საქართველოს კონკურენციისა და მომხმარებლის დაცვის სააგენტომ (GCCA) შპს „ლიდერ გლასი“ ვალდებულებების შეუსრულებლობისთვის 600 ლარით დააჯარიმა.
GCCA-ს ინფორმაციით, საქმის შესწავლის შედეგად, შპს „ლიდერ გლასის“ მიერ „მომხმარებლის უფლებების დაცვის შესახებ“ საქართველოს კანონის დარღვევის ფაქტი დადგინდა. გადაწყვეტილების საფუძველზე, მოვაჭრეს ევალებოდა, 1 თვის ვადაში სავაჭრო პოლიტიკა კანონის მოთხოვნებთან შეესაბამებინა.
"ჯარიმის დაკისრება მოვაჭრეს სააგენტოს გადაწყვეტილების შესრულების ვალდებულებისგან არ ათავისუფლებს,"-ნათქვამია GCCA-ს მიერ გავრცელებულ ინფორმაციაში.
