მმართველი გუნდი სიგარეტსა და „აიქოსზე“ აქციზის გადასახადის გაზრდას გეგმავს. ამის შესახებ საპარლამენტო უმრავლესობის სხდომის შემდეგ გამართულ ბრიფინგზე, უმრავლესობის ლიდერმა, მამუკა მდინარაძემ განაცხადა.
შესაბამისი ცვლილება საგადასახადო კოდექსში შევა.
„მმართველმა გუნდმა მიიღო გადაწყვეტილება, რომ საგადასახადო კოდექსში შევიდეს ცვლილება, სიგარეტისა და „აიქოსის“ შემთხვევაში, გაძვირდეს აქციზის გადასახადი, რაც „აიქოსის“ შემთხვევაში იქნება 15 თეთრის, ხოლო სიგარეტის შემთხვევაში 20 თეთრის ოდენობის“, – აღნიშნა მამუკა მდინარაძემ.
