხვრიან კონკრეტული რეგიონის მასშტაბით. გარდა ამისა, ხელს შევუწყობთ ბიზნესებს, რომლებიც თვისობრივად ახალ გადაწყვეტებს სთავაზობენ პრობლემის ტექნოლოგიების კუთხით და გარემოს დაცვითაც - თუ რამე ისეთი ინოვაციური მასშტაბით, ან მსოფლიოში კარგად მუშაობს, მისი დუბლირება ჩვენთვის ძალიან საინტერესო იქნება. ჩვენ ვაფინანსებთ ბიზნეს იდეის ბიუჯეტის 90%-ს და სტარტაპერს მოეთხოვება მხოლოდ თანამონაწილეობის 10%-ის მოტანა. ისინი კომპანიაში იქნებიან წილის მაჟორიტარი მფლობელები. ჩვენ არ გვაქვს ინტერესი, რომ კომპანიაში წილს დავეუფლოთ და ჩვენ ამ წილსაც ვთმობთ კონკრეტული გამოსყიდვის ვადის გასვლის მერე და 100%-იან მფლობელობაში ვაბრუნებთ სტარტაპერთან.  ჩვენი ზედა და ქვედა ზღვარი არის 15 000-დან 100 000 ლარამდე", - განაცხადა გიორგი ლომიძემ. 

1711646580

საქართველოს ინოვაციების და ტექნოლოგიების სააგენტოს საგრანტო პროგრამის  „25 000 ლარამდე ინოვაციების გრანტები რეგიონებისთვის“ გამარჯვებულები გურიის რეგიონში გამოვლინდნენ.კერძოდ, ArtOa.io - ინოვაციური პლატფორმა, რომელიც შეუფერხებლად აკავშირებს კედლის მხატვრებსა და მომხმარებლებს. უნიკალური AI/AR Order Generator ტექნოლოგია მომხმარებელს მისცემს საშუალებას, შექმნას კედლის იდეალური არტი წუთებში, რაც მნიშვნელოვნად ამცირებს დროსა და ძალისხმევას, რომელიც საჭიროა არტ-ინსტალაციის პროცესში. (ოზურგეთი); Tailor.ge - პროექტის მიზანია Software პლატფორმის შექმნა სამკერვალოებისთვის, ვებ გვერდზე შეთავაზებული სხვადასხვა თარგისგან სასურველი ესკიზის შესაქმნელად. (ოზურგეთი); Rize.ge - პროექტის ფარგლებში შეიქმნება პირველი ქართული ციფრული დონაციის პლატფორმა იუთუბერებისთვის, ინფლუენსერებისა თუ საჯარო ფიგურებისთვის, რომლებსაც სურთ crowdfunding - ის დახმარებით განავითარონ კონტენტი (ლანჩხუთ).რეგიონალური საგრანტო პროგრამის მიზანია, ხელი შეუწყოს საქართველოს რეგიონებში ადგილობრივი ინოვაციური და ტექნოლოგიური ეკოსისტემის გაძლიერებას; ინოვაციური პროდუქტების, მომსახურების, ტექნოლოგიებისა და პროცესების შემუშავება - ათვისებისა და კომერციალიზაციის გზით ინოვაციური და ტექნოლოგიური სტარტაპების შექმნას.საგრანტო პროგრამის ფარგლებში, 2023 წელს საქართველოს ყველა რეგიონიდან უკვე გამოვლინდა 41 გამარჯვებული. მათ შესახებ ინფორმაცია შეგიძლიათ იხილოთ gita.gov.ge-ზე. აჭარას, გურიასა და იმერეთში რეგისტრირებულ ფიზიკურ და იურიდიულ პირებს კი 29 იანვრიდან შესაძლებლობა ჰქონდათ, ელექტრონული პორტალის www.grants.gov.ge  მეშვეობით წარედგინათ განაცხადები.შერჩეულმა სტარტაპებმა გაიარეს ტრენინგები, რომელიც მოიცავდა ბაზრის კვლევას, ბაზარზე გასვლის სტრატეგიას, მასშტაბირებასა და ე.წ. „ფიჩინგს“.ტრენინგების გავლის შემდეგ, სტარტაპებმა პროექტები წარადგინეს კომისიის წინაშე, რომელიც დაკომპლექტებული იყო შესაბამისი პროფილის მოწვეული ექსპერტებით.საგრანტო თანხის მოცულობა არ უნდა აღემატებოდეს 25 000 ლარს.გრანტის მიღება შეუძლია სამიზნე რეგიონებში რეგისტრირებულ ან/და მოქმედ ფიზიკურ პირებს, მეწარმე სუბიექტებს და სტარტაპებს. არარეგისტრირებულმა პირმა, კონკურსის წარმატებით გავლის შემთხვევაში, საგრანტო ხელშეკრულების გაფორმებამდე სავალდებულოა მეწარმე სუბიექტის რეგისტრაცია მოახდინოს შესაბამის რეგიონში.

