გლდანის რაიონში კიდევ ოთხი სპორტული მოედანი განახლდა. ამის შესახებ ინფორმაციას თბილისის მერია ავრცელებს.
უწყების ცნობით, ჯანსაღი ცხოვრების წესის ხელშეწყობის მიზნით, გლდანის რაიონის გამგეობა სპორტული სივრცეების მოწყობა-რეაბილიტაციას აგრძელებს.
ამ ეტაპზე, სამუშაოები ოთხ მისამართზე დასრულდა, რისთვისაც, ჯამში 199 000 ლარი დაიხარჯა.
სრული რეაბილიტაცია, მათ შორის, ჩაუტარდა I მიკრორაიონის N3–3ა კორპუსებთან და 26 მაისის ქუჩაზე, N203 ბაგა-ბაღის მიმდებარედ არსებულ სპორტულ მოედნებს.
დასრულებულ სამუშაოებს გლდანის რაიონის გამგებელი ბესიკ კალაძე გაეცნო.
