1713265875

კომუნიკაციების კომისიის დაკვეთით ჩატარებული მობილური კომუნიკაციების ბაზრის კომპლექსური კვლევის შედეგად, ევროკავშირის ექსპერტებმა დაადგინეს, რომ მობილური კომუნიკაციების ქართული ბაზარი არაკონკურენტულია და ეს გარემოება წინასწარი რეგულირების გარეშე, სულ მცირე მომდევნო სამი წელი არ შეიცვლება, რითიც მომხმარებლები დაზარალდებიან. ბაზრის შესწავლის შედეგად, ექსპერტებმა „მაგთიკომი“ მნიშვნელოვანი საბაზრო ძალაუფლების მქონე ოპერატორად მიიჩნიეს და მისთვის სპეციფიკური ვალდებულებები განსაზღვრეს. ComCom-მა დღეს კომპლექსური კვლევის შედეგები და გადაწყვეტილების პროექტი საჯარო განხილვებისთვის გამოაქვეყნა. იმ შემთხვევაში, თუ განხილვების შემდეგ კომისიის წევრები საბოლოო გადაწყვეტილებაში ევროკავშირის ექსპერტების დასკვნას გაიზიარებენ, „მაგთიკომი“ მნიშვნელოვანი ძალის ოპერატორად გამოცხადდება და შესაბამისი ვალდებულებები დაეკისრება.კომპლექსური კვლევის ფარგლებში, ევროკომისიის ბაზრის ანალიზის სახელმძღვანელო პრინციპების შესაბამისად, თავდაპირველად შესწავლილი იქნა მობილური მომსახურებების საცალო ბაზარი.  კონკურენციის იდენტიფიცირებული პრობლემების შემდგომ, საჭირო გახდა შესაბამისი საბითუმო ბაზრების დადგენა და აღნიშნულ ბაზრებზე სამი კრიტერიუმის ტესტის ჩატარება პოტენციურად წინასწარ რეგულირებას დაქვემდებარებადი საბითუმო ბაზრების გამოვლენის მიზნით. შესწავლილი გარემოებების შედეგად ექსპერტებმა დაასკვნეს, რომ მობილური მომსახურებების საცალო და მობილური დაშვების საბითუმო ბაზარი საქართველოში დაბალი დინამიურობით, ინოვაციების სიმწირითა და ასევე პროგრესის დეფიციტით ხასიათდება და ხაზი გაუსვეს, რომ წინასწარი (ex-ante) რეგულირების არ არსებობის პირობებში, ეს მოცემულობა არ შეიცვლება. აქედან გამომდინარე, პოტენციურად რეგულირებას დაქვემდებარებად საბითუმო ბაზარზე ჩატარდა დამატებით სიღრმისეული კვლევა, რომლის შედეგადაც, ევროკავშირის ექსპერტებმა მნიშვნელოვანი საბაზრო ძალაუფლების მქონე ოპერატორი გამოავლინეს და მისთვის სპეციფიკური ვალდებულებები განსაზღვრეს, რაც, მათი მტკიცებით, მობილური მომსახურებების ბაზარზე არსებულ არაკონკურენტულ მდგომარეობას გააუმჯობესებს და მომხმარებლებისთვის მრავალფეროვან არჩევანს და ხელმისაწვდომ პირობებს შექმნის.კომპლექსურ კვლევაზე დაწყებული საჯარო ადმინისტრაციული წარმოების ფარგლებში კომუნიკაციების კომისია ბაზრის ანალიზის შედეგებს 6 ივნისის, საჯარო სხდომაზე განიხილავს, ხოლო 17 მაისამდე დაინტერესებულ მხარეებს კომპლექსური კვლევის შედეგებთან დაკავშირებით, უკუკავშირის წარმოდგენა შეეძლებათ. გარდა ამისა, ორი წლის განმავლობაში, კომისიის მხრიდან კვლევის ყველა ეტაპზე უზრუნველყოფილი იყო საქართველოში არსებული ტელეკომ ოპერატორების ჩართულობა. შეგახსენებთ, რომ 2022 წელს, კომუნიკაციების კომისიამ, ევროკავშირის დაფინანსებითა და ევროკავშირსა და საქართველოს შორის ასოცირების შესახებ შეთანხმების განხორციელების დახმარების („AA Facility II“) ფარგლებში, ევროკავშირის ექსპერტებთან ერთად, დაიწყო მუშაობა საქართველოს სატელეკომუნიკაციო ბაზრის კომპლექსური კვლევის პროექტზე, რომელიც საქართველოს სატელეკომუნიკაციო ბაზარზე კონკურენციის გაუმჯობესებას, ასევე მომხმარებლებისთვის მრავალფეროვანი, ხარისხიანი თუ ხელმისაწვდომი მომსახურებების უზრუნველყოფასა და ასოცირების შეთანხმებით ნაკისრი ვალდებულებების მიხედვით, საქართველოს მარეგულირებელი ჩარჩოს ევროპულთან დაახლოებას ემსახურება. კომპლექსური კვლევა ორი წლის განმალობაში მიმდინარეობდა, ამ მასშტაბის კვლევა კი, აქამდე ქართულ ტელეკომ ბაზარზე არ ჩატარებულა. ევროკავშირის ექსპერტების მიერ ჩატარებულ კვლევას ასევე რევიზია TAIEX-ის (ევროკავშირის ტექნიკური დახმარებისა და  ინფორმაციის გაცვლის ინსტრუმენტი) ექსპერტებმა გაუწიეს. 

