უკრაინა მომავალ კვირას ვაშინგტონში დელეგაციას გაგზავნის მინერალების შესახებ ახალი ხელშეკრულების განსახილველად. ამის შესახებ უკრაინის ეკონომიკის მინისტრმა, იულია სვირიდენკომ Associated Press-ს განუცხადა.
„ახალი ხელშეკრულების პროექტი აშშ-დან აჩვენებს, რომ კვლავ არსებობს ფონდის შექმნის ან ერთობლივი ინვესტირების განზრახვა“, – განაცხადა სვირიდენკომ უკრაინაში ვიზიტის დროს.
კიევის დელეგაციაში ეკონომიკის, საგარეო საქმეთა, იუსტიციისა და ფინანსთა სამინისტროს წარმომადგენლები იქნებიან.
„ის, რაც ახლა გვაქვს, არის დოკუმენტი, რომელიც ასახავს აშშ-ის ხაზინის იურიდიული გუნდის პოზიციას. ეს არ არის საბოლოო ვერსია, ეს არ არის ერთობლივი პოზიცია“,- აღნიშნავს უკრაინის ეკონომიკის მინისტრი.
სვირიდენკოს თქმით, მხარეები უნდა დასხდნენ მოლაპარაკებების მაგიდასთან და განაგრძონ დიალოგი.
„ჩვენ ძალიან ფოკუსირებულები ვართ იმაზე, რომ შეთანხმების საბოლოო პროექტი მოლაპარაკებების შემდეგ სრულად შეესაბამებოდეს ჩვენს სტრატეგიულ ინტერესებს“, – განაცხადა სვირიდენკომ.
1tv.ge
