საქართველოს კათალიკოს-პატრიარქის ილია II-ის გარდაცვალების გამო, BDO-ს რეგიონული აღმასრულებელი დირექტორი, ზურაბ ლალაზაშვილი სოციალურ ქსელ Linkedin-ზე სამძიმრის წერილს აქვეყნებს.
"ძალიან დიდი დანაკლისი საქართველოსთვის, 93 წლის ასაკში გარდაიცვალა უდიდესი სულიერი ლიდერი — სრულიად საქართველოს კათოლიკოს-პატრიარქი ილია II.
მისი წვლილი ქვეყნისა და საზოგადოების განვითარებაში შეუფასებელია — სიბრძნით, სიმშვიდით და ერთიანობის იდეით ის ათწლეულების განმავლობაში გვაერთიანებდა და მასთან ერთად დიდი ეპოქა დასრულდა!
განსაკუთრებით სამწუხაროა ჩვენი ოჯახისთვის - ილია II იყო ჩვენი ხუთი შვილის ნათლია.
გულწრფელი სამძიმარი მთელ საქართველოს და სრულიად საქრისტიანოს,"- წერს ზურაბ ლალაზაშვილი.
შეგახსენებთ, გუშინ, 17 მარტს, სრულიად საქართველოს კათოლიკოს-პატრიარქი ილია მეორე 93 წლის ასაკში გარდაიცვალა. მთავრობის განკარგულებით, ქვეყნის მასშტაბით ადმინისტრაციულ შენობებზე სახელმწიფო დროშები დაშვებულია.
