მნიშვნელოვანია პროცესების სასწრაფო დეესკალაცია, - ამის შესახებ "არსის" აღმასრულებელმა დირექტორმა ბესო ორთოიძემ პრემიერ-მინისტრ ირაკლი კობახიძესთან შეხვედრამდე ჟურნალისტებთან განაცხადა.
მისი თქმით, ბიზნესის წარმომადგენლები შეხვედრაზე პრემიერის პოზიციას მოისმენენ.
"2000-ზე მეტ კომპანიას დაფიქსირებული გვაქვს ჩვენი აზრი, რომ მნიშვნელოვანია პროცესების სასწრაფო დეესკალაცია. ამისთვის კი, მოთხოვნილი გვაქვს ვადამდელი არჩევნები და პატიმრების გათავისუფლება. მოვუსმენთ და ალბათ, მივიღებთ მათგანაც პასუხს", - აცხადებს ბესო ორთოიძე.
ცნობისთვის, ბიზნესების ნაწილი ქვეყანაში არსებული ვითარების დეესკალაციისთვის ახალი არჩევნების ჩატარებასა და აქციებზე დაკავებულების გათავისუფლებას ითხოვს.
