„ინფლაცია არის საკმარისად დაბალი, ეკონომიკური აქტივობა არის ნორმალური და უბრუნდება პროპანდემიურ ტენდენციას,“- ამის შესახებ ეროვნული ბანკის პრეზიდენტის მოვალეობის შემსრულებლმა, ნათია თურნავამ „ბიზნესპარტნიორთან" საფინანსო სექტორის 2023 წლის შეფასებისას განაცხადა.
მისი ინფორმაციით, ეს არის ყველაზე მნიშვნელოვანი, რადგან ეროვნული ბანკის მანდატიდან გამომდინარე, სებ-ისთვის მთავარი ამოცანა არის ფასების დონის სტაბილურობის შენარჩუნება.
„ეს მიღწეულ იქნა როგორც ჩვენი გამკაცრებული მონეტარული პოლიტიკის ფონზე, ასევე მთავრობის ანტიინფლაციური პოლიტიკის შედეგად,“-აღნიშნავს თურნავა.
ეროვნული ბანკის პრეზიდენტის მოვალეობის შემსრულებელი 2024 წლის პროგნოზებზეც საუბრობს და აცხადებს, რომ მომავალ წელს მარეგულირებლის საბაზისო პროგნოზის მიხედვით, ინფლაცია კვლავაც შედარებით დაბალ დონეზე შენარჩუნდება და წლის ბოლოს მიზნობრივ 3%-იანი ნიშნულის ირგვლივ დასტაბილურდება.
„ეკონომიკური ზრდა იქნება რეგიონში ერთ-ერთი მაღალი - სულ მცირე 5%, ეს მნიშვნელოვანია, რადგან ფინანსური სისტემის სტაბილურობას უწყობს ხელს,“-აცხადებს თურნავა.
მისივე განცხადებით, გაზრდილია ინტერესი ციფრული ბანკების მიმართ, ეს არის ალტერნატიული, მაღალტექნილოგიური ფინანსური სერვისების მიწოდების წყარო. "მომავალში ველოდებით, რომ საკრედიტო აქტივობა ზომიერად გაფართოვდება,"-აცხადებს თურნავა.