კომპანიის გაყიდვები ყოველწლიურად ორმაგდება, - ამის შესახებ სათვალეების იმპორტიორი კომპანია Pink Glasses -ის თანადამფუძნებელმა ნათია გაჩეჩილაძემ "ბიზნესპარტნიორთან" განაცხადა.
მისივე ინფორმაციით, Pink Glasses-ის მომხმარებლების დაახლოებით, 20% სხვადასხვა ქვეყანაში მყოფი ემიგრანტები არიან.
"ჩვენ გვაქვს როგორ ქალის, ისე მამაკაცის და საბავშვო ხაზის სათვალე. გარდა ამისა, მაღაზიაში წარმოდგენილია ნომრიანი მოდელები. ასევე, 1 თვეა დაგვემატა ფრანგული სუნამოები. ჩვენი პროდუქცია 100%-ით იმპორტირებულია. ყველა სათვალე პირველი ხარისხის რეპლიკებია და ძირითადად, იტალიიდან და ჩინეთიდან შემოგვაქვს, ხოლო სუნამო - საფრანგეთიდან.
მაღაზია, დაახლოებით, 1 კვირის წინ გავხსენით და ხალხის ნაკადი არ წყდება. ასევე, სოციალურ ქსელებში ძალიან დიდი მოთხოვნაა. ყოველდღიურად, დაახლოებით 300-400 შეტყობინება შემოგვდის. ჩვენ გვაქვს საკურიერო მომსახურება მთელი ქვეყნის მასშტაბით და ასევე, პროდუქციას საზღვარგარეთაც ვაგზავნით.
მიმდინარე წელს სერვისების დახვეწას და განვითარებას ვგეგმავთ, ხოლო მომავალში ფილიალების დამატებაც განიხილება", - აცხადებს ნათია გაჩეჩილაძე.
ცნობისთვის, Pink Glasses ბაზარზე, დაახლოებით, 3 წლის წინ გამოჩნდა. კომპანია გვანცა მეგრელმა დააფუძნა. თავდაპირველად Pink Glasses ონლაინ მაღაზია ჰქონდა, ხოლო 2025 წლის იანვარში ბრენდული მაღაზია თბილისში გახსნა.