1711615177

კომუნიკაციების კომისიის მედიალაბში, იმ სტარტაპერებისთვის, რომელთაც უკვე მოიპოვეს GITA-ს 150 ათასიანი გრანტი, სემინარი „რა ხდება დაფინანსების შემდეგ?” ჩატარდა. შეხვედრას ანტრეპრენერი და ტექნიკური კომერციალიზაციის ექსპერტი, დავით ჩეჩელაშვილი გაუძღვა, რომელმაც მონაწილეებს სტარტაპის მართვისა და განვითარების მიმართულებით, საკუთარი გამოცდილება გაუზიარა.შეხვედრის ფარგლებში, მონაწილეები გაეცნენ იმ დაბრკოლებების გადაჭრის გზებს, რომლებსაც სტარტაპერები დაფინანსების მოპოვების შემდეგაც ხვდებიან, კერძოდ: როგორ გადაწყვიტონ რა უნდა იყოს შემდეგი ეტაპი, ასევე, როგორ გააგრძელონ პროდუქტის განვითარება, მომხმარებელთან დაახლოება და რა გზებით მოიძიონ შემდგომი დაფინანსება. გარდა ამისა, მონაწილეებს შესაძლებლობა ჰქონდათ თავიანთი სტარტაპების მაგალითები განეხილათ და ტრენერისთვის შესაბამისი შეკითხვები დაესვათ.შეგახსენებთ, რომ სტარტაპერების ხელშეწყობის მიზნით, მედიალაბი უკვე მეხუთე წელია მნიშვნელოვან ლექციებსა და სემინარებს სრულიად უფასოდ ატარებს.