1713179655

როდესაც საქმე სმარტფონებს ეხება, ქართველ მომხმარებლებს შორის ყველაზე პოპულარული ბრენდების ხუთეულს Huawei და Xiaomi ავსებენ. პირველ ადგილზე კი, Rakuten Viber-ის მონაცემების მიხედვით, iPhone 11-ია.საქართველო, 15 აპრილი, 2024: Rakuten Viber, საქართველოში ერთ-ერთი ყველაზე პოპულარული მესენჯერი, ქართველი მომხმარებლების ფავორიტ სმარტფონებს - ბრენდებსა და მოდელებს გვიზიარებს.აღსანიშნავია, რომ ქართველების უმეტესობა, უპირატესობას ანდროიდ სმარტფონებს ანიჭებს - 2024 წელს, ანდროიდის სისტემის მომხმარებელთა მაჩვენებელი 65%-ს შეადგენს. თუმცა მზარდია iOS-ის მომხმარებელთა რიცხვი - 2024 წელს, მათი მაჩვენებელი 35% იყო, ხოლო 2023 წლის თებერვალში - 30%.საქართველოში ყველაზე პოპულარული ბრენდები:1.Samsung2. Apple3. Redmi4. Xiaomi5. Huaweiთუ ამ მონაცემებს, Rakuten Viber-ის 2023 წლის მაჩვენებლებს შევადარებთ, აღმოვაჩენთ, რომ სმარტფონების საუკეთესო ხუთეული უცვლელი დარჩა.სმარტფონების ყველაზე პოპულარული მოდელები საქართველოში:1. iPhone 112. iPhone 133. Galaxy A124. iPhone 14 Pro5. iPhone 14 Pro Maxეს სტატისტიკა, კი Rakuten Viber-ის 2023 წლის წინა მონაცემებთან შედარებით, ბოლო ერთი წლის განმავლობაში შეცვლილია. წელს, ყველაზე პოპულარული მოდელების ჩარტში iPhone 14 Pro და iPhone 14 Pro Max გამოჩნდნენ და მეოთხე და მეხუთე პოზიციები დაიკავეს.ეს მონაცემები ამოღებულია Rakuten Viber-ის შიდა ანალიტიკიდან და მოიცავს მხოლოდ სმარტფონების ბრენდებისა და მოდელების აგრეგირებულ მონაცემებს. Rakuten Viber უაღრესად ორიენტირებულია აპლიკაციის უსაფრთხოებაზე, ამრიგად, 2016 წლიდან, მესენჯერის ყველა ძირითადი ფუნქცია ნაგულისხმევად დაცულია ბოლოდან ბოლომდე დაშიფვრით: ეს მოიცავს პერსონალურ ჩატებს (როგორც ერთი ერთზე საუბრები, ასევე ჯგუფური ჩატები), აუდიო და ვიდეო ზარებს, პირად მედიასა და სმარტფონთან დაკავშირებულ სხვა მოწყობილობებს.

1712832677

დღეს, ბლოგების შექმნა და მართვა შესაძლებელია არა მხოლოდ სოციალურ ქსელებში, არამედ მესენჯერებშიც. საკომუნიკაციო პლატფორმები მომხმარებლებისთვის ამ ფუნქციასაც მარტივად უზრუნველყოფენ. უკვე დიდი ხანია, რაც საკომუნიკაციო აპლიკაციებში „არხები“ დიდი პოპულარობით სარგებლობენ. დაინტერესებული მომხმარებლები არხებში ეცნობიან ახალ ამბებს, მიჰყვებიან  ბლოგერებსა და ბრენდებს, ან იღებენ სასარგებლო და საინტერესო კონტენტს მათთვის მოსახერხებელ პლატფორმაზე. მთავარი უპირატესობა, რაც არხებს აქვთ ისაა, რომ ის ყოველთვის მომხმარებლის ხელთაა, რადგან სამიზნე აუდიტორია არხების გარეშეც დიდ დროს უთმობს აპლიკაციას. Rakuten Viber ერთ-ერთია იმ მესენჯერებიდან, სადაც არხები მრავალ სასარგებლო თუ საინტერესო ფუნქციებს სთავაზობენ მომხმარებლებს.არხები საშუალებას გაძლევთ მარტივად მიაღწიოთ ადგილობრივ თუ საერთაშორისო აუდიტორიებს. Rakuten Viber-ში არხი შეიძლება გამოიყენოთ ბიზნეს მიზნების მისაღწევად - დიდ აუდიტორიასთან საკომუნიკაციოდ. თუმცა, არხი საინტერესოა ექსპერტების, ბლოგერებისა და ინფლუენსერებისთვის - გამოცდილების გასაზიარებლად და პერსონალური ბრენდის შესაქმნელად. უპირველეს ყოვლისა, ის საინტერესოა მესენჯერის მომხმარებლებისთვის - საინტერესო, შესაბამისი და ექსკლუზიური შინაარსის მისაღებად.რა არის Rakuten Viber-ის არხები და ვის დასჭირდება ისინი?Rakuten Viber-ის ნებისმიერ მომხმარებელს შეუძლია შექმნას და განავითაროს საკუთარი არხი.გამოწერილი არხების რაოდენობა კი, შეუზღუდავია: ყველას შეუძლია იპოვოს და გამოიწეროს საჯარო არხი. სუპერ ადმინისტრატორები და ადმინისტრატორები პასუხისმგებელნი არიან არხის განვითარებასა და პოპულარიზაციაზე. მათ შეუძლიათ სხვადასხვა ფორმატის შინაარსის გამოქვეყნება და აუდიტორიასთან სხვადასხვა გზით ურთიერთობა.არხებს აქვთ ფუნქციების ფართო სპექტრი. ავტორებს შეუძლიათ გამოაქვეყნონ ტექსტი, ასევე ვიზუალური მასალა, დაამატონ სტიკერები და GIF-ები. თქვენ, ასევე შეგიძლიათ გააზიაროთ ხმოვანი შეტყობინებები ან გააგზავნოთ ორიგინალური ვიდეო შეტყობინებები, ჩაატაროთ გამოკითხვები და ვიქტორინები აუდიტორიისთვის.არხების მნიშვნელოვანი მახასიათებელია უსაფრთხოება. არხის წევრების ჩამონათვალი დაფარულია და ხელმისაწვდომია მხოლოდ ადმინისტრატორებისა და სუპერ ადმინისტრატორებისთვის. მომხმარებლებს შეუძლიათ ნახონ მხოლოდ არხის წევრების საერთო რაოდენობა. ასე მომხმარებლებს შეუძლიათ შეინარჩუნონ კონფიდენციალურობა.როგორ შევქმნათ არხი Rakuten Viber-ში?ამის გაკეთება ძალიან მარტივია - მხოლოდ რამდენიმე დაწკაპუნებაა საჭირო. ამისათვის თქვენ უნდა გახსნათ Rakuten Viber-ის ჩატის ეკრანი თქვენს მობილურ ტელეფონზე, დააჭიროთ ახალი საუბრის ღილაკს და ზედა მენიუში აირჩიოთ Create channel, ანუ „არხის შექმნა“. შეიყვანეთ მონაცემები, რომლებიც გსურთ გამოჩნდეს თქვენს არხზე: სახელი, აღწერა, ფოტო და ა.შ. სულ ესაა - არხი შექმნილია! თქვენ ავტომატურად ხდებით მისი სუპერ ადმინისტრატორი და, საჭიროების შემთხვევაში, შეგიძლიათ დაამატოთ სხვა ადმინისტრატორები არხის სამართავად. თუ არხის პერსონალიზაცია გსურთ, ასევე შეგიძლიათ დაამატოთ არხისთვის თემატური ფონი.არხის კონტენტიარხზე კონტენტს აქვეყნებს ადმინისტრატორი ან სუპერ ადმინისტრატორი. Rakuten Viber-ის არხზე შეგიძლიათ გამოაქვეყნოთ არა მხოლოდ ტექსტური ინფორმაცია და დაურთოთ ფოტო და ვიდეო მასალა, არამედ გამოიყენოთ სტიკერები, ჩაატაროთ სხვადასხვა სახალისო გამოკითხვები და კონკურსები. უბრალოდ გამოიყენეთ Rakuten Viber-ში ხელმისაწვდომი ნებისმიერი ინტერაქტიური ფუნქცია - GIF-ები, AR-ლინზები და დაამატეთ ბმულები ვიდეოებზე. თანაც, შეგიძლიათ შეგიძლიათ წინასწარ მოამზადოთ პოსტები და მოგვიანებით განთავსების ფუნქციის გამოყენებით, განათავსოთ გეგმით გათვალისწინებულ დროს. თქვენ ასევე შეგიძლიათ დაარედაქტიროთ პოსტი მისი გამოქვეყნების შემდეგ, დააფორმატოთ ტექსტი, დაამატოთ სასურველი ემოჯი და უბრალოდ შეცვალოთ ფონტი -  emoji-ს, მკვეთრი ან დახრილი ფონტის გამოყენებით.არხში გამოქვეყნებულ მნიშვნელოვან ინფორმაციაზე ყურადღების მისაქცევად, ადმინისტრატორებს შეუძლიათ შერჩეული პოსტების ჩამაგრება ჩატის ზედა ნაწილში, რათა მათ ძებნაში, მომხმარებელმა დრო არ დაკარგოს. აქვე, აღსანიშნავია, რომ არხის მიმდევრებს საშუალება აქვთ ერთი დაწკაპუნებით, მესენჯერის დატოვების გარეშე თარგმნონ ნებისმიერი პოსტი 36 განსხვავებულ ენაზე.აუდიტორიასთან ურთიერთობაარხის მომხმარებლებს შეუძლიათ დააფიქსირონ თავიანთი შთაბეჭდილება პოსტებზე რეაგირებით, კომენტარებითა და გამოხმაურებებით. თქვენ, ასევე შეგიძლიათ არხში დაამატოთ აუდიტორიასთან ურთიერთობის სხვადასხვა ელემენტები: ჩაატაროთ გამოკითხვები მიმდინარე თემებზე, დაგეგმოთ სახალისო ტესტები და ვიქტორინები. ეს აქტივობები ხელს შეუწყობს აუდიტორიის ლოიალობისა და ჩართულობის გაზრდას. თანაც, ამის გაკეთება ძალიან ადვილია.არხებში სუპერ ადმინისტრატორებს და ადმინისტრატორებს ასევე შეუძლიათ გააქტიურონ ფუნქცია „Allow Members to contact you“ და გამომწერებისგან მიიღონ შეტყობინებები. აღსანიშნავია, რომ ამ შემთხვევაში, დამალული იქნება როგორც მომხმარებლების, ასევე, ადმინისტრატორების ტელეფონის ნომრები.ამას გარდა, შესაძლებელია არხში კომენტარების ფუნქციის გააქტიურებაც. კომენტარების დატოვებისას, მომხმარებლებს შეუძლიათ თითოეული პოსტის ქვეშ გაცვალონ მოსაზრებები და განიხილონ ის სხვა გამომწერებთან. ეს პარამეტრი შეიძლება ჩაირთოს ან გამოირთოს არხის ადმინისტრატორის შეხედულებისამებრ. დამატებით, ასევე კომენტარების ჩართვა/გამორთვა შესაძლებელია არხზე კონკრეტული პოსტის შემთხვევაშიც.ანალიტიკააუდიტორიასთან ეფექტური კომუნიკაციისთვის მნიშვნელოვანია მათი ინტერესებისა და პრეფერენციების გაგება. Viber-ის არხები გთავაზობთ მოწინავე ანალიტიკას, რომლის დახმარებით, სუპერ ადმინისტრატორებს შეუძლიათ გააანალიზონ მომხმარებლის დემოგრაფიული მონაცემები (დემოგრაფიული მონაცემები ხელმისაწვდომია იმ არხებისთვის, რომლებსაც ჰყავთ 1 000 გამომწერი). ასევე, გაანალიზონ მათი ჩართულობა და რეაქციების მიხედვით გაიგონ, თუ რა ტიპის კონტენტი აინტერესებთ მათ ყველაზე მეტად.ადმინისტრატორებს აქვთ წვდომა არხების პოსტების ანალიტიკაზე. ასე რომ, ნებისმიერ პოსტზე დაწკაპუნებით და „Info“ არჩევით შეგიძლიათ ნახოთ უნიკალური ნახვების რაოდენობა, ლინკზე დაწკაპუნებების, გაზიარებების, მოწონებების და რეაქციების რაოდენობები.შეჯამების სახით უნდა ითქვას, რომ Rakuten Viber-ის არხები მომხმარებლებს სთავაზობს მრავალფეროვან კონტენტთან წვდომასა და ჩართულობის შესაძლებლობას ერთ მოსახერხებელ სივრცეში. პირადი ინტერესების თუ ბიზნეს მიზნების მისაღწევად, არხები გვთავაზობენ უწყვეტ და ინტერაქტიურ პლატფორმას, რათა მუდამ იყოთ კავშირზე და იყოთ ინფორმირებული.

