G-HOME მიმდინარე წელს, ახალი ფილიალის გახსნას გეგმავს. ამის შესახებ კომპანია G-HOME-ის მრჩეველმა მეჰმედ მელექმა "ბიზნესპარტნიორთან" განაცხადა.
მისივე ინფორმაციით, ჯერჯერობით კონკრეტული ლოკაცია შერჩეული არ არის, თუმცა დამატებითი ფილიალი რეგიონში იქნება. მანვე აღნიშნა, რომ გაფართოების ინვესტიცია დაახლოებით, 500 000 ლარამდე იქნება.
"G-HOME-ის მაღაზიებში, სამი ბრენდის პროდუქციაა განთავსებული. მათ შორის, სახლის ტექსტილის - Ozdilek-ი, საყოფაცხოვრებო წვრილი ტექნიკის - Arzum-ი და ჭურჭლის - Korkmazi. პროდუქციის 70% სახლის ტექსტილს უჭირავს. ამჟამად 3 მაღაზია გვაქვს და გარდა ამისა, გვყავს 4 დილერი. ჯერ ახალი ბრენდია და ვფიქრობთ, რომ ბაზარზე მოთხოვნა ნელ-ნელა უფრო და უფრო გაჩნდება", - აცხადებს მეჰმედ მელექი.
ცნობისთვის, შპს "ჯი-ჰოუმ ჯორჯია" 2023 წელს შეიქმნა და ბაზარზე G-HOME-ის ბრენდით ოპერირებს. კომპანია საყოფაცხოვრებო ტექნიკის ბრენდ BEKO-ს დამფუძნებლებმა დააფუძნეს.