1711557360

საქართველოს ინოვაციების და ტექნოლოგიების სააგენტოს საგრანტო პროგრამის  „25 000 ლარამდე ინოვაციების გრანტები რეგიონებისთვის“ გამარჯვებულები იმერეთის რეგიონში გამოვლინდნენ. დამსი ბლოკი - პროექტის მიზანია ინოვაციური ტექნოლოგიით გადამუშავებული პლასტმასის და მინის ნარჩენებისგან კონსტრუქციებისა და ტექნოლოგიების წარმოება. Svansky - სახეხბურთო ტექნიკური ინოვაცია, რომლის მიზანია დედამიწაზე დასრულდეს ორგანზომილებიანი ფეხბურთის 150წლიანი ხანა და დ დაიწყოს ფეხბურთის ახალი, სამგანზომილებიანი  ერა ახალი ტაქტიკითა და სტრატეგიით. Arex - გაძლიერებული რეალობის ტექნოლოგიის აპლიკაცია უძრავი ქონების დეველოპერი კომპანიებისთვის ნეთმარკი - გეოლოკაციაზე დაფუძნებული სოციალური ქსელი, რომელიც მომხმარებელს აძლევს შესაძლებლობას დატოვოს თავისი ციფრული კვალი, და აღნიშნოს საკუთარი უნიკალური ისტორიები AR სამყაროში. EstReal -  უძრავი ქონების ანალიტიკური სერვისის შექმნა, რომელიც დეველოპერებს დაეხმარება გაიგონ, რა არის ყველაზე ოპტიმალური სახლი ასაშენებლად, სად ააშენონ და რა ფასად გაყიდონ. ხოლო ბროკერებს და ინვესტორებს კი დაეხმარება იპოვნონ შესაბამისი უძრავი ქონება. Back to the Collis – 2D სათავგადასავლო ვიდეო თამაში უნიკალური ხელით ნახატი ატმოსფეროთი, მდიდარი სიუჟეტითა და ლოგიკური თავსატეხებით.რეგიონალური საგრანტო პროგრამის მიზანია, ხელი შეუწყოს საქართველოს რეგიონებში ადგილობრივი ინოვაციური და ტექნოლოგიური ეკოსისტემის გაძლიერებას; ინოვაციური პროდუქტების, მომსახურების, ტექნოლოგიებისა და პროცესების შემუშავება - ათვისებისა და კომერციალიზაციის გზით ინოვაციური და ტექნოლოგიური სტარტაპების შექმნას.საგრანტო პროგრამის ფარგლებში, 2023 წელს საქართველოს ყველა რეგიონიდან უკვე გამოვლინდა 41 გამარჯვებული. მათ შესახებ ინფორმაცია შეგიძლიათ იხილოთ gita.gov.ge-ზე. აჭარას, გურიასა და იმერეთში რეგისტრირებულ ფიზიკურ და იურიდიულ პირებს კი 29 იანვრიდან შესაძლებლობა ჰქონდათ, ელექტრონული პორტალის www.grants.gov.ge  მეშვეობით წარედგინათ განაცხადები.შერჩეულმა სტარტაპებმა გაიარეს ტრენინგები, რომელიც მოიცავდა ბაზრის კვლევას, ბაზარზე გასვლის სტრატეგიას, მასშტაბირებასა და ე.წ. „ფიჩინგს“.ტრენინგების გავლის შემდეგ, სტარტაპებმა პროექტები წარადგინეს კომისიის წინაშე, რომელიც დაკომპლექტებული იყო შესაბამისი პროფილის მოწვეული ექსპერტებით.საგრანტო თანხის მოცულობა არ უნდა აღემატებოდეს 25 000 ლარს.გრანტის მიღება შეუძლია სამიზნე რეგიონებში რეგისტრირებულ ან/და მოქმედ ფიზიკურ პირებს, მეწარმე სუბიექტებს და სტარტაპებს. არარეგისტრირებულმა პირმა, კონკურსის წარმატებით გავლის შემთხვევაში, საგრანტო ხელშეკრულების გაფორმებამდე სავალდებულოა მეწარმე სუბიექტის რეგისტრაცია მოახდინოს შესაბამის რეგიონში.  

1711536649

28 მარტს სტარტაპ Arrival-ის ორგანიზებით, მეტავერსში - კერძოდ დეცენტრალენდში კიდევ ერთი ვირტუალური ღონისძიება -  Global Matchup გაიმართება. ღონისძიების მიზანია იმერსიულ სამყაროში შეკრიბოს ტექ ენთუზიასტები, შექმნას საუკეთესო მეტავერს ღონისძიების გამოცდილება, ააშენოს ერთგვარი ხიდები ინვესტორებსა და ანტრეპრენერებს შორის, გააჩინოს სტარტაპების ახალ ბაზრებზე გასვლის შესაძლებლობა და ხელი შეუწყოს ეკოსისტემის გაძლიერებას.ღონისძიებას სულ 200-მდე ადამიანი დაესწრება. მათ შორის ტექნოლოგიით დაინტერესებული პირები, ანტრეპრენერები, ინვესტორები და სტარტაპ საზოგადოების წარმომადგენლები მსოფლიოს 25 ქვეყნიდან.ღონისძიებაზე ინვესტორებს თავიანთ პროექტებს გააცნობენ შემდეგი სტარტაპები:- Formahealthy - AI and Health 🇬🇪- Helio-ai - AI and HR 🇬🇪- AgorApp - Web3 🇬🇧- 3vo - WEb3 🇵🇦ხოლო სპიკერების ადგილს დაიკავებენ:- Israel Pons, President of VC and Angel Investment 🇲🇽 🇬🇧- Mariam Sharangia, Project Manager at Meta 🇬🇪 🇬🇧- Marcel Dridje, Startup Ecosystem Advisor 🇶🇦 🇫🇷გარდა მოწვეული სტუმრებისა, ღონისძიებაზე დასწრების საშუალება აქვს რეგისტრაცია გავლილ ტექ ენთუზიასტების შეზღუდულ რაოდენობას. ღონისძიებაზე დასასწრებად დარეგისტრირდით აქ 👈Arrival პირველი სტარტაპია საქართველოში, რომელმაც მეტავერსში ივენთი ჩაატარა. ამჟამად ის მუშაობს პროდუქტზე, რომელიც ხელოვნური ინტელექტის დახმარებით, რამდენიმე წამში დააგენერირებს 3დ ვირტუალურ მოდელებსა და სივრცეებს. ასევე სტარტაპი აგრძელებს ღონისძიებების მოწყობას იმერსიულ სამყაროში და წვლილი შეაქვს სფეროსადმი ცნობიერების ამაღლებაში, იკვლევს მომხმარებლის საჭიროებებს და ხელს უწყობს საქართველოში სტარტაპ ეკოსისიტემის გაძლიერებას.

