საქართველოს მთავრობამ იშვიათი დაავადებების მქონე პაციენტების დაფინანსება გაზარდა და პროგრამას ახალი მიმართულება დაამატა.
საკანონმდებლო მაცნეში გამოქვეყნებული დადგენილების თანახმად, სახელმწიფო დაფინანსება შეეხება დიუშენის კუნთოვანი დისტროფიის, ასევე ბეკერის კუნთოვანი დისტროფიის და სპინალური კუნთოვანი ატროფიის მქონე მოქალაქეებს.
პაციენტებისთვის განისაზღვრა როგორც ამბულატორიული, ისე სტაციონალური მეთვალყურეობა, მრავალპროფილური კონსულტაციები და საჭირო კვლევები, რაც სრულად დაფინანსდება და თანაგადახდას არ ითვალისწინებს.
დადგენილებაში შესული ცვლილებით, იშვიათი დაავადებების სახელმწიფო პროგრამის ბიუჯეტი გაიზარდა და 2026 წლისთვის 71 მილიონ 26 ათასი ლარით განისაზღვრა. დაფინანსების ძირითადი ნაწილი, 69 მილიონზე მეტი სპეციფიკური მეტიკამენტების უზრუნველყოფაზე მოდის.
