მიმდინარე წლის იანვარში, წინა წლის იგივე თვესთან შედარებით, ჯანმრთელობის დაცვის ჯგუფში ფასები 3,8%-ით გაიზარდა. 'საქსტატის" მონაცემებით, ფასები, ძირითადად, გაიზარდა ამბულატორიული სამედიცინო მომსახურების (4.8 პროცენტი) და სამედიცინო პროდუქციის, აპარატურის და მოწყობილობის (4.5 პროცენტი) ქვეჯგუფებზე. საავადმყოფოების მომსახურება კი 0,2%-თაა გაძვირებული.
რაც შეეხება ფასების შედარებას წინა თვესთან შედარებით, საქსტატის ინფორმაციით, ჯგუფში ფასები მომატებულია 1.1 პროცენტით. ფასები მომატებულია ქვეჯგუფებზე: სამედიცინო პროდუქცია, აპარატურა და მოწყობილობა - 1.5 პროცენტი, ამბულატორიული სამედიცინო მომსახურება - 1.4 პროცენტი, საავადმყოფოების მომსახურების ფასები კი არ შეცვლილა.
ზოგადად კი, 2025 წლის იანვარში წინა თვესთან შედარებით ინფლაციის დონემ საქართველოში 0.4 პროცენტი, ხოლო წლიური ინფლაციის დონემ 2.0 პროცენტი შეადგინა.
jandacva.ge