1712465280

თბილისში, 25 მაისს, ფინანსური ტექნოლოგიური სიმპოზიუმი “Bulls” პირველად გაიმართება.მესამე საიუბილეო წელთან დაკავშირებით “კრიპტო ბაზარი” ფინანსური ტექნოლოგიებით დაინტერესებული ადამიანებისთვის ღონისძიებას აანონსებს. სიმპოზიუმის სტუმრები დაესწრებიან საერთაშორისო და ადგილობრივი ბაზრის პრაქტიკოსი სპიკერების გამოსვლებსა და პანელურ დისკუსიებს. ღონისძიება დაფარავს ისეთ თემებს როგორიცაა კრიპტოვალუტა, თანამედროვე ბიზნეს მოდელები, მარკეტინგი, მენეჯმენტი დაინვესტიციები.ღონისძიება გამორჩეული იქნება ეფექტური ნეთვორქინგის შესაძლებლობებით და სხვადასხვა აქტივობებით, რაც ხელს შეუწყობს საქართველოში ფინტექისა და კრიპტო ქომიუნითის განვითარებასა და საერთაშორისო კავშირების დამყარებას.ღონისძიების გენერალური პარტნიორია ინდუსტრიის ერთ-ერთი გიგანტი კომპანია “Tether”. ღონისძიებას უმასპინძლებს “რესპუბლიკა” ბილეთების გაყიდვა დაწყებულია და მათი შეძენა შესაძლებელია TKT.GE-ზე.“კრიპტო ბაზრის” შესახებ:2021 წლიდან Crypto Bazari საქართველოში ქმნის ფინანსური განათლების ყველაზე მნიშვნელოვან გარემოს, რომლითაც ხელს უწყობს ადგილობრივი ბაზრის ფინანსურ განვითარებას, შესაძლებლობას აძლევს ადგილობრივ ბიზნეს საერთაშორისო ინვესტიციებზე მოიპოვოს წვდომა და სხვადასხვა პროფესიის ადამიანებმა გაზარდონ საკუთარი შესაძლებლობების ფარგლები.კომპანიის მთავარი ფოკუსი ფინანსური განათლებაა, ბაზრის ზრდასთან ერთად კრიპტო ბაზრის როლი მნიშვნელოვნად გაიზარდა კრიპტო გადახდების, გადაცვლისა და ქვეყნის ტექნოლოგიურიგანვითარების მიმართულებით.კრიპტო ბაზრის ღონისძიებები აერთიანებს ადამიანებს და ბრენდებს, რომლებიც საინტერესო კვალს ტოვებენ კრიპტო ვალუტების, ბიზნესის, მარკეტინგის, ტექნოლოგიების და ინოვაციების დარგში.ამ პერიოდის განმავლობაში 100-ზე მეტ სპიკერს და ათასობით ადამიანს ვუმასპინძლეთ. მეტი დეტალისთვის გამოიწერეთ Crypto Bazari-ის ოფიციალური Facebook გვერდი.ბილეთებისა და მეტი ინფორმაციისთვის შეგიძლიათ, ეწვიოთ: tps://tkt.ge/show/17477/kripto-bazari-finansur-teqnologiuri-simpoziumi-kharebihtსაკონტაქტო პირი:ავთანდილ კუჭავა, დამფუძნებელი, გენერალური დირექტორი & ტელეწამყვანიinfo@cryptobazari.orgსოციალური ქსელები:YouTube Channel, Facebook Page, Facebook Group, X, Instagram, TikTokმეტი ინფორმაციისთვის, გვეწვიეთ: https://cryptobazari.org

