ვულკანის განმეორებით ამოფრქვევის შემდეგ, რომლის გამოც ათასობით ადამიანის ევაკუაცია განხორციელდა, რამდენიმე საერთაშორისო ავიაკომპანიამ კუნძულ ბალიზე ორმხრივი ფრენები გააუქმა . ამის შესახებ ინფორმაციას Reuters-ი ავრცელებს.
გამოცემის ცნობით,4-დან 12 ნოემბრის შუალედში კუნძულ ბალიზე 80 ფრენა გაუქმდა, მათ შორის სინგაპურიდან, ჰონგ კონგიდან და ავსტრალიის რამდენიმე ქალაქიდან.
3 ნოემბერს ლევოტობი ლაკი-ლაკის ამოფრქვევამ, რომელიც კუნძულ ბალიდან დაახლოებით 800 კილომეტრის დაშორებით მდებარეობს, სულ მცირე, ცხრა ადამიანი იმსხვერპლა. მას შემდეგ ვულკანი მრავალჯერ ამოიფრქვა, მათ შორის, გასულ ღამეს რამდენჯერმე. Reuters-ის ინფორმაციით, ლევოტობიდან ამოფრქვეულმა ფერფლმა 10 კილომეტრის სიმაღლეს მიაღწია და მიმდებარე ტერიტორიები დაფარა.
