იაპონური ავტომწარმოებელი Toyota ფინანსურ ზეწოლას განიცდის. ამის შესახებ ინფორმაციას Reuters-ი ავრცელებს.
კომპანიამ 2026 წლის დასაწყისში მოგების შემცირების ახალი ტალღა დააფიქსირა. ანალიტიკოსების შეფასებით, Toyota-ს საოპერაციო მოგება წინა წლის ანალოგიურ პერიოდთან შედარებით დაახლოებით 27%-ით არის შემცირებული და ზედიზედ რამდენიმე კვარტლის განმავლობაში შემცირების ტენდენციას აჩვენებს. ძირითადი მიზეზებად სახელდება ნედლეულის გაძვირება, წარმოების ხარჯების ზრდა, მიწოდების ჯაჭვზე არსებული ზეწოლა და გეოპოლიტიკური ფაქტორები, მათ შორის სავაჭრო ბარიერები.
მიუხედავად ამისა, კომპანია ინარჩუნებს შედარებით ძლიერ პოზიციას ჰიბრიდული ავტომობილების სეგმენტში, რაც ნაწილობრივ აბალანსებს საერთო ფინანსურ შედეგებს, თუმცა მთლიანობაში Toyota შედის ხარჯების ზრდისა და მოგების შემცირების ფაზაში და ცდილობს ოპერაციების ოპტიმიზაციასა და სტრუქტურულ ადაპტაციას გლობალური ავტობაზრის ცვლილებებთან.
თამარ გაზდელიანი
ფოტო: Reuters