1711284762

ტექნოპარკში Hardware StartUP ინკუბატორი 2.0 - Demo დღე გაიმართა, სადაც პროექტის თვრამეტმა ფინალისტმა საკუთარი იდეა და პროტოტიპი ჟიურის წინაშე წარადგინა. გამარჯვებულმა გუნდებმა პროტოტიპის გასავითარებლად GITA - ს დაფინანსება მოიპოვეს:• პირველ ადგილზე გასულმა გუნდმა - FSTF 15 000 ლარიანი დაფინანსება მიიღო. სტარტაპი მუშაობს მოწყობილობაზე, რომელიც ტექსტს ბრაილის შრიფტად თარგმნის (თბილისი) • მეორე ადგილზე გასულმა გუნდმა  - Beetkar 10 000 ლარი მოიპოვა. -სტარტაპმა შეიმუშავა ფუტკრის დაავადებათა აღმომჩენი თანამედროვე ტექნოლოგია (ახმეტა)• მესამე ადგილზე გასული გუნდი - მუხტე კი 5000 ლარის მფლობელი გახდა. სტარტაპმა შექმნა მოწყობილობა, რომელიც ელექტრული მუხტით მცენარეს იცავს მავნე მწერებისგან და ამავდროულად აჯანსაღებს მას. (გურჯაანი)Hardware StartUP ინკუბატორი 2.0 2023 წლის ნოემბერში, მთელი საქართველოს მასშტაბით, ყველა ტექნოპარკში დაიწყო და  5 თვის განმავლობაში მიმდინარეობდა, პროექტის მონაწილეებმა შეისწავლეს  ელექტრონული პროექტების შექმნა Arduino-სა და Raspberry Pi- ის პლატფორმების მეშვეობით, გაიარეს საწარმოო (industrial) დიზაინის ძირითადი პრინციპები და ბიზნეს ტრენინგები, მიღებული ცოდნით კი შექმნეს საკუთარი იდეის პროტოტიპები. პროექტის განმახორციელებელია TBILISI SCHOOL OF COMMUNICATION Hardware Startup Incubator 2.0 საქართველოში ყველაზე მასშტაბური ტექნოლოგიური პროექტია, რომელიც მიზნად ისახავს ქვეყანაში ტექნოლოგიური სტარტაპ იდეის მქონე ადამიანებს საწყის ეტაპზევე შეუწყოს ხელი ბიზნეს მოდელის ფორმირებასა და  პროდუქტის პროტოტიპირებაში.ღონისძიებაზე ასევე გაიმართა გამოფენა, სადაც  დაინტერესებულ პირებს  შესაძლებლობა ჰქონდათ, გაცნობოდნენ თითოეულ სტარტაპს, მათ იდეებსა და პროტოტიპებს.

