საქართველოში წარმოებულ აზოტოვან სასუქებზე მოთხოვნა მზარდია. "საქსტატის" მონაცემებით, იანვარ-ივნისში ქვეყნიდან 81 მილიონ დოლარზე მეტის ღირებულების სასუქები გავიდა, რაც წინა წლის ანალოგიურ პერიოდთან შედარებით 18%-ით მეტია. ა
ზოტოვან სასუქებს უმსხვილეს საექსპორტო ათეულში 2%-იანი წილით მეათე ადგილი უჭირავს. ყველაზე დიდი მოცულობით, აზოტოვანი სასუქების ექსპორტი საქართველოდან უკრაინაში განხორციელდა. პროდუქტი ათეულობით ქვეყანაში გავიდა. მათ შორისაა: პერუ, ნამიბია, კოლუმბია და სხვა.
აზოტოვანი სასუქების ექსპორტის მაჩვენებლები რიცხვებში ასეთია:
უკრაინა - 19.5 მლნ დოლარის ღირებულების 58.6 ათასი ტონა
პერუ - 14. 2 მლნ დოლარის ღირებულების 35.8 ათასი ტონა
ინდოეთი 9.2 მლნ დოლარის ღირებულების 29 ათასი ტონა
განა - 7.9 მლნ დოლარის ღირებულების 15.9 ათასი ტონა
სომხეთი - 5.1 მლნ დოლარის ღირებულების 13.2 ათასი ტონა
