ზესტაფონის ფეროშენადნობთა ქარხანაში საწარმოო პროცესი ახალი სიმძლავრით განახლდა. ამის შესახებ განცხადებას კომპანია "ჯორჯიან მანგანეზი" საკუთარ ფეისბუქ გვერდზე წერს.
"ექსპლუატაციაში შევიდა №21 ღუმელი, რომლის გამომუშავების მოცულობა დღე-ღამეში 70 ტონას შეადგენს, რაც მაღალხარისხიანი მზა პროდუქციის უწყვეტ წარმოებას უზრუნველყოფს.დროებითი მართვის რეჟიმის ფარგლებში, ღუმელების პარალელურად, სრულმასშტაბიანი სარემონტო სამუშაოები ჩატარდა გაზგამწმენდ ფილტრებზე, რაც ტექნოლოგიური პროცესის ეკოლოგიური სტანდარტების გაუმჯობესებას ემსახურება",- აღნიშნულია კომპანიის მიერ გავცრელებულ ინფორმაციაში.
შეგახსენებთ, „ჯორჯიან მანგანეზი“, უმსხვილესი ქართული სამთო-მომპოვებელი და ფეროშენადნობების მწარმოებელი კომპანიაა, რომელიც 2006 წლიდან ოპერირებს.კომპანია 6 ათასამდე თანამშრომელს და რამდენიმე ძირითად ობიექტს აერთიანებს. მათ შორისაა, ჭიათურის სამთო-გამამდიდრებელი კომპლექსი, სადაც მანგანუმის მადნის მოპოვება და გამდიდრება მიმდინარეობს, ზესტაფონის ფეროშენადნობთა ქარხანა, რომელიც კომპანიის საბოლოო პროდუქტს - სილიკომანგანუმს აწარმოებს და ვარციხეჰესი, სრულად განახლებად ენერგიაზე მომუშავე ჰიდროელექტროსადგური, რომლის მიერ გამომუშავებული ენერგიაც უზრუნველყოფს მოპოვება-წარმოების პროცესს.
