Devoted – Devoted to ideas, to craft, to creativity - ეს არის კრეატივის საერთაშორისო ფესტივალის, Ad Black Sea 2024-ის, მთავარი მესიჯი. ზღვისპირა ქალაქში, შემოდგომის კრეატივის ყველაზე მასშტაბურ ფესტივალზე სწორედ ამ გზავნილის ადრესატები შეიკრიბნენ, ადამიანები, რომლებიც იდეასა და შემოქმედებითობას ერთგულად მიჰყვებიან.

ამ კონცეფციას მოარგო საკუთარი სივრცე  დეველოპერულმა კომპანია „მეტროპოლმა“ და ფესტივალზე ფერადი და მრავალფეროვანი კუთხე შექმნა. ტრადიციულ გამოსვლებს, ვორქშოპებსა და პანელურ დისკუსიებს  შორის სახლის თემატიკით დატვირთული ლოკაცია განტვირთვისა და ნეთვორქინგის  ერთ-ერთ საუკეთესო საშუალებად იქცა. დეველოპერი, რომელიც თავადაც ნოვატორულ მიდგომებზეა ორიენტირებული, კრეატივის საერთაშორისო ფესტივალის პარტნიორი და მხარდამჭერია.

მარიამ კარკალაია, „მეტროპოლის“ მარკეტინგის დირექტორი: „მეტროპოლისა“ და Ad Black Sea-ის თანამშრომლობა საერთო ღირებულებებს ეფუძნება, რაც, პირველ რიგში, საქმისადმი ერთგულებას გულისხმობს. უფრო ფართო ჭრილში თუ შევხედავთ, ეს არის ინდივიდუალური, შემოქმედებითი მიდგომა, ინოვაცია თუ საერთაშორისო გამოცდილების გაზიარება. სწორედ ამას დავაშენეთ ჩვენი იდეაც და ფესტივალის სტუმრებს „მეტროპოლის“ ფერად მოსასვენებელ სივრცეში ვუმასპინძლეთ. 

ბუნებრივია, ჩვენი ინტერესის მთავარი სფერო სახლია. სახლი, სადაც ჩანაფიქრების გასაზიარებლად იკრიბებიან. მიზანიც სწორედ ეს იყო - „მეტროპოლის“ ლოკაცია  ფესტივალის სტუმრებისათვის შეკრების ერთ-ერთ მთავარ ადგილად გვექცია. დიდი ინტერესი გამოიწვია „მეტროპოლის“ ინტერაქციულმა კედელმაც, მთავარი შეკითხვით „რა აქცევს ჩანაფიქრს რეალობად?” - გვსურდა, თითოეულ სტუმარს საკუთარი აზრები და იდეები გაეზიარებინათ, ჩვენეული პასუხი, „ჩანაფიქრის ერთგულება“ კი გულის ფორმის სიმბოლური საჩუქრით დავუბრუნეთ.

მოხარულები ვართ, რომ Ad Black Sea-სთან პარტნიორობით ჩვენი წვლილი შეგვაქვს შემოქმედებითი ინდუსტრიის განვითარებაში. ვიმედოვნებთ, ეს თანამშრომლობა კიდევ უფრო საინტერესოდ გაგრძელდება“.

კრეატივის ფესტივალის კონცეფციის ფარგლებში, „მეტროპოლმაც“ აქცენტი ბაროკოსა და გრაფიტზე შეაჩერა და სტუმრების განსაკუთრებულად გაფორმებულ სივრცეში უმასპინძლა.

საერთაშორისო ფესტივალის 1300-ზე მეტ დელეგატს დეველოპერულმა კომპანიამ „მეტროპოლის პლაჟზეც“ უმასპინძლა. ფერებით დატვირთულ, მრავალფუნქციურ სივრცეში, რომელიც ბათუმის პლაჟზე სეზონის დასაწყისიდან ფუნქციონირებს, დასვენებისათვის ყველა პირობაა შექმნილი.

