logo
Loading data...

ვაზიანი-გომბორი-თელავის საავტომობილო გზის რეაბილიტაცია შემოდგომაზე დასრულდება - ბიუჯეტი ₾66.7 მლნ-ია

ვაზიანი-გომბორი-თელავის საავტომობილო გზის რეაბილიტაცია შემოდგომაზე დასრულდება - ბიუჯეტი ₾66.7 მლნ-ია

1717503406

შიდასახელმწიფოებრივი მნიშვნელობის ვაზიანი-გომბორი-თელავის საავტომობილო გზის 33.6 კმ-იანი მონაკვეთის რეაბილიტაცია 2024 წლის შემოდგომაზე დასრულდება. ამის შესახებ ინფორმაციას საქართველოს საავტომობილო გზების დეპარტამენტი ავრცელებს. 

უწყების ცნობით, ამ ეტაპზე ხელოვნური ნაგებობების ძირითადი ნაწილი დასრულებულია, საგზაო სამოსი მოწყობილია 17 კმ-ზე, დასრულების ეტაპზეა მეწყერსაწინააღმდეგო ღონისძიებები, რაც ჯამში ითვალისწინებს 35 მეწყრულ უბანზე პრევენციული სამუშაოების ჩატარებას.

"გომბორის გზა მოძრაობის მაღალი ინტენსივობით გამოირჩევა, რომელიც ერთ-ერთი უმოკლეს გზას წარმოადგენს ახმეტის, თელავის და ყვარელის მუნიციპალიტეტის მიმართულებით.  პროექტის შესაბამისად, გათვალისწინებულია გზის სავალი ნაწილის სრული რეაბილიტაცია, ასფალტ-ბეტონის საფარის დაგება, 6 ხიდის რეაბილიტაცია, გატარდება მეწყერსაწინააღმდეგო ღონისძიებები, სრულად აღიჭურვება მოძრაობის რეგულირების ტექნიკური საშუალებებით. პროექტი სახელმწიფო ბიუჯეტიდან 66 700 000 ლარით ფინანსდება,"-აღნიშნულია ინფორმაციაში. 

გადაცემები

info@bp.ge

+995595334912

გამოგვყევით