1711020600

მწვანე კონცეფციის USB კაბელის მწარმოებელი კომპანიის ‘’ტენეს“ დამფუძნებელი სანდრო ლილუაშვილი ‘’ბიზნესპარტნიორთან“ აცხადებს, რომ ინოვაციური სტარტაპებისთვის დაწესებული შეღავათის ყველაზე დიდი ბენეფიტი კომპანიისთვის ბაზარზე კონკურენტული უპირატესობის მიღწევა იქნება.ლილუაშვილის შეფასებით, გადასახადის გაუქმება  სახელმწიფოს მხრიდან ყველაზე დიდი მხარდაჭერაა, რასაც კომპანია წარმოების გაფართოებასა და კომპანიის განვითარებისთვის გამოიყენებს.,,ტენე“  USB კაბელის დასამზადებლად მეორადი პლასტმასის ბოთლების სახურავებს იყენებს, შესაბამისად, კომპანიის მიზანი გარემოს დაცვა და ენერგიის დაზოგვაა.‘’წარმოდგენაც შეუძლებელია, იმდენად დიდი შეღავათია დამწყები ბიზნესისთვის გადასახადების განულება.  ჩვენს შემთხვევაში, ეს იქნება მისწრება, რადგან არათანაბარი კონკურენციის პირობებში გვიწევს მუშაობა და ამის გამო რეალურად დიდი პრობლემას განვიცდით. კერძოდ,  USB კაბელის ადგილობრივი ბაზარი თითქმის მთლიანად ჩინურ კომპანიებს აქვთ დაპყრობილი და ვერ შევდივართ მათთან კონკურენციაში. თუკი გადასახადები გაგვიუქმდება და გამოთავისუფლებულ რესურსს წარმოებაში ჩავდებთ, გვექნება შესაძლებლობა, რომ ბაზრის გარკვეული წილი წავართვათ ჩინელ მწარმოებლებს, კონკრეტულად რამდენი, ვერ გეტყვით, თუმცა პოზიციებს მკვეთრად გავაუმჯობესებთ.  კონკურენციის პრობლემა თუ ვერ მოგვარდება, ვერაფერს გავხდებით. ამისთვის კი სახელმწიფოს მხარდაჭერა მნიშვნელოვანია“, - აცხადებს სანდრო ლილუაშვილი.მისი ინფორმაციით, საგადასახადო ხარჯი გამოშვებული პროდუქციის თვითღირებულების დაახლოებით 25%-ს შეადგენს.როგორც ‘’ტენეს“ დამფუძნებელი აღნიშნავს, კომპანია შესაძლებლობის ფარგლებში  ისარგებლებს ასევე სრულმასშტაბიანი ინკუბაციის პროექტით, რომლის განხორციელებასაც საქართველოს ინოვაციებისა და ტექნოლოგიების სააგენტო გეგმავს.ცნობილია, რომ საქართველოში განისაზღვრება ინოვაციური სტარტაპის სტატუსი და ამ სტატუსის მქონე კომპანიებს 3 წლის განმავლობაში ყველა გადასახადი გაუნულდება. ამის შესახებ საქართველოს პრემიერ-მინისტრმა ირაკლი კობახიძემ ინოვაციების და ტექნოლოგიების სააგენტოს 10 წლის იუბილესთან დაკავშირებით გამართულ ღონისძიებაზე სიტყვით გამოსვლისას განაცხადა.პრემიერმა დაასახელა სამი ინოვაციური მიმართულება, რომელიც ინოვაციური სტარტაპის სტატუსს მიიღებს: ხელოვნური ინტელექტი, ფაგიო და აგროტექნოლოგიები.ამასთან, საქართველოს ინოვაციებისა და ტექნოლოგიების სააგენტო ყოველწლიურად 160 სტარტაპს მისცემს შესაძლებლობას, რომ საქართველოში მაღალი დონის ინკუბაცია გაიაროს.შესაბამისად, როგორც სააგენტოს ხელმძღვანელმა ავთანდილ კასრაძემ განმარტა, განხორციელდება სრულმასშტაბიანი ინკუბაციის პროექტი, რომელიც მოიცავს სტარტაპების ინკუბაციის 12 თვიან პროგრამას 3 ეტაპად: Founder Market Fit, MVP და Market Entry.

