სსიპ საგანმანათლებლო და სამეცნიერო ინფრასტრუქტურის განვითარების სააგენტო ჭიათურის მუნიციპალიტეტის სოფელ წყალშავის საჯარო სკოლის სრულ რეაბილიტაციას ახორციელებს.
სააგენტოს ცნობით, სარეაბილიტაციო სამუშაოების შედეგად სკოლას, რომელიც გათვლილია 320 მოსწავლეზე, ექნება თანამედროვე სტანდარტების შესაბამისი, ყველა საჭირო სასწავლო რესურსით აღჭურვილი შენობა. სასწავლო სივრცეების პარალელურად იფუნქციონირებს საბუნებისმეტყველო და კომპიუტერული ლაბორატორიები, სპორტული დარბაზი, ექიმის კაბინეტი და ბიბლიოთეკა.
მათივე ინფორმაციით, სკოლა ადაპტირებულია შეზღუდული შესაძლებლობის მქონე პირებისთვის: მოეწყო ლიფტი, ადაპტირებული სანიტარული კვანძები და პანდუსი.
პროექტის დასრულების შემდეგ მოსწავლეები სწავლას თანამედროვე საგანმანათლებლო ინფრასტრუქტურით უზრუნველყოფილ, კომფორტულ და უსაფრთხო სკოლაში გააგრძელებს.
