პირველი მარტისთვის საბანკო სექტორში ფიზიკური პირების 27 მლრდ ლარის დეპოზიტებია და 81% სისტემურ 2 ბანკშია. საცალო დეპოზიტარების უმრავლესობა საქართველოს ბანკს და თიბისის ირჩევს.
ბაზარზე ოპერირებად 17 ბანკში (თუ ახლად ლიცენზირებულ ციფრული ბანკებსაც (პეისერა, ჰეში, პეივ ჯორჯია) მივათვლით) 8 კომერციული ბანკია, რომლის საცალო ანაბრების პორტფელი ნახევარი მილიარდის ლარის ფარგლებშია/აღემატება.
საცალო ანაბრების პორტფელის დოლარიზაცია კვლავ მაღალია. კოეფიციენტი 64%-ს აღემატება. სებ-ის სტატისტიკით, საცალო პორტფელში 17.4 მლრდ ლარის ეკვივალენტი სავალუტო დეპოზიტებია, ლარში კი 9.6 მლრდ-ის ფარგლებში.
TOP 8 ბანკი საცალო დეპოზიტებით (000 ₾)
| 01.03.2024 | 01.09.2023 | |
| საქართველოს ბანკი | 12 553 903 | 11 469 600 |
| თიბისი | 9 669 369 | 9 264 300 |
| ლიბერთი | 1 743 961 | 1 546 072 |
| ბაზისბანკი | 1 066 748 | 962 763 |
| კრედო | 623 075 | 504 900 |
| ქართუ | 504 684 | 398 055 |
| პროკრედიტი | 493 305 | 441 800 |
| ტერაბანკი | 472 025 | 435 300 |
