სამომხმარებლო ფასების ჰარმონიზებული ინდექსი საქართველოში წინა თვესთან შედარებით 0.2% გაიზარდა. ამის შესახებ სტატისტიკურ მონაცემებს "საქსტატი" ავრცელებს.
რაც შეეხება წლიურ მონაცემებს - სტატისტიკის თანახმად, წინა წლის შესაბამის თვესთან შედარებით სამომხმარებლო ფასების ჰარმონიზებული ინდექსის 4.9%-იანი ზრდა დაფიქსირდა.
სამომხმარებლო ფასების ჰარმონიზებული ინდექსი მუდმივი საგადასახადო განაკვეთებით (HICP-CT) ზომავს სამომხმარებლო ფასების ცვლილებას პროდუქტებზე საგადასახადო განაკვეთების ცვლილების ზემოქმედების გარეშე დროის იმავე პერიოდში.
ადმინისტრირებადი სამომხმარებლო ფასების ჰარმონიზებული ინდექსი (HICP-AP) გაიანგარიშება პროდუქტებისთვის, რომელთა ფასებსაც ადგენს ან მათზე მნიშვნელოვან გავლენას ახდენს მთავრობა, ადგილობრივი ხელისუფლება, ეროვნული მარეგულირებელი ორგანოები ან ზედამხედველობის ორგანოები.
