საქართველოს ინოვაციების და ტექნოლოგიების სააგენტოს (GITA) თავმჯდომარემ, თბილისის ტექნოპარკში, საფრანგეთის ელჩს ოლივიე კურტოს უმასპინძლა. ამის შესახებ ინფორმაციას GITA ავრცელებს.
მათივე ცნობით, ტექნოპარკის სივრცის დათვალიერების პარალელურად, ავთანდილ კასრაძემ სტუმარს სააგენტოს საქმიანობა და არსებული პროგრამები გააცნო, ასევე მიაწოდა ამომწურავი ინფორმაცია იმ რეფორმების შესახებ, რომელსაც საქართველოს მთავრობა ინოვაციებისა და სტარტაპების მხარდაჭერის კუთხით ახორციელებს.
შეხვედრაზე მხარეებმა განიხილეს საფრანგეთსა და საქართველოს შორის, ტექნოლოგიებისა და ინოვაციების სფეროში, თანამშრომლობის გაღრმავების პერსპექტივა.
