"Visa, Mastercard, PayPal და Alipay - ეს პლატფორმები ამერიკული ან ჩინური კომპანიების კონტროლის ქვეშ არის." - ამის შესახებ ევროპის ცენტრალური ბანკის პრეზიდენტმა, კრისტინ ლაგარდმა განაცხადა. ინფორმაციას Businesstoday.in-ი აქვეყნებს.
ევროპის ცენტრალური ბანკის პრეზიდენტი გადახდების სისტემაში რევოლუციას ითხოვს - რევოლუციას, რომელიც არღვევს ევროპის დამოკიდებულებას აშშ-სა და ჩინურ პლატფორმებზე, როგორიცაა Visa, Mastercard, PayPal და Alipay.
„დამოუკიდებლობისკენ სწრაფვად“ შეაფასა ეს ნაბიჯი ლაგარდმა და განაცხადა, რომ ევროპამ ფინანსური სუვერენიტეტის უზრუნველსაყოფად საკუთარი ალტერნატივა უნდა შექმნას. მისივე ინფორმაციით, სრულად გაერთიანებულმა კაპიტალის ბაზარმა შეიძლება გზა გაუხსნას უფრო ღრმა ფისკალურ ინტეგრაციას.
