ევროკავშირმა და აშშ-მა სატარიფო შეთანხმებას მიაღწია, რომლის მიხედვითაც ევროკავშირის საქონლის უმეტესობაზე 15%-იანი იმპორტული ტარიფი დაწესდა. ამის შესახე ინფორმაციას Reuters-ი ავრცელებს.
სავაჭრო შეთახმების ჩარჩოს მიხედვით, ევროკავშირიდან აშშ-ში იმპორტირებული პროდუქტების დიდ ნაწილზე 15%-იანი ტარიფი ამოქმედდება, ნაცვლად 30%-სა, როგორც ეს შეთანხმების გარეშე იქნებოდა.
აშშ-ის პრეზიდენტმა დონალდ ტრამპმა და ევროკომისიის პრეზიდენტმა ურსულა ფონ დერ ლაიენმა შეთანხმების შესახებ დასავლეთ შოტლანდიაში, ტრამპის მდიდრულ გოლფის მოედანზე, ერთსაათიანი შეხვედრის შემდეგ გამოაცხადეს.
„ვფიქრობ, ეს ოდესმე დადებული ყველაზე დიდი გარიგებაა“, - განუცხადა ტრამპმა ჟურნალისტებს და შეაქო ევროკავშირის გეგმები, რომელიც შეერთებულ შტატებში დაახლოებით 600 მილიარდი დოლარის ინვესტირებას და აშშ-ში ენერგიისა და სამხედრო აღჭურვილობის შესყიდვების მკვეთრად გაზრდას ითვალისწინებს. კერძოდ, ტრამპის ინფორმაციით, ევროკავშირი დათანხმდა მომდევნო წლებში აშშ-დან 750 მლნ დოლარის ღირებულების ენერგორესურსების იყიდოს.