1711693795

კომუნიკაციების კომისიის წევრმა, ეკატერინე იმედაძემ და საერთაშორისო ურთიერთობების სამსახურის უფროსმა, ნინო გრძელიშვილმა, ელექტრონული კომუნიკაციების ევროპული მარეგულირებლების ორგანოს (BEREC) მიერ ორგანიზებულ ყოველწლიურ ფორუმში მიიღეს მონაწილეობა, რომელიც მიზნად დაინტერესებულ მხარეებს შორის ტელეკომუნიკაციების სექტორის აქტუალურ საკითხებზე დისკუსიის ხელშეწყობას ისახავდა.ღონისძიების პირველ ნაწილში, BEREC-ის სამუშაო ჯგუფების თავმჯდომარეებმა ტელეკომუნიკაციების სექტორის დაინტერესებულ მხარეებს 2024 წლისთვის დაგეგმილი საქმიანობა და თითოეული სამუშაო ჯგუფის პრიორიტეტები გააცნეს, რის შემდეგაც, აღნიშნულთან დაკავშირებით, მონაწილეების მოსაზრებები მოისმინეს. BEREC-ის ფარგლებში ამჟამად შექმნილია 12 სამუშაო ჯგუფი, რომლებიც ევროკავშირის წევრი ქვეყნების მარეგულირებლების ექსპერტებს აერთიანებენ და ისეთ თემატურ მიმართულებებს ფარავენ, როგორებიცაა ბაზრისა და ეკონომიკური ანალიზი, სარეგულაციო გარემო, მომხმარებელთა უფლებების დაცვა, როუმინგი, ასევე, ფიქსირებული ქსელის ევოლუცია, ციფრული ბაზრები, კიბერუსაფრთხოება და სხვა.ფორუმის მეორე ნახევარი თემატურ მოხსენებებსა და პანელურ სესიებს დაეთმო, სადაც განიხილებოდა ევროპის ციფრული ინფრასტრუქტურის საჭიროებების დასაძლევად ევროკომისიის მიერ შემუშავებული პოლიტიკის ახალი ინიციატივები. შესაბამისი პანელური დისკუსიის ფარგლებში, ევროკომისიის ინიციატივების დოკუმენტზე (White Paper) როგორც ევროკომისიის საკომუნიკაციო ქსელების, კონტენტისა და ტექნოლოგიების გენერალური დირექტორატის, ასევე BEREC-ის და ტელეკომუნიკაციის სექტორის, კერძოდ, ფრანგული სატელეკომუნიკაციო კომპანიის „Iliad Group”-ისა და ესპანური სატელეკომუნიკაციო კომპანიის „Telefonica“-ს წარმომადგენლებმა თავიანთი მოსაზრებები წარმოადგინეს.ციფრული ინფრასტრუქტურის უსაფრთხოებისა და მდგრადობის მნიშვნელობის ზრდის საკითხების განხილვას ფორუმის მეორე პანელური დისკუსია დაეთმო, რომლის ფარგლებშიც, უკრაინის ეროვნული მარეგულირებელი კომისიის თავმჯდომარე  ოლექსანდრ ჟივოტოვსკიმ  უკრაინაში რუსეთის შეჭრის შემდგომ უკრაინის ტელეკომუნიკაციის ქსელებზე განხორციელებულ შეტევებზე ისაუბრა და ის გამოწვევები მიმოიხილა, რომლის წინაშეც უკრაინაში ტელეკომუნიკაციის სფერო დგას.ფორუმის ფარგლებში, დამსწრე საზოგადოებას ასევე ჰქონდა შესაძლებლობა, მონაწილეობა მიეღო BEREC-ის 2025 წლის სამუშაო გეგმის განხილვის პროცესში, რომელიც BEREC-ის 2024 წლის თავმჯდომარემ, ხორვატიის მარეგულირებელი ორგანოს (HAKOM) საბჭოს თავმჯდომარე ტონკო ობულიენმა და BEREC-ის 2025 წლის თავმჯდომარემ, ირლანდიის მარეგულირებელი კომისიის (ComReg) თავმჯდომარე რობერტ მოურიკმა წარადგინეს.შეგახსენებთ, რომ კომუნიკაციების კომისიისთვის, კოლეგა მარეგულირებლებთან თუ სექტორის წარმომადგენელ სხვა ორგანიზაციებთან გამოცდილების გაზიარების მიზნით თანამშრომლობა, ერთ-ერთი მთავარი პრიორიტეტია.

