"საქსტატის" მონაცემების მიხედვით, მიმდინარე წელს ამერიკა საქართველოს ნომერ პირველი სავაჭრო პარტნიორია. კერძოდ, 2025 წლის იანვარ-თებერვალში ორ ქვეყანას შორის სავაჭრო ბრუნვამ 486 859 570 დოლარი შეადგინა.
მიმდინარე წლის პირველ ორ თვეში, საქართველოდან აშშ-ში 8.5 მლნ აშშ დოლარის საქონელი გავიდა, რაც გასული წლის ანალოგიური პერიოდის მაჩვენებელს დაახლოებით 2 მლნ აშშ დოლარით (2023 წლის ანალოგიური პერიოდის მაჩვენებელი 6.4 მლნ აშშ დოლარი იყო) აღემატება.
იანვარ-თებერვალში ყველაზე მეტი ღირებულების შემდეგი პროდუქტი გავიდა საქართველოდან აშშ-ში ექსპორტზე:
- შავი ლითონის მილები, მილაკები და ღრუ პროფილები - $2.13 მლნ - 1 997 ტონა
- საფრენი აპარატების ნაწილები - $1.65 მლნ - 5.68 ტონა
- ყურძნის ნატურალური ღვინოები - $1.36 მლნ - 193.8 ტონა
- ხილისა და ბოსტნეულის წვენები - $709 ათასი - 530 ტონა
- მინერალური და მტკნარი წყლები - $347 ათასი - 568 ტონა.
იანვარ-თებერვალში აშშ-დან ყველაზე მეტი ღირებულების შემდეგი პროდუქტები შემოვიდა:
- სურათები, ნახატები და პასტელები - $227 958 470 - 5.24 ტონა
- მსუბუქი ავტომობილები - $193 495 530 - 15 301 ერთეული
- ქანდაკებების და სტატუეტები - $30 663 540 - 19 ტონა
- თხილი და სხვა კაკალი - $4 699 100 - 652 ტონა
- სატვირთო ავტომობილები - $1 821 480 - 70 ერთეული.
შეგახსენებთ, აშშ-ის პრეზიდენტმა დონალდ ტრამპმა საქართველოს 10%-იანი ტარიფები დაუწესა. აშშ-ის პრეზიდენტის მიერ წარდგენილი ცხრილის მიხედვით, სხვადასხვა ქვეყნისთვის აშშ-ის მიერ დაწესებული ტარიფები ასეთია: ჩინეთს 34%-იანი ტარიფი დაუწესდა, ინდოეთს – 26%-იანი, იაპონიას – 24%-იანი, ვიეტნამს – 46%-იანი, ტაივანს – 32%-იანი, მოლდოვას – 31%-იანი, სამხრეთ კორეას – 25%-იანი, კამბოჯას – 49%-იანი, ტაილანდს – 36%-იანი, შრი ლანკას – 44%-იანი და ა.შ. ინფორმაციას Skynews-ი ავრცელებს.
