30 ნოემბერს მსოფლიო ლიდერები დუბაიში COP28 კონფერენციაზე შეიკრიბებიან. ღონისძიებაზე, რომელიც 12 დეკემბრამდე გაგრძელდება, ქვეყნები შეაფასებენ, თუ რა უშლის ხელს კლიმატის ცვლილების წინააღმდეგ მიმართულ გეგმას და როგორ სრულდება პარიზის შეთანხმების მიზანი.
„ენერგეტიკის საერთაშორისო სააგენტოს ხელმძღვანელის“ განცხადებით, არსებობს ხუთი პირობა, რომ მომავალი სამიტი წარმატებულად ჩაითვალოს. ეს მოიცავს განახლებად ენერგიაზე გლობალური კაპიტალური დანახარჯების გასამმაგებას, ენერგოეფექტურობის გაუმჯობესების გაორმაგებას და განვითარებად ქვეყნებში სუფთა ენერგიის დაფინანსების მხარდაჭერის მექანიზმებზე შეთანხმებას.
საამიროების COP28-ზე კონფერენციის ხელმძღვანელი სულთან ალ-ჯაბერი აცხადებს, რომ ნავთობისა და გაზის ინდუსტრია კლიმატის ცვლილების შესახებ საუბრის ნაწილი უნდა იყოს.
მან მოუწოდა ენერგეტიკულ ინდუსტრიას, მიაღწიოს წმინდა ნულოვან ემისიას 2050 წლამდე ან მანამდე და დაჩქარდეს მთელი ინდუსტრიის ვალდებულება შეამციროს მეთანის ემისიები 2030 წლისთვის.
„ნავთობისა და გაზის 20-ზე მეტმა კომპანიამ დადებითად უპასუხა მოწოდებებს 2050 წლისთვის წმინდა ნულოვანი მიზნის მისაღწევად, მეთანის ემისიის აღმოსაფხვრელად და 2030 წლისთვის რუტინული აფეთქების შესაჩერებლად“ - თქვა COP28-ის პრეზიდენტმა სამიტის წინ გამართულ კონფერენციაზე.
COP28-ის წინ ქვეყნები ჯერ კიდევ ორ ნაწილად რჩებიან გაყოფილი - ერთი ნაწილი ითხოვს წიაღისეული საწვავის ეტაპობრივად გაუქმების შესახებ შეთანხმებას, ხოლო მეორე ნაწილი დაჟინებით ითხოვს ქვანახშირის, ნავთობისა და ბუნებრივი აირის როლის შენარჩუნებას.