1711629360

კომუნიკაციების კომისიამ მობილური მომსახურებების ბაზარზე კონკურენციისა და მომსახურების ხარისხის გაუმჯობესების მიზნით, კომპლექსურ კვლევაზე დაყრდნობით საჯარო ადმინისტრაციული წარმოება დაიწყო. წარმოების ფარგლებში, დადგინდება არის თუ არა ქართული მობილური კომუნიკაციების ბაზარზე დაბალკონკურენტული გარემო და აღნიშნულის დადასტურების შემთხვევაში, შესაბამისი საბითუმო ბაზრები წინასწარ რეგულირებას დაექვემდებარება. ეს ნიშნავს, რომ ბაზარზე გამოვლინდება მნიშვნელოვანი ძალის ოპერატორი, რომელსაც სპეციფიკური ვალდებულებები დაეკისრება. ComCom-ის მიზანია ევროპულ საუკეთესო პრაქტიკაზე დაყრდნობით, გააჯანსაღოს და გახსნას ტელეკომ ბაზარი და მომხმარებლებისთვის უზრუნველყოს მრავალფეროვანი არჩევანისა თუ ხარისხიანი მომსახურების მიღების შესაძლებლობა. ამასთან, აღნიშნული პროცესის გავლა ხელს შეუწყობს ასოცირების შეთანხმებით ნაკსირი ვალდებულებების შესრულებას.2022 წელს, კომუნიკაციების კომისიამ, ევროკავშირის დაფინანსებითა და ევროკავშირსა და საქართველოს შორის ასოცირების შესახებ შეთანხმების განხორციელების დახმარების („AA Facility“) ფარგლებში, ევროპელ ექსპერტებთან ერთად, აქტიურად დაიწყო მუშაობა საქართველოს სატელეკომუნიკაციო ბაზრის კომპლექსური კვლევის პროექტზე, რომელიც ფიქსირებული ფართოზოლოვანი და მობილური მომსახურებების ბაზრების კვლევას მოიაზრებს. კვლევის ფარგლებში, ჩატარდა ფიქსირებული და მობილური საკომუნიკაციო მომსახურებების საცალო ბაზრის კონკურენტული გარემოს ანალიზი და გამოვლინდა პოტენციურად რეგულირებას დაქვემდებარებული შესაბამისი საბითუმო ბაზრები. აღნიშნულ ბაზრებზე კი, შეფასდა მნიშვნელოვანი საბაზრო ძალაუფლების მქონე ოპერატორების არსებობა და შემუშავდა შესაბამისი რეკომენდაციები. კვლევის პროცესში, ყველა ეტაპზე, უზრუნველყოფილი იყო საქართველოში არსებული ტელეკომ ოპერატორების ჩართულობა. მიმდინარე საჯარო ადმინისტრაციული წარმოებაც სწორედ დაინტერესებული მხარეების აქტიურ ჩართულობასა და მათი კონსტრუქციული უკუკავშირის მიღებას ემსახურება.წარმოების ფარგლებში, კომუნიკაციების კომისია, მობილური მომსახურების ბაზრის სეგმენტზე, კონკურენციის კვლევის შესახებ გადაწყვეტილების პროექტს გამოაქვეყნებს, სადაც დეტალურად იქნება განხილული როგორც კვლევა, ასევე სპეციფიკური ვალდებულებებისა და მათი მნიშვნელობის საკითხი. პროექტის გამოქვეყნების შემდეგ კი, კომუნიკაციების კომისია გამართავს საჯარო კონსულტაციებს, რომლის ფარგლებშიც, გადაწყვეტილების გამოქვეყნებიდან 20 დღის ვადაში, დაინტერესებული მხარეები შეძლებენ თავიანთი მოსაზრებებისა და კომენტარების წარმოდგენას.შეგახსენებთ, რომ კომპლექსური კვლევის პროექტი საქართველოს სატელეკომუნიკაციო ბაზარზე კონკურენციის გაუმჯობესებას, ასევე მომხმარებლებისთვის მრავალფეროვანი, ხარისხიანი და ხელმისაწვდომი მომსახურებების უზრუნველყოფასა და ქართული მარეგულირებელი ჩარჩოს ევროპულთან დაახლოებას ემსახურება.

1711457621

მთელი მსოფლიოს მასშტაბით მილიონობით მომხმარებლისთვის, ორმა კომპანიამ შექმნა Pi - კეთილი და მეგობრული ხელოვნური ინტელექტიRakuten Viber, წამყვანი გლობალური პლატფორმა პირადი და უსაფრთხო შეტყობინებებისა და ხმოვანი კომუნიკაციის სფეროში, AI სტუდია Inflection-თან თანამშრომლობს. ამ კოლაბორაციის საფუძველია იდეა, რომ “საუბარი, ტექნოლოგიიის გამოყენების ახალი გზაა”.Inflection, Viber-ის მილიონობით მომხმარებელს, უახლესი სასაუბრო ხელოვნური ინტელექტის გამოცდილებით უზრუნველყოფს. Viber-ის მომხმარებლებს ექნებათ პირდაპირი წვდომა Pi-ზე, რომელიც უახლესი სასაუბრო შესაძლებლობების მეშვეობით, გააუმჯობესებს მათ გამოცდილებას.აღსანიშნავია, რომ სახელწოდება Pi, პერსონალურ ინტელექტს ნიშნავს. შესაბამისად, მომხმარებლებთან საუბარში, ის განსაკუთრებით თანამგრძნობი და მეგობრული ხასიათით გამოირჩევა. სისტემა გაძლიერებულია Inflection-ის Inflection-2.5 ენის მოდელით, რომელიც კონკურენტუნარიანია მთელი მსოფლიოს მასშტაბით.Pi აერთიანებს მსოფლიოს საუკეთესო EQ-ს ჭკვიან IQ-სთან, რათა დაეხმაროს მომხმარებლებს ყველა კითხვაზე პასუხის მიღებაში. მომხმარებლებს შეუძლიათ ჰკითხონ რჩევა, მიიღონ უახლესი ინფორმაცია ან უბრალოდ ისაუბრონ. Pi დაეხმარება მომხმარებლებს აზრების ორგანიზებაში, მკაფიო გეგმების შედგენასა და მათ მიხედვით მოქმედებაში – მიუხედავად იმისა, გეგმავენ სამუშაოს შეცვლას, ცდილობენ ცხოვრების წესის გაუმჯობესებას, სწავლობენ ახალ უნარებს, სურთ ახალი ამბების გაგება თუ უბრალოდ საუბრის განწყობაზე არიან. Viber-ის მომხმარებლებისთვის, Pi ხელმისაწვდომია დღე-ღამის ნებისმიერ დროს. ასე რომ, მათ ყოველთვის თან ეყოლებათ მეგობარი, რომელსაც საჭიროების შემთხვევაში მიმართავენ.ასევე, მომდევნო სამი თვის განმავლობაში, ახალ პერსონალურ AI-სთან ერთად, Pi-ით შთაგონებული სტიკერები ხელმისაწვდომი იქნება პლატფორმის ყველა მომხმარებლისთვის. სტიკერების გამოიყენება შესაძლებელია როგორც მეგობრებთან პირად ჩატებში, ასევე Pi-სთან საუბარში. სტიკერების საშუალებით, მომხმარებლებს შეუძლიათ პოზიტიური განწყობის შექმნა ჩატებში და ისეთი მეგობრული ემოციების გაგზავნა როგორებიცაა - „მე შემიძლია დაგეხმარო", „მოდი, ვისაუბროთ", „გამარჯობა მეგობარო" და, რაღა თქმა უნდა, „მე შენ მიყვარხარ".მომხმარებლებისთვის მრავალმხრივი სერვისებისა და ფუნქციების შეთავაზებით, Rakuten Viber სუპერ აპლიკაციების ლიგას შეუერთდა. იქნება ეს მყისიერი აპს-შიდა გადახდები და შეკვეთის სერვისი თუ გასართობი არხები -  სტიკერების, გიფებისა და ჩატბოტების უსასრულო კოლექციით. ეს ყველაფერი აუმჯობესებს მომხმარებელთა საუბრის გამოცდილებას და ეხმარება ბიზნესებს გაძლიერებაში. ბოლო რამდენიმე წლის განმავლობაში, პლატფორმაზე AI შესაძლებლობების გაფართოება იყო Viber-ის ევოლუციისა და ზრდის მნიშვნელოვანი კომპონენტი. ახლა Inflection-თან ერთად, რომლის მიღმაც დგას 1,5 მილიარდი $ ინვესტიციები ისეთი მსხვილი ინვესტორებისგან, როგორებიც არიან Microsoft, Nvidia, ბილ გეიტსი და ერიკ შმიდტი, მესიჯების აპლიკაცია გაბედავს წარმოადგინოს მომავალი, სადაც მომხმარებლებს შეუძლიათ გამოიყენონ ხელოვნური ინტელექტის ძალა, თანაც შეუფერხებლად და ეფექტურად.„Rakuten Viber ყოველთვის ცდილობდა, რომ მთელს მსოფლიოში, ყველა მომხმარებლისთვის თანაბრად ხელმისაწვდომი ყოფილიყო მძლავრი და ამავე დროს მარტივი საკომუნიკაციო შესაძლებლობები. ჩვენს პლატფორმაზე Pi-ის დამატებით, კიდევ ერთ მნიშვნელოვან ნაბიჯს ვდგამთ ამ მოგზაურობაში - მილიონობით მომხმარებელს, ცხოვრებაში პირველად შევთავაზოთ მძლავრი და სასაუბროდ შექმნილი AI ასისტენტი“ - ატანას რაიკოვი, Global Marketing & Growth-ის VP, Rakuten Viber. 

