H&M ჯგუფის მთლიანი მოგება (1 დეკემბერი 2023 – 30 ნოემბერი 2024) 4%-ით გაიზარდა და 125.2 მლრდ. შვედური კრონა შეადგინა. ამის შესახებ ინფორმაციას H&M ჯგუფი ავრცელებს.
ფინანსურ ანგარიშში აღნიშნულია, რომ 2023 წელთან შედარებით, კომპანიის საოპერაციო მოგება 28 პროცენტით გაიზარდა.
H&M ჯგუფის აღმასრულებელი დირექტორის დანიელ ერვერის განცხადებით, კომპანიამ 2024 წელს 88 ახალი მაღაზია გახსნა.
"4200-ზე მეტი მაღაზიით, მაღაზიების პორტფელის განახლება ჩვენთვის პრიორიტეტად დარჩება. გაყიდვები და საოპერაციო მოგება მეოთხე კვარტალში გაიზარდა, რაც განპირობებულია ძლიერი ონლაინ გაყიდვებით, ქალთა მოდის კოლექციებით კარგად მიღებული და ეფექტური ხარჯების კონტროლით.
მიუხედავად იმისა, რომ მუდმივმა რთულმა მაკროეკონომიკურმა პირობებმა და გეოპოლიტიკურმა გაურკვევლობამ 2025 წლის განმავლობაში შეიძლება გავლენა მოახდინოს მომხმარებელთა განწყობაზე, ჩვენ ვხედავთ ზოგიერთ პოზიტიურ ნიშანს, როგორიცაა ინფლაცია და საპროცენტო განაკვეთები. ჩვენი დივერსიფიცირებული მიწოდების ჯაჭვი გვაძლევს მოქნილობას, რომელიც საჭიროა სხვადასხვა ბაზარზე უარყოფითი გარე ზემოქმედების შესამცირებლად", - აცხადებს დანიელ ერვერი.
რაც შეეხება სამომავლო გეგმებს - H&M ჯგუფი გაფართოებას გეგმავს. კერძოდ, H&M-ის პირველი მაღაზია ბრაზილიაში, სან პაულოში 2025 წლის ბოლოს გაიხსნება.
H&M Hennes & Mauritz AB დაარსდა შვედეთში 1947 წელს. ჯგუფის აქციები განთავსებულია Nasdaq Stockholm-ის სავაჭრო ბირჟაზე. H&M-ის მიზანია მომხმარებლებს მსოფლიოს მასშტაბით შესთავაზოს მოდა და ხარისხი საუკეთესო ფასად, მდგრადი გზით. H&M-თან ერთად ჯგუფი აერთიანებს ბრენდებს: COS, Monki, Weekday, & Other Stories, H&M HOME და ARKET, ასევე Sellpy.
ცნობისთის, H&M საქართველოს ბაზარზე 2017 წლიდან არის წარმოდგენილი და ამ ეტაპზე სამ მაღაზიას აერთიანებს.
