კაკაო მსოფლიოში 215%-ით გაძვირდა და 1 ტონის ფასი რეკორდულ 9350 დოლარიან ნიშნულს აღწევს. კაკოს გაძვირება დასავლეთ აფრიკაში მოსავალის შემცირებით არის განპირობებული.
მდგომარეობა იმანაც გაართულა, რომ შოკოლადის უმსხვილესმა მწარმოებლებმა კაკაოს მოსავლის პანიკური შესყიდვა დაიწყეს. სპეციალისტების მოლოდინით, წლევანდელ სეზონზე კაკაოს დეფიციტი 375 ათასი ტონა იქნება, ბაზარზე კაკაოს ასეთი დეფიციტი ბოლო 65 წლის განმავლობაში არ ყოფილა, რაც შოკოლადისა და ტკბილეულის გაძვირების საფუძველია.
კაკაოს გაძვირების ფონზე შოკოლადისა და ტკბილეულის გაძვირების მოლოდინია საქართველოშიც. ქართველი მწარმოებლები ამბობენ, რომ ქართული ბაზარი დამოკიდებულია კაკაოსა და შოკოლადის იმპორტზე, შესაბამისად, ფასების ცვლილება გარდაუვალია.
საქსტატის მონაცემებით, 2024 წლის იანვარ-თებერვალში საქართველომ 12,623 მლნ დოლარის 3 260 ტონა შოკოლადი და კაკაოს შემცველი პროდუქცია შეიძინა, პროდუქციის რაოდენობა 47%-ით არის გაზრდილი, ღირებულებითი მაჩვენებელი კი 37%-ით. იმპორტიორ ქვეყნებში რუსეთი, თურქეთი, უკრიანა და იტალიაა.
336%-ით არის გაზრდილი საქართველოდან შოკოლადის ექსპორტი, სულ იანვარ-თებერვალში ექსპორტზე 2 მლნ დოლარის 390 ტონა შოკოლადი და კაკაოს შემცველი პროდუქცია გავიდა, საექსპორტო ბაზრებში სომხეთი, ირანი, ერაყი და აზერბიაჯანი ლიდერობს
