ლონდონის საფონდო ბირჟაზე ქართული ბანკების აქციების ფასი მზარდია, რაც თავის მხრივ ინვესტორების მხრიდან საქართველოს საბანკო სისტემის ნდობაზე მეტყველებს.
არჩევნების შემდგომი კვირიდან ორივე ბანკის აქციების ფასმა კვლავ განაგრძო ზრდა.
ერთთვიან ინტერვალში ლონდონის საფონდო ბირჟაზე Bank of Georgia PLC-ის აქციები 37 ფუნტიდან 47 ფუნტამდე გაიზარდა, ხოლო TBC Bank Group PLC-ის აქციები 25 ფუნტიდან 30 ფუნტამდე გაძვირდა.
შეგახსენებთ, რომ ლონდონის საფონდო ბირჟაზე საქართველოს ბანკის, თიბისი ბანკისა და საქართველოს კაპიტალის აქციები ივაჭრება.