1710928480

კომუნიკაციების კომისიამ აბაშაში „ციფრული მხარდაჭერის პროგრამის“ განხორციელება დაიწყო, რომლის ფარგლებშიც, სოფელ გეზათის და გულუხეთის მოსახლეობა ციფრულ წიგნიერებასა და ინტერნეტის უსაფრთხო გამოყენებაში გადაამზადა. სპეციალისტების დახმარებით, ბენეფიციარებმა  ინფორმაციის მოძიების, ელ-ფოსტის შექმნის და გამოყენების, გუგლის რუკითა და თარჯიმნით სარგებლობის, ასევე, ადგილმდებარეობის გაზიარებისა და ონლაინ საკომუნიკაციო საშუალებების გამოყენების შესახებ დეტალური ინფორმაცია მიიღეს.“ციფრული მხარდაჭერის პროგრამა” 2022 წლიდან ხორციელდება, რომლის ფარგლებშიც, ოზურგეთის, ხელვაჩაურის, ქობულეთის, ჩოხატაურის, სამტრედიის, ამბროლაურისა და ონის მუნიციპალიტეტების 135 სოფლის 3500-ზე მეტ მოსახლეს ციფრული წიგნიერების, ინტერნეტის უსაფრთხო გამოყენებისა და სახელმწიფო ელ. სერვისებით სარგებლობის შესახებ სემინარები ჩაუტარდათ. ამჟამად კი, პროგრამა ზუგდიდისა და აბაშის მუნიციპალიტეტებში მიმდინარეობს. შეგახსენებთ, რომ „ციფრული მხარდაჭერის პროგრამა” პროექტ Log-in Georgia-ს შემადგენელი ნაწილია, რომელიც ინტერნეტიზაციის სახელმწიფო პროგრამის მხარდასაჭერად ხორციელდება. Log-in Georgia საქართველოს 500,000-მდე სოფლად მცხოვრებისთვის მაღალხარისხიანი ინტერნეტის მიწოდების შესაძლებლობის შექმნასა და ციფრული სერვისების სასარგებლო გამოყენების ხელშეწყობას ისახავს მიზნად. პროექტი მსოფლიო ბანკისა და ევროპის საინვესტიციო ბანკის თანადაფინანსებით ხორციელდება.

