შიდა ქართლის რეგიონს პაატა ივანიშვილი უხელმძღვანელებს. ინფორმაციას ამის შესახებ გაერთიანებული წყალმომარაგების კომპანია ავრცელებს.
ახალ მენეჯერს სამინისტროსა და კომპანიის ხელმძღვანელი პირებისგან ოპერაციული პროცესების გამართულად მართვა და მოსახლეობისთვის სწრაფი და ეფექტიანი სერვისის უზრუნველყოფა დაევალა.
პაატა ივანიშვილს წყალმომარაგების კომპანიის სხვადასხვა რეგიონულ სერვის ცენტრში მუშაობის მრავალწლიანი გამოცდილება აქვს. 2019-2021 წლებში ქალაქ გორის მერის მოადგილის თანამდებობას იკავებდა.