ზღვასთან და მზესთან ჰარმონიაში, ღონისძიების მონაწილეებს შესაძლებლობა ჰქონდათ, იოგას გაკვეთილებს დასწრებოდნენ, ან უბრალოდ სასიამოვნო გარემოში გაეტარებინათ სექტემბრის თბილი დღეები „მეტროპოლის“ სანაპიროზე.

Ad Black Sea-ის რიგით მერვე ღონისძიება დასრულებულია. საერთაშორისო ჟიურიმ წლის საუკეთესო ნამუშევრები 13 ძირითადი კატეგორიის 100-მდე ქვეკატეგორიაში გამოავლინა. ფესტივალი სტუმრებს მომავალ წლამდე დაემშვიდობა. თუმცა ამით არ სრულდება „მეტროპოლისა“ და Ad Black Sea-ის პარტნიორობა. შემოქმედებითი ინდუსტრიის ხელშეწყობისათვის რამდენიმე თვის წინ Tbilisi Design Festival-ის მხარდაჭერით დაწყებული თანამშრომლობა მომავალშიც აქტიურად გაგრძელდება. მით უფრო მაშინ, როდესაც ჩანაფიქრი ერთგულებას ემყარება.

ქალაქი ბათუმი სამშენებლო კომპანია „მეტროპოლისათვის“ ბიზნესსაქმიანობის ერთ-ერთი მთავარი ლოკაციაა. ზღვისპირა ქალაქში დეველოპერს სამი პროექტი აქვს. „მეტროპოლ ოვალი“ და „მეტროპოლ კუბი“ მსოფლიო ბაზარზე ერთ-ერთ უმსხვილეს მოთამაშესთან Louvre Hotels Group-თან თანამშრომლობით შენდება. კონცეპტუალურად განსხვავებულია „მეტროპოლ პარალელი“ - საცხოვრებელი კომპლექსი ხელსაყრელი მდებარეობითა და შთამბეჭდავი პანორამული ხედებით.

რაც შეეხება თბილისს, დედაქალაქში უკვე დასრულებულია მშენებლობა ბაგებში, პროცესშია ყველაზე დიდი რეკრეაციული ზონით გამორჩეული კომპლექსი „მეტროპოლ ქავთარაძე“, რამდენიმე დღის წინ დაიწყო წინასწარი გაყიდვები ქალაქის ისტორიულ უბანში მდებარე „მეტროპოლ ორთაჭალის“ ბინებზე. პროექტების განსახორციელებლად კომპანიის ჯამური ინვესტიცია 1,050,000,000 ლარზე მეტია.

--

„მეტროპოლის“ შესახებ: დეველოპერული კომპანია „მეტროპოლი“ საქართველოში 2022 წელს დაფუძნდა. კომპანია ქვეყნის მასშტაბით ხუთ პროექტს ახორციელებს. თბილისში ორი საცხოვრებელი კომპლექსის „მეტროპოლ ბაგებისა“ და „მეტროპოლ ქავთარაძის“ მშენებლობა მიმდინარეობს. ბათუმში კი „მეტროპოლ კუბი“ და „მეტროპოლ ოვალი“ შენდება, სადაც ფრანგულ კომპანიასთან, Louvre Hotels Group-თან თანამშრომლობით 5-ვარსკვლავიანი სასტუმრო Royal Tulip განთავსდება. ბათუმშივე დაიწყება ახალი პროექტის „პარალელის“ მშენებლობა, რომელიც ახალი საცხოვრებელი კორპუსი იქნება პანორამული ხედებით.

„მეტროპოლის“ მშენებლობების ჯამური ფართი 545 000 კვ.მ-ზე მეტია და მთლიანობაში 3500 ბინას მოიცავს. დეველოპერული კომპანია 2000-ამდე დასაქმებულს აერთიანებს და მისი ჯამური ინვესტიციის მოცულობა 1,050,000,000 ლარია.