Apple Inc. 2025 წლიდან სმარტ საათზე სატელიტური კავშირის დანერგვას გეგმავს. კომპანია ასევე აძლიერებს მუშაობას არტერიული წნევის ფუნქციაზე, რაც მომხმარებლებისთვის და განსაკუთრებით მოლაშქრეთათვის საჭირო განახლებაა.
როგორც Bloomberg-ი წერს, სატელიტური შესაძლებლობების დანერგვა მომავალი წლის Apple Watch Ultra-ზეა დაგეგმილი.
ეს ტექნოლოგია სმარტ საათების მომხმარებლებს საშუალებას მისცემს გაუგზავნონ ტექსტური შეტყობინებები Globalstar Inc.-ის თანამგზავრების ფლოტის მეშვეობით, როდესაც მათ არ ექნებათ წვდომა ფიჭურ ან Wi-Fi კავშირთან.
ტექნოლოგია გააფართოებს Apple-ის პროდუქტების მახასიათებლებს ჯანმრთელობისა და უსაფრთხოების კუთხით. როგორც კომპანიაში ამბობენ, ცდილობენ სმარტ საათი ერთგვარ სამაშველო მოწყობილობადაც აქციონ.