1710862860

დღეს ჩვენ ვიმყოფებით ციფრული რეკლამის ევოლუციის ზღვარზე. ძველი ტექნოლოგიები, რომლებიც ეყრდნობა მესამე მხარის cookies ფაილებს, ადგილს უთმობს ახალ, ინოვაციურ ტექნოლოგიებს, რომლებიც, თავის მხრივ, დაფუძნებულია ხელოვნურ ინტელექტსა და მანქანათმცოდნეობაზე.ციფრული რეკლამის მუდმივად განვითარებად წიაღში, მონაცემთა უსაფრთხოების უახლესი წესები, ისეთები, როგორებიცაა GDPR - ევროკავშირში და CCPA - კალიფორნიის მომხმარებელთა კონფიდენციალურობის აქტი აშშ-ში, ერთგვარად, ზოგადი რეგულაციაა მონაცემთა დაცვისა. ეს რეგულაციები, აძლევს რა მომხმარებლებს თავიანთ მონაცემებზე  უფრო მეტი კონტროლის უფლებას, ამასთანავე, გაცილებით მკაცრ სტანდარტებს უწესებს კომპანიებს მონაცემთა დამუშავებასა და შენახვასთან დაკავშირებით.რეკლამის განმთავსებლებისა და Google-ის მსგავსი პლატფორმებისთვის ეს ცვალებადი პარადიგმა მოითხოვს არა მხოლოდ მონაცემთა შეგროვებისა და გამოყენების პრაქტიკის გადაფასებას, არამედ შესაძლებლობასაც იძლევა, გამოიყენონ ხელოვნური ინტელექტი რეკლამირების გაძლიერებაში.ამ სტატიაში ვისაუბრებთ იმაზე, თუ როგორ უზრუნველყოთ თქვენი მარკეტინგული სტრატეგიების სიმყარე და პერსპექტიულობა. ასევე შეიტყობთ, თუ როგორ გამოიყენოთ AI უფრო პერსონალიზებული და რელევანტური სარეკლამო კამპანიების საწარმოებლად, მონაცემთა კონფიდენციალურობის პოლიტიკის სრული დაცვით.ალექსანდრე ტისმენეცკი, Google Admixer Advertising-ის მმართველი დირექტორი, საკუთარ შეხედულებებს გვიზიარებს კონფიდენციალურობის დინამიკაში სამი ძირითადი ცვლილების შესახებ და პრაქტიკულ რჩევებს აძლევს რეკლამის განმთავსებლებს, თუ როგორ მართონ ეს ცვლილებები ეფექტურად.privacy ცვლილებების სამი ძირითადი ფაქტორი: privacy, ეკონომიკა და AIმაშ ასე: პირველი ფაქტორი ეხება მონაცემთა კონფიდენციალურობის საკითხს, მომხმარებლის გაზრდილი ინტერესიდან გამომდინარე.Deloitte-ის კვლევის მიხედვით, გამოკითხულ მომხმარებელთა 81% შეშფოთებულია იმით, თუ როგორ იყენებენ რეკლამის განმთავსებლები მათ მონაცემებს1. ამის საპასუხოდ ბევრმა განვითარებულმა ქვეყანამ შემოიღო კანონი, რომელიც ზღუდავს მომხმარებლის მონაცემების გამოყენებას მათი აშკარა თანხმობის გარეშე. სწორედ მომხმარებლების ამგვარ შეშფოთებას გამოეხმაურა ევროკავშირი თავისი GDPR-ით, აშშ -კალიფორნიის CCPA-ით და ბრაზილია - LGPD-ით. ამრიგად, მსოფლიოს მოსახლეობის დაახლოებით 75%-ის მონაცემთა კონფიდენციალურობა უკვე დაცულია ახალი კანონის საშუალებით2.გარდა ამისა, ამ წლის ბოლოსთვის Google გეგმავს, საბოლოოდ აკრძალოს მესამე მხარის cookies ფაილები (so-called 3rd Party Cookies), რაც თავისთავად ხელს შეუწყობს მომხმარებელთა კონფიდენციალურობის დაცვას, მაგრამ ამავე დროს, რა თქმა უნდა, იმოქმედებს სარეკლამო კამპანიების ეფექტიანობაზეც. თუმცა დამაიმედებელია, რომ, გამოკითხვების მიხედვით, მომხმარებელთა 75%, ფასიან სერვისებთან შედარებით, რეკლამას ანიჭებს უპირატესობას3.ცვლილების მეორე მამოძრავებელი ფაქტორია დაუსრულებელი ეკონომიკური გაურკვევლობა. გამოკითხვისას მარკეტინგის დირექტორების 75%-მა განაცხადა, რომ მათ უნდა მიაღწიონ მაღალ შედეგს ნაკლები დანახარჯით და მიისწრაფოდნენ მოგების გაზრდისკენ4, ხოლო CFO-ების 33% მიიჩნევს, რომ სარეკლამო ხარჯები ან შემცირდება ან უცვლელი დარჩება წელს5.ამრიგად, იზრდება მოლოდინი, რომ სარეკლამო ბიუჯეტების შემცირების, მარეგულირებელი შეზღუდვებისა და მესამე მხარის cookies ფაილების გაუქმების ფონზე, მარკეტინგი მაინც შეძლებს მოგების გაზრდას. ჩნდება კითხვა - როგორ გავაგრძელოთ სამიზნე აუდიტორიისთვის შესაბამისი რეკლამის მიწოდება, როდესაც ანალიტიკური სისტემებიდან სიგნალების რაოდენობა მცირდება?სწორედ აქ მოქმედებს ცვლილების მესამე მამოძრავებელი ძალა: ხელოვნური ინტელექტი. 10 წელზე მეტია, რაც Google ინვესტიციას დებს AI-ში. დღეს Google-ის რეკლამის განმთავსებლების 80%-ზე მეტი, მინიმუმ, ერთ ინსტრუმენტს მაინც იყენებს ჩაშენებული ხელოვნური ინტელექტით6. პროგნოზების თანახმად, უახლოეს მომავალში AI-ის მონაწილეობით იმუშავებს ციფრული მარკეტინგის 80%-ზე მეტი7. თუმცა, ხელოვნურმა ინტელექტმა რომ ეფექტურად იმუშაოს, მას სჭირდება „საწვავი“, კერძოდ, მომხმარებლის თანხმობით მიღებული მონაცემები (შეთანხმებული მონაცემები). რაც უფრო ზუსტი და სრულყოფილია ეს მონაცემები, მით უკეთესად იმუშავებს  AI. ამიტომ რეკლამის განმთავსებლების უმთავრესი ამოცანაა, მაღალი ხარისხისა და შეთანხმებული მონაცემების გამოყენებით შექმნან მყარი საფუძველი  მარკეტინგული სტრატეგიისთვის, რაც ხელს შეუწყობს Google-ის ხელოვნური ინტელექტის გაძლიერებას და მათი სარეკლამო კამპანიების ROI-ის მაქსიმიზაციას. რეკლამის იმ განმთავსებლებმა, რომლებიც უკვე დაადგნენ ამ გზას, მინიმუმ, 50%-ზე მეტ ზრდას მიაღწიეს ორი ძირითადი შესრულების ინდიკატორში (KPI).AI და კონვერსიები: წარსული, აწმყო და მომავალიხელოვნური ინტელექტი არ არის ახალი პროდუქტი, რომელმაც სულ ახლახან დაიწყო აქტიური განვითარება. ყოველწლიურად Google-ის დეველოპერები წარმოადგენენ ახალ, ინოვაციურ გადაწყვეტებს და ხელოვნური ინტელექტის შესაძლებლობები სწრაფად კრეფს ტემპს.2018 წელს საიტზე განხორციელებული კონვერსიების (მაგალითად, ელექტრონულ კომერციაში) 90%-ის შემთხვევაში ცნობილი და ადვილად თვალყურისმისადევნებელი გახლდათ გარდაქმნა/კონვერსია. მომხმარებელთა ქმედებების უმრავლესობას აკვირდებოდნენ და აანალიზებდნენ. და მხოლოდ  კონვერსიების 10% იყო მოდელირებული ხელოვნური ინტელექტის ალგორითმის დახმარებით.