1710943200

სოფლის მეურნეობის ეკოლოგიურად სუფთა პროდუქტის მწარმოებელი კომპანია "ფარმლაბის"  (ყოფილი "ჯი ეს ეი ტექნოლოგიები")  თანადამფუძნებელი ონისე ზივზივაძე ‘’ბიზნესპარტნიორთან“ ინოვაციური სტარტაპისთვის საგადასახადო  შეღავათის  დაწესების გადაწყვეტილებას აფასებს. მისი განცხადებით,  ხარჯის დაახლოებით 30%-ის ოპტიმიზაციის შესაძლებლობა ეძლევა.ამ რესურსის  გამოყენებას სტარტაპერი ტექნოლოგიების განვითარებაში გეგმავს.ზივზივაძის ინფორმაციით, ჩვენს კომპანიას დაახლოებით 1-2 წელი დასჭირდება, რომ სტარტაპიდან მსხვილი ბიზნესის კატეგორიაში გადავიდეს. ამისთვის მთავარი პირობაა გლობალურ ბაზრებზე გასვლა და წლიური საბრუნავი კაპიტალის მინიმუმ ნახევარ მილიონ ლარამდე გაზრდა, რის პოტენციალიც კომპანიას რეალურად გააჩნია.''აეროპონიკა“ სოფლის მეურნეობის ეკოლოგიურად სუფთა პროდუქტის მწარმოებელი კომპანიაა, რომელმაც საქართველოში დანერგა სოფლის მეურნეობის 100%-ით ეკოლოგიურად სუფთა პროდუქტის მწარმოებელი თანამედროვე სასათბურე მეურნეობა. კომპანია  პირველია ქვეყანაში, რომელსაც ერთწლოვან კულტურებთან ერთად მრავალწლოვანი კულტურებიც მოჰყავს.ონისე ზივზივაძე სახელმწიფოს მხრიდან მხარდაჭერის აუცილებლობას  გლობალურ გამოფენებზე ხელმისაწვდომობის კუთხითაც განიხილავს და აცხადებს, რომ მსგავსი დახმარება კომპანიების განვითარებისთვის მნიშვნელოვანია.‘’სახელმწიფოს მხრიდან მხარდაჭერა ყოველთვის იგრძნობოდა, თავის დროზე დიდი დახმარება გაგვიწიეს და იდეის რეალიზება სწორედ საჯარო სექტორთან მყარი თანამშრომლობის საფუძველზე მოვახერხეთ. საგადასახადო კუთხით შეღავათი კი უდიდესი შესაძლებლობაა, რაც ტექნოლოგიების დახვეწაში დაგვეხმარება. ელექტრო და მიკროჩიპების ინჟინერია საქართველოში ფაქტობრივად არ არის განვითარებული, ამიტომ ჩვენთვის საერთაშორისო გამოცდილების გაზიარება განსაკუთრებით მნიშვნელოვანია, იგივე ტექნოლოგიებზე წვდომის გამარტივება, რისთვისაც გლობალურ გამოფენებში მონაწილეობა აუცილებელია. ველოდებით, რომ სამომავლოდ სახელმწიფოს მხრიდან ეს იდეაც იქნება მხარდაჭერილი, რაც გლობალურ ბაზრებზე წვდომას გაგვიმარტივებს“, - აცხადებს ონისე ზივზივაძე.მისი ინფორმაციით, გლობალურ გამოფენებში მონაწილეობის თვალსაზრისით ერთ-ერთი საინტერესო ბაზარია ჩინეთი, სადაც ტექნოლოგიები მაღალ დონეზეა განვითარებული.ცნობისთვის, "ფარმლაბი" ქართული კომპანიაა, რომლის მისიაა მოახდინოს თანამედროვე ტექნოლოგიების დანერგვა საქართველოს ბაზარზე. "ფარმლაბის"  სტარტაპი ''აეროპონიკა" საქართველოს ინოვაციების და ტექნოლოგიების სააგენტოს 100 000 ლარიანი გრანტის მფლობელი 2021 წელს გახდა. მეორე პროექტის  ''G3D პრინტერის'' განხორციელებისას  კი კომპანიამ ადგილობრივი ინვესტორებისგან 200 000 ლარის გრანტი მოიზიდა.რაც შეეხება სახელმწიფოს მხარდაჭერას, ცნობილია, რომ საქართველოში განისაზღვრება ინოვაციური სტარტაპის სტატუსი და ამ სტატუსის მქონე კომპანიებს 3 წლის განმავლობაში ყველა გადასახადი გაუნულდება. ამის შესახებ საქართველოს პრემიერ-მინისტრმა ირაკლი კობახიძემ ინოვაციების და ტექნოლოგიების სააგენტოს 10 წლის იუბილესთან დაკავშირებით გამართულ ღონისძიებაზე სიტყვით გამოსვლისას განაცხადა.პრემიერმა დაასახელა სამი ინოვაციური მიმართულება, რომელიც ინოვაციური სტარტაპის სტატუსს მიიღებს: ხელოვნური ინტელექტი, ფაგიო და აგროტექნოლოგიები. მთავრობის მეთაურის თქმით, შესაბამისი კანონპროექტი უახლოეს მომავალში საქართველოს მთავრობის მიერ დაინიცირდება.