Apple-მა დღეს iPhone 18 Pro და iPhone 18 Pro Max წარადგინა, რომლებიც iPhone-ის ისტორიაში ყველაზე მოწინავე პროფესიონალურ კამერის სისტემას, ასევე ბატარეის მუშაობისა და წარმადობის მნიშვნელოვან გაუმჯობესებებს აერთიანებს.
ახალი 48-მეგაპიქსელიანი Fusion Main კამერა, რომელსაც ახლა უკვე ცვლადი დიაფრაგმა აქვს, მომხმარებლებს ფოტოგრაფიის დროს კრეატიულ კონტროლს სთავაზობს, რაც აქამდე შეუძლებელი იყო. ორივე მოდელი აღჭურვილია უფრო პატარა და ფუნქციურად გაუმჯობესებული Dynamic Island-ით, ასევე A20 Pro ჩიპითა და ახალი თაობის ორთქლის კამერით (vapor chamber), რომლებიც ერთად iPhone-ის ისტორიაში ყველაზე მაღალ ხანგრძლივ წარმადობას უზრუნველყოფს.
iPhone 18 Pro Max კი iPhone-ის ისტორიაში ბატარეის მუშაობის ხანგრძლივობის ყველაზე დიდ გაუმჯობესებას გვთავაზობს. ეს შესაძლებელი გახდა Apple-ის სილიკონის ჩიპებში განხორციელებული ტექნოლოგიური წინსვლისა და უფრო დიდი ბატარეის წყალობით. iPhone 18 Pro და iPhone 18 Pro Max ხელმისაწვდომი იქნება ოთხ დახვეწილ ფერში: შავი, ვერცხლისფერი, ღია ცისფერი და სრულიად ახალი ბურგუნდისფერი.
წინასწარი შეკვეთები შაბათს, 12 სექტემბერს დაიწყება, ხოლო მოწყობილობები გაყიდვაში პარასკევს, 18 სექტემბერს გამოვა.
თამთა ცერცვაძე
