ბოლო წლებში სატრანზიტო ნაკადების და ადგილობრივი მოთხოვნის გაზრდის გამო, მოთხოვნა საწყობებსა და ლოგისტიკასთან დაკავშირებულ სერვისებზე გაიზარდა. ამის შესახებ "თიბისი კაპიტალის" მიმოხილვაშია აღნიშნული, რომელიც სააგენტოს - "აწარმოე საქართველოში" ეგიდით გამოქვეყნდა.
დოკუმენტის მიხედვით, სასაწყობო ობიექტების სავარაუდო მთლიანი გასაქირავებელი ფართობი დაახლოებით 2.2 მილიონი კვადრატული მეტრია.
იჯარით გაცემულ საწყობებს შორის 68% თბილისშია კონცენტრირებული, შემდეგ მოდის ქუთაისი (17%), ბათუმი (5%) და ფოთი (5%). თბილისის საწყობების GLA შეადგენს 393,369 კვადრატულ მეტრს, ძირითადად კონცენტრირებულია სამგორში (45%), ნაძალადევში (23%) და ისანში (11%).
თბილისში საშუალო ქირა $3-დან $5-მდე მერყეობს (დღგ-ს და მომსახურების საფასურის გარეშე). , A კლასის ობიექტების განაკვეთები $7-მდე იზრდება.
ქუთაისში, სასაწყობე ბაზარში ძირითადად წარმოდგენილია ტრადიციული ობიექტები, რომლებიც ქუთაისის თავისუფალი ინდუსტრიული ზონის (თიზ) მხარდაჭერით, ორიენტირებულია წარმოებაზე, აწყობასა და შენახვაზე,. აქ საშუალო ქირა არის $2-დან $2.5-მდეა.
ფოთი წარმოადგენს სასიცოცხლო ლოგისტიკურ და სამრეწველო ცენტრს შავი ზღვის სანაპიროზე, რომელშიც არის თავისუფალი ინდუსტრიული ზონა (FIZ) და მრავალი ტერმინალი და სატრანზიტო კომპანია. ბათუმს იჯარით გასაცემი საწყობის ბაზრის 5% უჭირავს, საშუალო ქირა 3-დან 6 დოლარამდე მერყეობს.
რუსთავის სასაწყობო ბაზარი ხასიათდება მცირე, არაორგანიზებული მოთამაშეებით, რომლებიც ორიენტირებულია ავტოსადგომზე და არა სპეციალურ ლოგისტიკურ ობიექტებზე, რაც მიუთითებს ზრდის შესაძლებლობებზე.