დღეს ჩვენ უკვე ვხედავთ მნიშვნელოვან პროგრესს: 20%-ის შემთხვევაში კონვერსიის მოდელირება ხდება ხელოვნური ინტელექტისა და მანქანათმცოდნეობის ალგორითმებით. ვარაუდობენ, რომ უახლოეს მომავალში კონვერსიების დაახლოებით 50% სწორედ ასეთი ალგორითმების შედეგი იქნება. ეს ნიშნავს, რომ ჩვენ ვეღარ მოვახდენთ მომხმარებლების ზუსტ იდენტიფიკაციას, მაგრამ შევძლებთ ისეთი არაპირდაპირი ნიშნებისა და სიგნალების გაანალიზებას, როგორიცაა ჰეშირებული (ახლებურად წარმოდგენილი ძველი) მონაცემები. ეს იმაზე მეტყველებს, რომ მომავალში AI მოდელირება გახდება მთავარი ფაქტორი კონვერსიების განსაზღვრაში, რაც შესაძლებელია მონაცემთა გაზრდილი მოცულობისა და მანქანათმცოდნეობის გაუმჯობესებული ტექნოლოგიების წყალობით.ხელოვნური ინტელექტი მიზნად ისახავს არა სპეციალისტების ჩანაცვლებას, არამედ მათი მუშაობის სრულყოფას. ის გადამწყვეტ როლს შეასრულებს ისეთ ამოცანებში, როგორებიცაა რეკლამისთვის პლატფორმის არჩევა, შეთავაზებების განსაზღვრა და სხვა სფეროები, სადაც საჭიროა დიდი რაოდენობით მონაცემების ანალიზი და დამუშავება.მონაცემთა შესაძლებლობები Google-ის ინსტრუმენტებთან კომბინაციაშიროგორც უკვე აღვნიშნეთ, ხელოვნური ინტელექტის ყველაზე მოწინავე ალგორითმებსაც კი ესაჭიროება მონაცემები შესასწავლად და საწყისი გამოთვლებისთვის, რათა შეძლოს მომხმარებლის მოგზაურობის ეფექტური მოდელირება. თუმცა მონაცემები, რომლებსაც რეკლამის განმთავსებლები და მარკეტოლოგები იღებენ მესამე მხარის პროვაიდერებისგან, მოძველებულია და საჭირო ფორმატში ვერ ხერხდება მათი განახლება. ამიტომაც მარკეტერები თავიანთ მონაცემებს ეყრდნობიან.ამისათვის საიტს უნდა ჰქონდეს ფორმა, რომელიც საშუალებას მოგცემთ, შეაგროვოთ მომხმარებლის პირველადი (1-ელი მხარე) მონაცემები. მაგალითად, ბრენდმა შეიძლება შესთავაზოს 10%-იანი ფასდაკლება ან რაიმე სხვა წახალისება ელექტრონული ფოსტის მისამართისა და მონაცემების სანაცვლოდ.ელექტრონული წერილის მიღების შემდეგ მარკეტოლოგებს შეუძლიათ გამოიყენონ ის შემდეგი მიზნებისთვის: შესთავაზონ ბმულის გამოწერა. თვალყური ადევნონ მომხმარებელთა აქტივობას საიტზე და ასევე დააკვირდნენ, თუ რას ანიჭებენ ისინი უპირატესობას. შეაგროვონ დამატებითი ინფორმაცია და ა.შ. არ შეიძლება სათანადოდ არ შევაფასოთ, რამდენად მნიშვნელოვანია დღეს ბიზნესისთვის პირველადი (პირველი მხარის) მონაცემები. ეს არის ხელოვნური ინტელექტის ალგორითმების მომზადების მთელი სისტემის საფუძველი, რომელიც გამოიყენება მომხმარებლის ქცევის გასაანალიზებლად და უფრო ზუსტი მარკეტინგული გადაწყვეტილებების მისაღებად.ეს სისტემური მიდგომა, რომელიც მოიცავს პირველადი (1-ელი მხარე) მონაცემების შეგროვებას, თანხმობის რეჟიმს, ბრაუზერის იდენტიფიკაციასა და AI შესაძლებლობებს, საშუალებას აძლევს კომპანიებს, გააუმჯობესონ პერსონალიზაცია, გაზარდონ თავიანთი სარეკლამო კამპანიების ეფექტიანობა და მიაღწიონ უკეთეს შედეგს აუდიტორიის სეგმენტაციასა და მომხმარებელთა ქცევის პროგნოზირებაში. დასკვნა და რეკომენდაციებიპროგნოზის მიხედვით, უახლოეს მომავალში privacy სივრცის ცვლილებები გავლენას მოახდენს მსოფლიოს მოსახლეობის 75%-ზე, რაც ნიშნავს, რომ შეუძლებელი გახდება privacy-ს ახალი წესების გაუთვალისწინებლობა. მონაცემთა privacy სტანდარტების ცვლილებებთან წარმატებით ადაპტაციისა და 2024 წელს თქვენი მარკეტინგული სტრატეგიისთვის მყარი საფუძვლის შესაქმნელად, Admixer Advertising-ის ექსპერტები რეკომენდაციას უწევენ შემდეგ ნაბიჯებს: განაახლეთ Google Analytics 4 (GA4). თუ ეს ნაბიჯი ჯერ არ გადაგიდგამთ, გადადგით რაც შეიძლება მალე. ეს საშუალებას მოგცემთ, გამოიყენოთ მოწინავე და მძლავრი ანალიტიკური ინსტრუმენტები, რათა თვალყური ადევნოთ და გააანალიზოთ მონაცემები. დააყენეთ და გაააქტიურეთ თანხმობის რეჟიმი (consent banner) Google-ის ინსტრუქციის მიხედვით, იმ კონკრეტულმა აუდიტორიამ, რომელიც არის ევროკავშირის (EU) ქვეყნებიდან. ეს საშუალებას მოგცემთ, გადაიტანოთ მონაცემები ევროკავშირის ქვეყნების მომხმარებლების თანხმობით თქვენს GA4 ქონებაზე, დანაკარგის გარეშე. შეგიძლიათ გამოიყენოთ Google-ის მიერ რეკომენდებული თანხმობის მართვის ფასიანი პლატფორმები (CMP), ან თავადვე დააყენოთ. განაახლეთ Google SDK მობილური აპისთვის და Google API. თუ მუშაობთ მობილურ აპებთან ან ცვლით მონაცემებს სხვადასხვა სარეკლამო პლატფორმებს შორის Google API-ის მეშვეობით, დარწმუნდით, რომ თქვენი ხელსაწყო და API განახლებულია ხელმისაწვდომი უახლესი ვერსიით. ამ საკითხებთან და თქვენი ბიზნესის კონფიდენციალურობისა და მონაცემთა სტრატეგიის სხვა ასპექტებთან დაკავშირებით შეგიძლიათ მიიღოთ დამატებითი რჩევები Admixer Advertising სპეციალისტებისგან, მოთხოვნის გაგზავნით მისამართზე: hello-gmp@admixeradvertising.com. ჩვენი კომპანია 2016 წლიდან Google Marketing Platform-ის ოფიციალური გადამყიდველია EMEA რეგიონში და, ამასთანავე, Google-ის სერტიფიცირებული პარტნიორია. ჩვენ მზად ვართ, დაგეხმაროთ, მიიღოთ წვდომა მოწინავე სარეკლამო ტექნოლოგიებზე, ანალიტიკურ, კრეატიულ და ღრუბლოვან პლატფორმებზე და გააუმჯობესოთ მათი გამოყენება თქვენს ბიზნესში.წყაროები:1.Deloitte: Digital Consumer Trend Survey 20202.Gartner: The TOP 8 predictions for 2021-20223.IAB Research 20214.Gartner Research May 20235.Ipsos pull via eMarketer, June 20236.GroupM & MMA India Mobile Marketing Ecosystem Report 2020GroupM AI Powered = Fully automated across inventory and fully automated inventory specific