ევროკომისიის პრეზიდენტი ურსულა ფონ დერ ლაიენი აცხადებს, რომ ევროკავშირი საჭიროების შემთხვევაში მზადაა, თავისი ინტერესების დასაცავად დონალდ ტრამპის მიერ დაწესებულ ტარიფებზე პროპორციული საპასუხო ზომები მიიღოს. ინფორმაციას BBC ავრცელებს.
აღნიშნული ინფორმაცია დიდი ბრიტანეთის პრემიერ-მინისტრთნ, კირ სტარმერთან სატელეფონო საუბრის შემდეგ გავრცელდა.
BBC-ის ცნობით, სატელეფონო საუბრის დროს ფონ დერ ლაიენმა დაადასტურა ევროკავშირის მზადყოფნა აშშ-თან მოლაპარაკებებისთვის და გამოხატა „ღრმა შეშფოთება“ ტრამპის მიერ დაწესებული ტარიფების გამო.
ამასთან, მედიის ინფორმაციით, კირ სტარმერი ესაუბრა გერმანიის კანცლერს, ოლაფ შოლცს და გერმანიის „ქრისტიან-დემოკრატიული კავშირის“ ლიდერს, ფრიდრიხ მერცს. სტარმერმა მათთან საუბრისას „ხაზი გაუსვა, რომ იგი კვლავაც განაგრძობს მოქმედებას ბრიტანეთის ეროვნული ინტერესების შესაბამისად“.
1tv.ge
