ფინანსთა სამინისტროს შემოსავლების სამსახურის საბაჟო დეპარტამენტმა 32 039 კგ პომიდორი სარფიდან თურქეთში გააბრუნა. მიზეზი, საქონლის ინსპექტირებისას, პომიდორზე გამოვლენილი მავნე ორგანიზმი Tuta Absoluta-აა (სამხრეთამერიკული მენაღმე ჩრჩილი).
"ფინანსთა სამინისტროს შემოსავლების სამსახურის საბაჟო გამშვებ პუნქტში „სარფი“, თურქეთის რესპუბლიკიდან შემოტანილი პომიდორის 2 სასაქონლო პარტია (საერთო წინა 32 039 კგ.) იქნა შეჩერებული.
სასაზღვრო-საკარანტინო კონტროლის პროცედურების ფარგლებში, პასუხისმგებელი ფიტოსანიტარის მიერ, საქონლის ინსპექტირებისას, პომიდორზე საკარანტინო მავნე ორგანიზმისთვის (Tuta Absoluta) დამახასიათებელი კვალი გამოვლინდა", - აღნიშნულია საბაჟო დეპარტამენტის განცხადებაში.
საქართველოს მთავრობის 2019 წლის 20 სექტემბრის №463 დადგენილების შესაბამისად, აღნიშნული საქონელი ექსპორტიორ ქვეყანაში გაბრუნებას დაექვემდებარა.
