ტრენინგები სოფლის განვითარების სააგენტოს დირექტორის მოადგილემ გიორგი ავალიანმა და თურქეთის თანამშრომლობისა და კოორდინაციის სააგენტოს (TIKA) თბილისის ოფისის კოორდინატორმა სალიჰ ოზერმა გახსნეს.
სოფლის განვითარების სააგენტოს თანამშრომლები გაეცნობიან თურქეთის სასოფლო-სამეურნეო დაზღვევის ფონდის (TARSIM) პრაქტიკას, კლიმატის ცვლილების გავლენას სასოფლო-სამეურნეო წარმოებასა და სადაზღვევო სისტემების გამოყენებით რისკების მართვის შესაძლებლობებს.
სწავლებას ჩაატარებენ თურქეთის რესპუბლიკის სასოფლო-სამეურნეო და სატყეო სამინისტროს სასოფლო -სამეურნეო დაზღვევის სამუშაო ჯგუფის ხელმძღვანელი სეიფეთთინ გიუნი, თურქეთის სასოფლო-სამეურნეო დაზღვევის ფონდის (TARSIM) სასოფლო-სამერნეო კულტურების დაზღვევის დირექტორის მოადგილე ელიფ ბედირი და ცხოველთა სიცოცხლის დაზღვევის დეპარტამენტის დირექტორის მოადგილე ფათიჰ ქოჯა.
ტრენინგი ხორციელდება თურქეთის თანამშრომლობისა და კოორდინაციის სააგენტოს (TIKA) მხარდაჭერით და მიზნად ისახავს აგროდაზღვევისა და სოფლის მეურნეობაში რისკების მართვის მიმართულებით ცოდნის გაღრმავებას.
აღსანიშნავია, რომ აგროდაზღვევის სახელმწიფო პროგრამას სოფლის განვითარების სააგენტო 2014 წლიდან ახორციელებს და ის ფერმერებისთვის მნიშვნელოვანი მხარდამჭერი ინსტრუმენტია მოსავლის კლიმატური რისკებისგან დაცვის კუთხით.
