"შეზღუდული ფინანსური რესურსების გამო, იძულებული ვართ Biliki App-ს ფუნქციონირება შევაჩეროთ,"- ამის შესახე კომპანია Biliki.AI-ს დამფუძნებელი თორნიკე ცირამუა საკუთარ Facebook გვერდზე წერს.
"დიდი მადლობა მინდა გითხრათ ყველა ადამიანს მხარდაჭერისთვის, ნდობისთვის და იმ გამოცდილებისთვის, რომელიც ერთად დავაგროვეთ. ყველას, ვინც ერთხელ მაინც გამოიყენა აპლიკაცია, გულით მადლობას გიხდით.
მადლიერები ვართ ერთად დაგროვებული მოგონებებისთვის და თავგადასავლებისთვის, რომლებიც ჩვენ ერთად გავიარეთ.დიდი მადლობა, რომ ჩვენს ბილიკებზე იყავით!
პ.ს. Biliki AI ჩვეულებრივ აგრძელებს ფუნქციონირებას!
შეგახსენებთ, რომ ქართულმა სტარტაპმა BILIKI, სრულიად ახალი, ხელოვნურ ინტელექტზე დაფუძნებული პროდუქტი Biliki AI 2023 წელს წარადგინა. რაც შეეხება აპლიკაციას, ის 2020 წელს შეიქმნა და მოგზაურებს საქართველოს საფეხმავლო ბილიკების შესახებ ინფორმაციას აწვდის. მათ შორის: ბილიკის GPS ტრეკს, რუკას, აღწერას და ფოტო სურათებს, რომელიც დაეხმარება მოლაშქრეებს დაგეგმონ, აირჩიონ და მიიღონ მაქსიმალური ინფორმაცია მოცემული საფეხმავლო ბილიკების შესახებ. ასევე მათ საშუალება აქვთ შექმნან და გაყიდონ ტურები.
