ვაშინგტონში, საერთაშორისო სავალუტო ფონდისა და მსოფლიო ბანკის ყოველწლიური შეხვედრების ფარგლებში საქართველოს ეროვნული ბანკის პრეზიდენტი ნათია თურნავა და ფინანსთა მინისტრი ლაშა ხუციშვილი საერთაშორისო სავალუტო ფონდის აღმასრულებელ დირექტორს იერუნ კლიკს შეხვდნენ.
მხარეებმა განიხილეს საქართველოში არსებული ეკონომიკური მდგომარეობა. საუბარი ასევე შეეხო გლობალურ გამოწვევებსა და რისკებს.
აღინიშნა, რომ მიმდინარე გეოპოლიტიკური სირთულეების მიუხედავად საქართველოს ეკონომიკამ გლობალური გამოწვევების მიმართ მდგრადობა აჩვენა, რომელიც ეფუძნება სტაბილურ მაკროეკონომიკურ გარემოსა და მყარ ფუნდამენტურ ფაქტორებს.
ხაზი გაესვა სებ-ის თანმიმდევრულ მონეტარული პოლიტიკას და ფასების სტაბილურობას, საფინანსო სექტორის ჯანსაღ ინდიკატორებს, რამაც საქართველოს ეკონომიკის მდგრადობა განაპირობა.
განიხილეს ეკონომიკური ზრდის ტენდენციები. მნიშვნელოვანია, რომ ეკონომიკური ზრდის მიღწევა ფასების სტაბილურობის შენარჩუნების პირობებში მოხდა, რაც ეროვნული ბანკის თანმიმდევრული მონეტარული პოლიტიკის შედეგია.
მხარეებმა ისაუბრეს სამომავლო თანამშრომლობასა და სსფ-ს საშემფასებლო მისიების მომავალ ვიზიტებზე საქართველოში.
სსფ-ს აღმასრულებელ დირექტორთან შეხვედრას ესწრებოდნენ სებ-ის ვიცე-პრეზიდენტები ეკატერინე მიქაბაძე და ეკატერინე გალდავა, ფინანსთა მინისტრის მოადგილე ეკატერინე გუნცაძე, ეკონომიკისა და მდგრადი განვითარების მინისტრის მოადგილე ვახტანგ ცინცაძე. ასევე, სებ-ის მაკროეკონიმიკისა და სტატისტიკის დეპარტამენტის ხელმძღვანელი თამთა სოფრომაძე.
გადაცემები
ფინანსები
ეკონომიკა
ბიზნესი
ენერგეტიკა
ტურიზმი
ინფრასტრუქტურა
სტარტაპი
მსოფლიო
ტექნოლოგიები
საზოგადოება
სოფლის მეურნეობა
ბლოგი
ჯანდაცვა
შუა დერეფანი
ქალთა ეკონომიკური გაძლიერება
რეკლამა ბიზნესპარტნიორზე
განათავსეთ თქვენი რეკლამა ბიზნესპარტნიორზე. დეტალებზე დაუკავშირდით სარეკლამო სამსახურს
599200018
