Alibaba-ს საერთაშორისო პლატფორმაზე ქართული პავილიონი განთავსდება. აღნიშნულთან დაკავშირებით სააგენტოს „აწარმოე საქართველოში“ დირექტორმა მიხეილ ხიდურელმა ჩინეთში, ქალაქ ჰანჭოუში, Alibaba-ს სათაო ოფისში შეხვედრა გამართა.
აღსანიშნავია, რომ Alibaba.com-ს, 300 მილიონზე მეტი მომხმარებელი ჰყავს.
„ძალიან საინტერესო და პროდუქტიული შეხვედრა გვქონდა Alibaba-ს საერთაშორისო ურთიერთობების ხელმძღვანელთან. გვინდა საქართველო რაც შეიძლება მალე შეუერთდეს მსოფლიოში უმსხვილეს B2B პლატფორმას ეროვნული პავილიონით. ეს უნიკალურ შესაძლებლობას მისცემს ქართველ მეწარმეებს საგრძნობლად განავითარონ ბიზნესი და პროდუქცია გაიტანონ ექსპორტზე“ - განაცხადა მიხეილ ხიდურელმა.
Alibaba 1999 წელს დაარსდა და იგი მსოფლიოში ერთ-ერთი წამყვანი ტექნოლოგიური კომპანიაა, რომელიც ამჟამად 6 ბიზნეს ჯგუფს აერთიანებს
