გაზრდილი სიჩქარე, უცვლელი ფასი - "მაგთიკომი" აგრძელებს ინტერნეტის ხარისხის გაუმჯობესებას და აბონენტებისთვის აქტუალური სერვისების განვითარებას.
"8 სექტემბრიდან მაგთიმ აბონენტებს, რომლებიც 50 მბ/წმ-იანი სიჩქარით სარგებლობდნენ, ფასის ცვლილების გარეშე, ავტომატურად გაუზარდა ინტერნეტის სიჩქარე 70 მბ/წმ-მდე.
ეს სიახლე ნახევარ მილიონამდე ოჯახს შეეხება. გაზრდილი სიჩქარე მნიშვნელოვნად გააუმჯობესებს მათ ინტერნეტგამოცდილებას - იქნება ეს სწავლა, მუშაობა, გართობა თუ ყოველდღიური ონლაინ საქმიანობა.
მაგთიკომისთვის მთავარია აბონენტების კმაყოფილება და მათი შესაძლებლობების ზრდა. დღეს, 500-ზე მეტ ქალაქსა და სოფელში სარგებლობენ მაგთის ოპტიკური ინტერნეტით. გაზრდილი სიჩქარე კი კიდევ უფრო დაეხმარება მათ მიზნების განხორციელებაში. ასევე, კომპანიის ეს გადაწყვეტილება, პოზიტიურ გავლენას იქონიებს საქართველოს ფიქსირებული ინტერნეტის მაჩვენებლებზე,"-აღნიშნულია "მაგთიკომის" მიერ გავრცელებულ ინფორმაციაში.
