აშშ-ის პრეზიდენტმა, დონალდ ტრამპმა განაცხადა, რომ კანადიდან იმპორტირებულ საქონელზე პირველი აგვისტოდან 35%-იან ტარიფს დააწესებს.
დონალდ ტრამპი საკუთარ სოციალურ ქსელში აქვეყნებს წერილს, რომელიც კანადის პრემიერ-მინისტრს, მარკ კარნის გაუგზავნა.
წერილში აღნიშნულია, რომ ახალი ტარიფები პირველი აგვისტოდან ამოქმედდება და გაიზრდება, თუ კანადა საპასუხო ზომებს მიმართავს
ამავდროულად, NBC News-თან ინტერვიუში ტრამპმა აღნიშნა, რომ აშშ-ის სხვა სავაჭრო პარტნიორებისთვის საბაზისო ტარიფებიც გაიზრდება. ამჟამად საბაზისო ტარიფები 10%-ია.
„ყველა დანარჩენი ქვეყანაც გადაიხდის, იქნება ეს 20 თუ 15%. ამას ახლა გავარჩევთ“, – განაცხადა ტრამპმა ინტერვიუში.
ცნობისთვის, კანადას და აშშ-ს სავაჭრო მოლაპარაკებების ვადა 21 ივლისამდე აქვთ შეთანხმების მისაღწევად.
1tv.ge
